16:45 «...Pry našaj aŭtarytarnaj sistemie ŭłady...»
Apošniaje pytańnie ad žurnalistki z Rasonaŭ (Viciebskaja vobłaść). Jana prapanuje skazać štości takoje važnaje, što moža być, nie ŭzhadali na pres-kanfierencyi (jana, darečy, doŭžycca amal 5 hadzin).
«Korań majoj palityki — heta česnaść, ščyraść, skiravanaja na spakojnaje žyćcio ludziej, — adkazvaje Alaksandr Łukašenka. — Nam treba mir i spakoj. Nam druhoj ziamli nichto nie daść. Daj boh nam hetuju ziamlu ŭtrymać». I adznačaje važnaść sustreč z žurnalistami «pry našaj aŭtarytarnaj sistemie ŭłady».
16:37
Natalla Pravalinskaja z «Biełhaziety» zadaje pytańnie pra nastupnyja prezidenckija vybary. Z kim z kandydataŭ vam było b cikava pazmahacca, pamierycca? Kaho chacieli b u jakaści sparynh-partniora?
«Voś kali b vy išli na vybary, było b cikava, — adkazvaje Łukašenka žartam. — Bo vy choć ź piataj kałonaj supracoŭničajecie, ale jana vas jašče nie sapsavała».
Jon nazvaŭ apazicyju «zdradnikami» i zaklikaŭ «pavažać vybar naroda». «Navat kali b Łukašenka niekaha kinuŭ i padmanuŭ, nu ŭ tvaich ža intaresach», to treba razabracca, kinuŭ jon ci nie kinuŭ i dla čaho, tłumačyć jon.
«Fiaduta abo Labiedźka byli kala karyta i čmokali bolš, čym chtości», — paŭtaraje jon svaje kolišnija słovy.
Narod zrazumieŭ, što kraina nie pavinna iści tych šlacham, jakim paviała krainu piataja kałona na čale z Šuškievičam, kaža Łukašenka.
Nahadvaje Pravalinskaj, što načalnikam štaba Kiebiča byŭ Michaił Miaśnikovič.
«A vy kažacie, sparynh-partnior... Jany ŭžo byli ŭ mianie ŭ sparynh-partniorach».
16:22
Redaktar Chadasoŭski z «Biełarusaŭ i rynka» pytajecca pra madernizacyju: «Čym adroźnivajecca siońniašniaja? Ci hatova hramadstva da madernizacyi?»
«Adroźnieńnie siońnia ŭ kankretycy i popycie. Siońnia ŭ nas sielskaja haspadarka prystojnaja — heta vynik madernizacyi. Sioleta my skončym madernizacyju ŭ śfiery achovy zdaroŭja. Padymi Siamašku, jon pačnie raskazvać płany madernizacyi naftapierapracoŭčych zavodaŭ. Išła madernizacyja kropkava. U nas siońnia vybaru niama, bo ŭzmacniajecca kankurencyja. Chočacie vy abo hramadstva hetaha ci nie, nie maje značeńnia».
16:19
«Znamia junosti» papytałasia, kim bačyć Łukašenka svaich synoŭ u budučyni. «Adzin na spartovaj nivie, druhi baćku dzieści padstrachoŭvaje. Jany sami vybrali takuju nivu. Ničoha kiepskaha ŭ hetym niama».
16:16
Žurnalist z «Hrodzienskaj praŭdy» pytajecca ab pryvatyzacyi hrodzienskaha «Azota» indyjcam. «Ja nie baču tut prablem», — adkazaŭ kiraŭnik krainy. «My nie vyklučajem prodažu «Azota». Ale tanna nikomu nie pradadzim. Chacia ja nie dumaju, što zaraz niechta prydzie i na našych umovach nabudzie. Abaviazkova treba, kab jany dadali niešta da isnujučaha».
16:07
Pytańnie ad «Biełorusskoj vojennoj haziety»: ci buduć źmieny ŭ sistemie pryzyvu. Moža buduć paźniej pryzyvać ci pieraviaduć na kantraktnuju słužbu?
