Siryjski prezident Bašar Asad ŭ publičnym zvarocie da nacyi abvinavaciŭ «zmoŭščykaŭ i terarystaŭ» va ŭzbrojenym kanflikcie, jaki praciahvajecca z sakavika 2011 hoda, zaklikaŭ siryjski narod da mabilizacyi, padziakavaŭ za padtrymku Rasii, Kitaju dy Iranu i paabiacaŭ pravieści palityčnyja reformy.
U pieršym za šeść miesiacaŭ vystupie pa telebačańni Asad nazvaŭ paŭstancaŭ «vorahami Boha i maryjanietkami Zachadu».
Jon vykazaŭ škadavańnie z pryčyny pakut naroda ŭ hramadzianskaj vajnie, zajaviŭšy, što «čornaje vobłaka» bolu achapiła ŭsiu krainu. Płan urehulavańnia kanfliktu, prapanavany Asadam, praduhledžvaje siarod inšaha sklikańnie kanfierencyi nacyjanalnaha prymireńnia i napisańnie novaj kanstytucyi.
Apazicyja, jakaja raniej nazyvała hałoŭnaj umovaj raźviazańnia kryzisu sychod z palityčnaj sceny Bašara Asada, choładna ŭspryniała słovy Asada, nazvaŭšy dziejańni prezidenta sprobaj sarvać dypłamatyčnaje rašeńnie kanfliktu.
Vystup Asada pierad prychilnikami ŭ Opiernym teatry Damaska ciahnuŭsia kala hadziny. Pramova siryjskaha lidara pieraryvałasia apładysmientami i vokličami ŭchvały.
Asad abvinavaciŭ u tym, što adbyvajecca «źviazanych z „
«My našy dušy i našu kroŭ addamo za Bašara», — adkazvali jamu hledačy ŭ zale.
Pa dadzienych AAN, za 21 miesiac kanfliktu ŭ Siryi zahinuła bolš za 60 tys. čałaviek, a Čyrvony Kryž raniej nazvaŭ situacyju ŭ Siryi «hramadzianskaj vajnoj».
Usie raniejšyja dypłamatyčnyja sproby pakłaści kaniec krovapralićciu ŭ Siryi, jakija rabiła mižnarodnaja supolnaść, skončylisia niaŭdała.
Nacyjanalnaja kaalicyja siryjskaj apazicyi, sfarmavanaja ŭ listapadzie hetaha hoda ŭ Katary i pryznanaja mnohimi krainami ŭ jakaści adzinaj lehitymnaj palityčnaj siły ŭ krainie, adprečyła płan rašeńnia kanfliktu, prapanavany Asadam.
Na ich dumku, dziejańni Asada ryzykujuć sarvać dypłamatyčnaje rašeńnie kryzisu.
