U Turkmienistanie ŭstupiŭ u siłu pieršy ŭ hetaj krainie zakon «Ab srodkach masavaj infarmacyi». Adpaviedny ŭkaz 3 studzienia padpisaŭ prezident krainy Hurbanhuły Bierdymuchamiedaŭ.
Dakumient ustanaŭlivaje paradak zboru, padrychtoŭki i raspaŭsiudu infarmacyi ŭ Turkmienistanie, a taksama harantuje hramadzianam krainy bieśpieraškodny dostup da zamiežnych srodkaŭ masavaj infarmacyi, zabaraniaje dziaržorhanam cenzuravać i akazvać supraćdziejańnie pracy ŚMI.
Prava na zasnavańnie srodku masavaj infarmacyi, zhodna z hetym zakonam, majuć nie tolki orhany ŭłady, ale i jurydyčnyja asoby, hramadskija arhanizacyi i hramadzianie krainy, jakija dasiahnuli 18 hadoŭ. Ciapier zasnavalnikam bolšaści centralnych haziet źjaŭlajecca prezident Turkmienistana.
Dla raźvićcia infrastruktury ŚMI dziaržava budzie vydzialać hrošy ź dziaržbiudžetu abo rabić padatkovyja lhoty.
