Astapovič suprać adnaŭleńnia Minskaha zamčyšča pa prajekcie Bahłasava 8
14 studzienia ŭ Minsku adbyłasia pres-kanfierencyja staršyni respublikanskaha savieta Biełaruskaha dobraachvotnaha tavarystva achovy pomnikaŭ historyi i kultury Antona Astapoviča. Jana była pryśviečana prablemam praviadzieńnia rabot u histaryčnym centry stalicy ŭ śviatle padrychtavanaha i pradstaŭlenaha na abmierkavańnie skarektavanaha Prajekta detalovaha płanavańnia rekanstrukcyi, restaŭracyi, adnaŭleńnia i dobraŭparadkavańnia histaryčnaha centra Minska.
Na dumku kiraŭnika tavarystva, hramadskaje abmierkavańnie hetaha nadzvyčaj važnaha prajekta, jakoje startavała z 5 studzienia, «pa maštabu suraźmiernaje z abmierkavańniem drobnaha abjekta na ŭskrajku našaha horada».
Pavodle słoŭ Astapoviča, nie było šyrokaj infarmacyjnaj padtrymki pačatku hramadskaha abmierkavańnia, jana abmiežavałasia nievialičkimi zamietkami ŭ «Minskim kurjery» i «Viačernim Minsku».
«U novaj viersii detalovaha płana, — adznačaje staršynia tavarystva, — idzie sproba lehitymizacyi vielmi sprečnaha prajekta, dyskusija nakont jakoha jašče nie skončana, asvajeńnia paŭdniova-ŭschodniaj častki zamčyšča. Takim čynam detalovy płan u pierśpiektyvie moža stać pravavym padmurkam dla realizacyi prajekta Siarhieja Bahłasava pa tak zvanym adnaŭleńni Minskaha zamčyšča; prajekta, jaki z samaha pačatku parušaje histaryčnuju płanirovačnuju strukturu, nie praduhledžvaje adnaŭleńnia stračanaj histaryčnaj zabudovy; prajekta, jaki pry jaho realizacyi parušaje łandšaft, što histaryčna skłaŭsia, — jon budzie nie rekanstrujavać łandšaft, a farmiravać novy, i heta budzie falsifikacyja; prajektu, jaki naniasie vielmi mocny ŭdar pa kulturnamu płastu».
