U pryjomnaj dyrektara ŭ žančyny skrali sumačku z hrašyma: vypadak u Maładziečnie

Jak rastłumačyli ŭ Maładziečanskim rajadździele Śledčaha kamiteta, 9 studzienia ŭ milicyju źviarnułasia 40-hadovaja žycharka Maładziečna. Žančyna zajaviła, što z 8.00 da 8.45 nieviadomy ź jaje pracoŭnaha miesca źnios sumačku z dvuma mabilnymi telefonami i bankaŭskimi kartkami na sumu 2 miljony 150 tysiačaŭ rubloŭ.

U toj momant maładziečanka znachodziłasia ŭ kabiniecie dyrektara, a jaje sumačka stajała ŭ pryjomnaj pad stałom.

Pakolki kabiniet nie abstalavany kamieraj videanazirańnia, skazać, chto moža być datyčny da złačynstva — staronnija ludzi ci pracaŭniki pradpryjemstva — składana.

Zaviedziena kryminalnaja sprava pa č.1 art.205 Kryminalnaha kodeksa — «kradziež».

kraj.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH