U Homieli pjanyja miascovyja žychary źbili rabotnikaŭ chutkaj dapamohi, jakija prybyli pa vykliku.

Złačynstva, kvalifikavanaje jak chulihanstva (art. 339 KK), było ŭčyniena ŭ kaladny viečar, 7 studzienia. U chutkuju pastupiła paviedamleńnie, što niekalki hramadzian paciarpieli ad raspyleńnia hazavaha bałončyka. Miedrabotniki, jakija pryjechali na vulicu Internacyjanalnuju pa vykliku, pacikavilisia ŭ mužčyny, što stajaŭ kala padjezda, ci nie jon vyklikaŭ chutkuju dapamohu. Pakolki toj byŭ pjany i vyrazna adkazać nie zdoleŭ, miedyki abjechali vakoł doma i, nie znajšoŭšy nikoha, kamu patrebnaja dapamoha, zapytalisia ŭ mužčyny, ci nie patrebnaja dapamoha jamu.

Reakcyja hamialčanina była nieadekvatnaj — jon kinuŭsia da mašyny chutkaj, vyciahnuŭ kiroŭcu i staŭ jaho źbivać.

Miedrabotnik sprabavaŭ abaranić kalehu, ale na dapamohu pjanamu hamialčaninu pryjšoŭ jaho brat. U vyniku bojki, jakuju spynili supracoŭniki milicyi, rabotnikam chutkaj byli naniesieny cialesnyja paškodžańni. Braty 1978 i 1980 hadoŭ naradžeńnia zatrymanyja, pravodzicca śledstva.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?