Adkazvaje Malcaŭ.
16:03
Polskaje radyjo, jak i hod tamu, iznoŭ pytajecca pra Katynski śpis. I pytajecca, ci možna arhanizavać raskopki ŭ Kurapatach.
«Płacicie hrošy, my praviadziom raskopki, dzie vy ličacie patrebnym. My sami praviadziom raskopki, biez polskich archieołahaŭ». I paćviardžaje letašnija słovy, što ŭ Biełarusi polskich vajennapałonnych nie rasstrelvali.
15:56
Pytańnie ad Aleny Danejki, «Niamieckaja chvala»: jakija kankretnyja pretenzii jość da Jeŭrasajuza?
Alaksandr Łukašenka pačynaje z pytańnia pra palitviaźniaŭ. Raskazvaje, što byli masavyja biesparadki, što vinavatyja ŭ ich siadziać, što ŭ Niamieččynie niemahčyma, kab kandydaty ŭ prezidenty šturmavali dziaržaŭnyja ŭstanovy, što ŭ Biełarusi vadamiotaŭ nie ŭžyvali. Kali vy takija demakratyčnyja, našto vy Liviju razbambili, Jehipiet rakam pastavili, Irak źniščyli? — rytaryčna pytajecca Łukašenka.
«My pavinny sieści i pačać razmaŭlać», — aburana zajaŭlaje Łukašenka.
Jon krytykuje taksama zabarony na ŭjezd u ES, uviedzienyja dla jahonych paplečnikaŭ i synoŭ, a taksama pradprymalnikaŭ.
15:51
Pytańnie ad «Biełorusskoj nivy» pra ekspart pradukcyi sielskaj haspadarki.
15:47
Pytańnie ad Polskaha ahienctva druku PAP pra mały prymiežny ruch. Kali moža być pryniata pahadnieńnie ab im?
«Tady, kali i ź Litvoj», — adkazvaje Łukašenka. Pryniaćcie pahadnieńnia jon uviazvaje z vyrašeńniem palityčnych prablem, jakija isnujuć u adnosinach z Polščaj i Litvoj dy pazicyi hetych krain.
Druhoje pytańnie ad RAR: ci buduć supolnyja mierapryjemstvy z Polščaj da
Ja pra takija mierapryjemstvy nie viedaju. Kali budzie takoje žadańnie, to čamu b i nie.
15:41
Pytańnie ad rajonnaj haziety z Chocimska pra baraćbu z pjanymi za rulom.
15:36
Śviatłana Paramyhina, «Priessboł». Nie paśpieła zadać pytańnie, jak sam Łukašenka zasypaŭ jaje samu svaimi pytańniami, pra reŭnaść da Domračavaj. Pytańnie: jak vy staviciesia da prahnozu nadvorja? Ci nie ličycie vy, što ministerstva sportu prypadabniajecca da prahnozaŭ nadvorja sa svaimi miedalnymi prahnozami?
Dyk užo nie robiać prahnozaŭ, adžartavaŭsia Łukašenka.
I druhoje pytańnie — pra radu pa pytańniach pradprymalnictva. Ci tam abmiarkoŭvajucca pytańni padtrymki sportu?
Łukašenka zaprašaje Paramyhinu na pieršaje pasiedžańnie hetaj rady. Pierajšoŭ na Čyža: «Jon staŭ prytčaj va jazycech». Usie dumajuć, što jon taki bahaty, a jon sam hrošy časam pazyčaje. I pryznaje, što Dom Čyža nad Trajeckim i samomu Łukašenku nie vielmi padabajecca.
15:32
Pytańnie ad «Vićbičaŭ» pra «Słavianski bazar».
15:28
Pytańni
Alaksandr Łukašenka śćviardžaje, što takoje pytańnie nie vostraje, a budaŭniki stali viartacca ŭ krainu.
