18-hadovy kraŭ mabilniki na aŭtavakzale, a hrošy spuskaŭ na ihralnych aŭtamatach

Biespracoŭny 18-hadovy minčanin zatrymany pa padazreńni ŭ kradziažy mabilnych telefonaŭ z handlovaha paviljona adnaho z mabilnych apierataraŭ na aŭtavakzale «Maskoŭski» ŭ stalicy.

Jak paviedamili ŭ HUUS Minharvykankama, na aŭtavakzał małady čałaviek pryjšoŭ biez usialakaj mety pozna nočču i vyrašyŭ zastacca tam da ranicy. Ubačyŭšy na druhim paviersie budynka handlovy paviljon sotavaj suviazi, vyrašyŭ pasprabavać učynić kradziež.

Dla realizacyi zadumanaha złamyśnik padciahnuŭsia da dachu paviljona, adahnuŭ adzin z płastykavych ščytoŭ i praź niekalki chvilin byŭ užo ŭnutry pamiaškańnia.

Uziaŭšy z palicy pakiety, chłopiec pačaŭ składvać u ich usiu techniku, što traplała na vočy: navušniki, mr3-płejery, mabilnyja telefony. Kasa taksama nie zastałasia biez uvahi. Vybraŭšysia z paviljona, małady čałaviek nakiravaŭsia dadomu. Ahulnaja suma ŭronu ad kradziažu skłała kala 29 młn. rubloŭ. Bolš za ŭsio było ŭkradziena mabilnych telefonaŭ — 34 adzinki.

Realizoŭvać vykradzienaje chłopiec pačaŭ užo na nastupny dzień.

Mabilniki prapanoŭvaŭ na vulicy vypadkovym prachožym pa zanižanych cenach. Vyručanyja hrošy ŭ asnoŭnym traciŭ na hulniavyja aŭtamaty.

U chodzie praviadzieńnia apieratyŭna-vyšukovych mierapryjemstvaŭ supracoŭniki kryminalnaha vyšuku Pieršamajskaha RUUS ustanavili asobu padazronaha i zatrymali jaho. Častka vykradzienaha kanfiskavana. Padazrony źmieščany ŭ izalatar časovaha ŭtrymańnia. Pravodzicca rasśledavańnie.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH