Prezident Jakucii (Rasija) Jahor Barysaŭ uvioŭ na terytoryi respubliki režym nadzvyčajnaj situacyi ŭ suviazi z pavieličeńniem pahałoŭja vaŭkoŭ i pačaščeńniem vypadkaŭ ich napadu na svojskich žyvioł.
Z 15 studzienia ŭ respublicy pačniecca trochmiesiačny pieryjad baraćby z vaŭkami. Buduć sfarmiravany bryhady palaŭničych dla adstrełu hetych žyvioł. Ułady majuć namier vypłačvać uznaharodu za kožnuju zdabytuju vaŭčynuju skuru. Akramia taho, najlepšym palaŭničym buduć vypłačanyja asablivyja premii. Ich pamier składzie šaściznačnaja ličbu.
Siezon palavańnia na vaŭkoŭ budzie adkryty kruhły hod da taho času, pakul kolkaść źviaroŭ nie skarocicca da 500 asobin - mienavita taki lik, pa raźlikach navukoŭcaŭ, źjaŭlajecca aptymalnym dla rehijonu. U ciapierašni čas na terytoryi Jakucii žyvie bolš 3,5 tysiač vaŭkoŭ.
Pavodle dadzienych ministerstva sielskaj haspadarki Jakucii
ŭ 2012 hodzie vaŭki zahryźli 313 tabunnych koniej i bolš za 16 tysiač svojskich aleniaŭ.
Śpiecyjalisty miarkujuć, što vaŭki stali čaściej napadać na chatnich žyvioł z-za skaračeńnia papulacyi zajca-bielaka.