Druhoje pytańnie — rytejł. Kankurencyja hipiermarkietaŭ pahražaje drobnym i siarednim kramam. Ci buduć abmiežavańni na budaŭnictva hipiermarkietaŭ dla abarony drobnaha rytejłu?
Łukašenka kaža, što jon nie vialiki śpiecyjalist u hetym pytańni i daručaje vyvučyć hetaje pytańnie.
15:26
Pytańnie ahienctva Błumbierh: jak padzieńnie cenaŭ na kalij adabjecca na situacyju ŭ krainie i płany pryvatyzacyju.
«Na padzieńni cenaŭ pradpryjemstvy nie pradajucca», — adkazvaje Łukašenka.
Spadziajucca, što ŭ 2013 dachody ad prodažu kaliju buduć bolšyja, čym u 2012.
15:25
Pytańnie ź Viciebska: siońnia 4 vobłaści śviatkujuć
15:22 «U mianie niama bližniaha atačeńnia»
Pytańnie
15:09
Alena Małočka z «Narodnaj voli» zadaje pytańnie pra mahčymaść raździaržaŭleńnia dziaržaŭnych haziet.
«U kožnaj krainie jość dziaržaŭnaja presa, a naša kraina maładaja, raźvivajecca», — raskazvaje Alaksandr Łukašenka.
«Usio, što nie skažuć dziaržaŭnyja ŚMI, skaža «Narodnaja vola», — pryznaje Łukašenka.
Prosić redaktara «Sovietskoj Biełoruśsii» raskazać pra ideju stvareńnia chołdynha dziaržaŭnych haziet, toj prapanuje spn. Małočcy pryjści da jaho pahavaryć.
Druhoje pytańnie ad «Narodnaj voli» pra toje, ci chtości ŭ bližnim atačeńni Łukašenki navažvajecca spračacca ź im. «U mianie niama bližniaha atačeńnia», — śćviardžaje Łukašenka. Kaža, što ad jaho ŭsie roŭnaaddalenyja. Ale raskazvaje, što na naradach u jaho abaviazkova hučać dva punkty hledžańnia, «choć heta nie parłamient».
Łukašenka pryznaŭ, što «čas ad času» čytaje «Narodnuju volu».
Treciaje pytańnie — pra kadravyja źmieny, kadravuju abojmu Alaksandra Łukašenki, viartańnie Šejmana.
Łukašenka tłumačyć, što tam nijakich źmienaŭ niama, prosta abjadnali dva siektary.
Uźnik dyjałoh i žarty, i Pavieł Jakubovič nazvaŭ Małočku «palityčna niaśpiełaj».
15:08
Pytańni ad Teleradyjokampanii Pinsk pra achovu zdaroŭja, «Aršanskaj haziety» — pra Śledčy kamitet, «Homielskaj praŭdy» — pra padvod čyhunki da radoviščaŭ hranitu na Paleśsi.
14:58
Pytańnie ad
14:55 Palitviaźni zastalisia biez adkazu
Pytańnie «Našaj Nivy» pra palitviaźniaŭ — ci mohuć jany vyjści na svabodu?
Adkaz byŭ karotkim: «Čytajcie „Sovietskuju Biełoruśsiju“, čytajcie zakon», — dvojčy paŭtaryŭ Łukašenka.
Jon pasprabavaŭ uciahnuć žurnalistku ŭ razmovu i pieravieści pytańnie ŭ bok: «Kolki vyjšła palitviaźniaŭ»? Aksana Rudovič asadziła jaho: «U nas nie dyjałoh. Ja zadaju pytańnie — vy adkazvajecie».
Urešcie Łukašenka zajaviŭ, što palitviaźnia mohuć vyjści na svabodu pa adbyćci svajho terminu. Što da mahčymaści vyzvaleńnia rašeńniem kiraŭnika dziaržavy, to «heta prapisana ŭ zakonie».
«Adbuduć termin — vyjduć. Daterminova — mohuć. Čytajcie zakon, tam usio napisana. Kali vy chočacie spytać u mianie, ci mahu ja ich vyzvalić, — taksama čytajcie zakon. I vy pra heta viedajecie».
