Ała Sańnikava stała publičnaj asobaj paśla Płoščy-2010, kali jaje syna i niaviestku Irynu Chalip źniavolili va ŭnutranaj turmie KDB — “amierykancy”.Ała Sańnikava mužna adstojvała pravy syna i niaviestki, nasiła im pieradačy. Potym, kali Andreju Sańnikavu prysudzili 5 hadoŭ pazbaŭleńnia voli, jana praciahvała damahacca praŭdy ŭ Departamiencie vykanańnia pakarańniaŭ, pisać u roznyja instancyi, kab synu akazvali kvalifikavanuju i svoječasovuju miedyčnuju dapamohu.
Siońnia, u dzień 80-hodździa mamy, Andrej Sańnikaŭ nie zmoža pavinšavać jaje asabista, bo ad kastryčnika 2012 hoda atrymaŭ palityčny prytułak u Vialikabrytanii.Nieŭzabavie paśla vyzvaleńnia z kałonii eks-kandydat u prezidenty źjechaŭ na lekavańnie za miažu. Paźniej stała viadoma, što viartacca jon nie źbirajecca, bo ličyć znachodžańnie ŭ Biełarusi niebiaśpiečnym dla siabie.
