Jak paviedamiŭ načalnik Biarozaŭskaha rajonnaha adździeła Śledčaha kamiteta Alaksandr Panasievič, niaščasny vypadak adbyŭsia, a pieršaj hadzinie nočy 12 studzienia na kanale Biarozaŭskaj DRES niedaloka ad Biełaaziorska. Dvoje mužčyn pryjechali siudy z Bresta dla zaniatkaŭ dajvinham.
Paśla padvodnaha płavańnia adzin z akvałanhistaŭ vyjšaŭ na bierah i, nie znajšoŭšy tam naparnika, niejki čas čakaŭ jaho kala vadajoma. Potym biespaśpiachova sprabavaŭ znajści jaho ŭ vadzie. Paśla taho jak pošuki ničoha nie dali, pazvaniŭ u milicyju.
Cieła zahinułaha dastali z vady 12 studzienia kala 14.00. Papiaredniaja pryčyna śmierci — utapleńnie.
Usie akaličnaści zdareńnia ŭstanaŭlivaje padčas pravierki Biarozaŭski rajonny adździeł Śledčaha kamiteta.
0
0
0
0
0
0
