Dvoje darosłych i dzicia zahinuli pry pažary žyłoha doma ŭ vioscy Słabodka Barysaŭskaha rajona Minskaj vobłaści.

Paviedamleńnie pra toje, što haryć žyły dom, pastupiła na liniju 101 ad susiedki. Prybyŭšy na miesca, ratavalniki-pažarnyja znajšli zahinułymi piensijanierku — haspadyniu doma, jaje syna, a taksama ŭnuka haspadyni — vučnia 1 kłasa. Jak rastłumačyli ŭ MNS, pierad trahiedyjaj chłopčyk zastaŭsia načavać u babuli.

«Razhladajucca niekalki viersij pryčyn pažaru, u tym liku nieaściarožnaje abychodžańnie z ahniom pry kureńni zahinułaha mužčyny», — dadali ŭ viedamstvie.

Ratavalniki-pažarnyja jašče raz zaklikajuć usich być vielmi aściarožnymi z ahniom i trymacca praviłaŭ pažarnaj biaśpieki. Pa statystycy 90% pažaraŭ adbyvajucca ŭ žyłym siektary, a 76% zahinułych stali achviarami pažaraŭ mienavita z-za nieaściarožnaha abychodžańnia z ahniom.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?