«Załaty hłobus»: «Arho» i «Adrynutyja» — najlepšyja filmy

Film «Arho» raspaviadaje pra padziei Iranskaj revalucyi 1979 h. Na fota - pradziusary filma: Ben Aflek (režysior), Hrant Chiesłoŭ i Džordž Kłuni.

Tryler Bena Afleka «Arho» pieramoh u naminacyi «Najlepšy film (drama)» na 70-j cyrymonii ŭručeńnia ŭznaharodaŭ «Załaty hłobus» u ZŠA. U anałahičnaj naminacyi dla kamiedyj i miuzikłaŭ pieramoh muzyčny film «Adrynutyja».

U naminacyi «Najlepšaja mužčynskaja rola (drama)» byŭ adznačany Denieł Dej-Luis, jaki syhraŭ 16-ha prezidenta ZŠA ŭ filmie «Linkoln».

Uznaharodu ŭ naminacyi «Najlepšaja žanočaja rola (drama)» atrymała Džesika Čestiejn, jakaja syhrała hałoŭnuju hierainiu ŭ filmie Ketryn Bihiełoŭ «Meta numar adzin».

Aŭstralijski akcior Chju Džekman, jaki syhraŭ hałoŭnuju rolu ŭ «Adrynutyja», atrymaŭ statuetku ŭ naminacyi «Najlepšaja mužčynskaja rola (kamiedyja ci miuzikł)».

Za najlepšuju žanočuju rolu ŭ kamiedyi abo miuzikle vyjhrała ŭznaharodu 22-hadovaja aktrysa Dženifier Łoŭrens, jakaja vykanała rolu maładoj udavy ŭ filmie «Moj chłopiec — psich».

0

0

0

0

0

0

Bi-Bi-Si

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH