Julija Ściapanava.
U 0:45 Julija Ściapanava išła ad aŭtobusnaha prypynku da svajho doma. Kala padjezda na jaje napali dvoje mužčyn. Adzin schapiŭ za ruki zzadu, druhi abrezaŭ joj koratka vałasy. Kinuli tvaram u śnieh. Patrabavali spynić dapamohu palitrepresavanym.
«NN»: Vy źviazvajecie hety napad z hramadskaj dziejnaściu?
JUS: Tak. Jany ŭčora i skazali: «Nu što, s.ka, sabrała łasiny?» Ja dapamahaju represavanym: źbiraju adziežu, toje, u čym ludzi majuć patrebu.
«NN»: A što za łasiny, pryčym tut łasiny?
JUS: Kali čarhovy raz uzłamali maju staronku ŭ sacsietkach, ja napisała taki post: prapanuju sabrać dla supracoŭnikaŭ śpiecsłužbaŭ łasiny. Nu, čornyja šapki i zialonyja łasiny ź dziaržsimvolikaj.
«NN»: To vy ličycie heta pomstaj za abraźlivyja dla kahości słovy?
JUS: Pakryŭdzilisia, napeŭna. A kali sychodzili, dadali: «Pi...j da svajho baradataha žerci aŭsianku!» Usio, što ja ad ich pačuła.
«NN»: Zajavu ŭ milicyju budziecie padavać?
JUS: Siońnia abaviazkova napišu. Zafiksavać heta treba.
U mai 2012 Julija Ściapanava była zvolnienaja z pracy ŭ pradstaŭnictvie šviedskaj firmy Scandinavian&UK Machines. Kantrakt zakančvaŭsia 31 śniežnia, a 29 maja Ściapanavaj paviedamili, što kantrakt ź joj daterminova skasavany. Napiaredadni jana była administracyjna asudžanaja ŭ suviazi z udziełam u akcyjach u padtrymku palitviaźniaŭ.