14:53
Pytańnie ad telekampanii STV pra supraćpavietranuju abaronu Biełarusi i Rasii.
14:50
Ci daduć słova karespandentcy «Našaj Nivy»?
14:42 Zarobki nastaŭnikaŭ
Maryna Zołatava z Tut.baj najpierš dziakuje za adkazy na pytańni čytačoŭ na pačatku
«My budziem pavyšać zarpłatu nastaŭnikam. Ale!» I raskazvaje, što dla pavyšeńnia zarpłaty piedahohaŭ nie abyścisia bieź niekatorych niepapularnych mieraŭ. Ale nahadaŭ, što ŭ nastaŭnikaŭ jość svaje pieravahi: doŭhija adpačynki ŭletku.
Paralelna jon nahadaŭ, što kožnaja škoła pavinna być abharodžana. A taksama škoły pavinny być mienšymi, ličyć jon, kab byli bolš kiravanymi.
Łukašenka nahadvaje, što nastaŭnik ciapier — heta jašče i palityčnaja fihura.
Zarobki sapraŭdy małyja, pryznaje jon. «Ale jość peŭnyja ramki, peŭnaja škała, za jakuju i ja nie mahu vyskačyć. A kali aščadzim — addamo».
Uzhadvaje, što, kali pracavaŭ u škole, sam jon nie pisaŭ da ŭrokaŭ płany.
14:36 «Chalip admoviłasia jechać»
Pytańnie ad ahienctva BiełaPAN: pra žorstkaje abychodžańnie z hramadzianami supracoŭnikaŭ milicyi i KDB, u pryvatnaści, pa vypadku z Saročykam, a taksama ŭ turmach i pa spravie ab masavych biesparadkach.
«Ja čałaviek miralubivy i nie lublu, kali ludziej bjuć». Ale «ŭ žyćci ŭsiakaje byvaje». Reštu pytańniaŭ pieraadrasoŭvaje hienieralnamu prakuroru. Śćviardžaje, što hetaje pytańnie dla pijaru, a nie dla adkazu.
Druhoje pytańnie — pra status i los Iryny Chalip.
«Chalip admoviłasia jechać. Jana razumieje, što tut jana pakutnica, a tam jana nikomu nie patrebna, tamu jana i nie pajechała. Kali vy jaje chočacie kudyści zabrać, zaŭtra idzicie i zabirajcie».
14:33
Pytańnie ad kitajskaha ahienctva Sińchua.
14:29 Bialackaha «ŭžo vypuścili ci nie?»
Pra Bialackaha ŭ asnoŭny anłajn:
Zadaje pytańnie Vital Zybluk, Jeŭraradyjo. Prapanuje, kab čynoŭniki štohod zdavali dekłaracyi ab dachodach.
Łukašenka adkazvaje i pieravodzić havorku na Bialackaha, «ci jak jaho tam». «Jaho ŭžo vypuścili ci nie?»
14:28
Łukašenka dazvoliŭ Daščynskamu zadać druhoje pytańnie. Jon pytajecca pra Čavesa i pra toje, ci varta chvoramu čałavieku bałatavacca ŭ prezidenty.
Łukašenka adrazu ž prapanuje Daščynskamu ŭstać na łyžy. Chto kaho abhonić, toj i budzie prezidentam.
14:16
Łukašenka adkazvaje na pytańnie Svabody, aŭdyjo:
Pytańnie ad radyjo «Svaboda», zadaje Aleś Daščynski: hety hod bieražlivaści. Moža i prezident pakaža prykład? Mašyny, darahi samalot?
Łukašenka pierabivaje jaho, žurnalist praciahvaje i prosić zaprasić žurnalistaŭ u rezidencyju kiraŭnika dziaržavy.
«Vy budziecie rasčaravanyja, — adkazvaje Łukašenka. — Rezidencyja tam mašeraŭskaja, vielmi ścipłaja».
