Łukašenka — Miaśnikoviču: Šerah niehatyŭnych faktaraŭ naściarožvaje 6

U Biełarusi nie pavinny być źnižany tempy madernizacyi. Takuju zadaču pastaviŭ 14 studzienia Alaksandr Łukašenka, prymajučy z dakładam prem'jer-ministra Michaiła Miaśnikoviča.

«Na fonie peŭnych pośpiechaŭ u ekanomicy, ab čym i vy ŭžo ŭ kancy hoda havaryli, i ministry našy adznačajuć, ale heta vidać, isnuje, viadoma ž, i šerah niehatyŭnych faktaraŭ, jakija nie mohuć nie naściarožvać, ale pa jakich my pavinny vielmi surjozna pracavać.

Hałoŭnym pytańniem sustrečy staŭ chod padrychtoŭki da maštabnaj madernizacyi vytvorčaha siektara.

Alaksandr Łukašenka źviarnuŭ uvahu na nizki temp pryrostu VUP, adnak padkreśliŭ, što jaho bolš niepakoić nie hety faktar:

u Biełarusi nie pavinny być źnižany tempy madernizacyi i namiečanyja kroki pa jakasnym palapšeńni ekanomiki i tavaraŭ.

Jon zapatrabavaŭ dałažyć ab tym, jak urad budzie pracavać u hetym napramku ŭ hetym hodzie, a taksama pacikaviŭsia tym, jak vyrašajucca ŭradam prablemy, jakija siońnia chvalujuć ludziej.

Alaksandr Łukašenka zapatrabavaŭ razumna raschodavać srodki, pakolki madernizacyja zakranie ŭ asnoŭnym dziaržaŭny siektar.

U toj ža čas dziaržava hatova padtrymlivać pracesy madernizacyi i inavacyjnaha raźvićcia i na pradpryjemstvach niedziaržaŭnaha siektara abo ź nievysokaj dolaj dziaržaŭnaj ułasnaści.

Jak adznačyŭ prem'jer-ministr, kožnaje pradpryjemstva, kožny vykankam, kožnaje ministerstva pavinny zajmacca pytańniami madernizacyi pradmietna, i heta pavinna davać vysoki vynik. «Patracić hrošy i nie atrymać novuju pradukcyju — heta złačynstva», — padkreśliŭ Michaił Miaśnikovič.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH