Niamieckija navukoŭcy raspracavali technałohiju, jakaja dazvalaje za noč pieratvarać sadovaje śmiećcie ŭ vuhalnyja hranuły, jakija možna vykarystoŭvać na zvyčajnych ćviordapaliŭnych elektrastancyjach.
Skošanaja trava, liście abo adrezanyja halinki raślin źmiaščajucca ŭ śpiecyjalny, hiermietyčna začynieny aparat, u jakim jany pieratvarajucca ŭ vuhal prykładna hetak ža, jak heta adbyvajecca ŭ pryrodzie, adnak na heta patrabujecca niekalki hadzin, a nie miljonaŭ hadoŭ,piša The Local.
Atrymany takim čynam
«bijavuhal» pa charaktarystykach amal identyčny buramu vuhalu, roźnica ŭ tym, što vuhlakisły haz, jaki ŭ im utrymlivajecca, — niejtralny,paviedamlaje vydańnie.
Pieravaha novaha mietadu atrymańnia bijapaliva pierad tymi, što isnavali raniej, zaklučajecca ŭ tym, što dla jaho padychodzić lubaja arhaničnaja syravina, u tym liku charčovyja adkidy.
Kali technałohija sapraŭdy takaja efiektyŭnaja, ź jaje dapamohaj
u adnoj tolki Hiermanii možna budzie dadatkova atrymlivać 4 młn ton paliva — dastatkova dla enierhazabieśpiačeńnia kala 2,5 młn kvater abo pryvatnych damoŭ,spasyłajucca žurnalisty na raźliki śpiecyjalistaŭ ź Instytuta Iahana fon Tiuniena.
Pytańnie — enierhazatratnaść novaha sposabu, jaki ŭžo achryścili «revalucyjnaj zialonaj technałohijaj». Kali jon vyjavicca dastatkova pryjmalnym i prostym dla šyrokaha ŭžyvańnia,
ź jaho dapamohaj u budučyni ŭdasca źmienšyć zaležnaść cełych krain ad pastavak vuhlevadarodnaj syraviny i źbierahčy navakolnaje asiarodździe.Užo