«Vy daremna sprabujecie syhrać na publiku». Što datyčyć samalota, to tam niama nijakich załatych štorak, pra jakija havorać. Duš i tualet tam sapraŭdy jość, a załatych štorak niama.
Łukašenka kaža, što kupiŭ hety patrymany samalot, bo jon byŭ u 2,5 razu tańniejšy, čym novy, choć pa ranhu naležyć kiraŭnikam dziaržavy kuplać novyja samaloty.
Što datyčyć hadzińnika, to mnie jaho padaryli na dzień naradžeńnia, śćviardžaje jon. Da taho ž, kiraŭnik dziaržavy pavinien zachoŭvać peŭny
«Ja reprezientuju krainu! — nahadaŭ jon. — Nie tamu, što ja taki marnatraŭny, a tamu što jość niejki standart».
«Što datyčyć „Majbacha“, to mnie jaho padaryli na dzień naradžeńnia, i ja jaje addaŭ dziaržavie. Zaŭtra prezidenta Łukašenka zastrelać, paviesiać, zdymuć z pasady, vy na im budziecie jeździć. Braniavany aŭtamabil — kamu jon jašče treba, akramia kiraŭnika dziaržavy».
«Samalot kaštavaŭ mienš za 100 miljonaŭ, a novy kaštavaŭ by 250 miljonaŭ», — skazaŭ Łukašenka.
«A novaja rezidencyja budujecca ci nie budujecca?» — nie spyniajecca karespandent «Svabody».
Łukašenka adkazvaje ŭchilista: što dla žyćcia rezidencyja nie budujecca. I skančaje adkaz žartam.
Archiŭnaje videa. Šuškievič sustrakaje Klintana:
14:12
Pytańnie ad haziety «Rośsija» pra intehracyju i SND iznoŭ. I druhoje pytańnie: «A vy ad čaho za apošni čas pazityŭ źviedali?»
«Jak prezident — što my dali rady prablemam finansaŭ». A jak čałaviek — zhadaŭ pieramohu Azaranki siońniašniuju.
14:09
Pytańnie ad časopisa «Rodnaja pryroda» — pra ekałohiju i SND.
14:01
Pytańnie ad «Komsomolskoj pravdy v Biełarusi», z padkavyrkaj: «Vy skazali, što ŭ čynoŭnikaŭ niedapuščalna nizkija zarpłaty. A jakija pavinna być idealnyja zarobki ŭ ministra ci pamočnika Łukašenki».
«Vy chočacie ŭzbudaražyć krainu», — tak pačynaje svoj adkaz Łukašenka.
Jon pieraadrasoŭvaje pytańnie žurnalistku. A vy kolki dumajecie?
Dziesiać tysiač dołaraŭ, — adkazvaje jana. — Ale kab čałaviek nie jeździŭ na supierdarahich mašynach i nie budavaŭ katedžaŭ za horadam.
Nu vy zahnuli, kaža Łukašenka. Ź jahonych słovaŭ, zarpłata ministraŭ, imavierna, nie pieravyšaje 2000 dalaraŭ.
«Na hetym etapie tysiačy try dla ministra było b narmalna. Na hetym etapie!» I kaža, što ministry pieražyvajuć niazručnaść, kali sutykajucca z rasijskimi ministrami, jakija zarablajuć na paradak bolš.
Łukašenka raskazaŭ, što pierad pryniaćciem rašeńnia ab reformie dziaržaparata vyvučaŭ vopyt Aŭstryi, Słavienii, Bałharyi i pabačyŭ, što tam vydatki na dziaržaaparat bolšyja.
Jon taksama zajaviŭ, što dazvalaje, kab zarobak menedžara byŭ u 4 razy bolšy, čym siaredni zarobak na pradpryjemstvie. Na jahonuju dumku, nielha dapuskać razryvu ŭ dachodach miž roznymi słajami hramadstva.
«A vy za toje, kab pavysić zarobki ministram?» — pierapytvaje Łukašenku žurnalistku jašče raz.
«Ja ŭvohule za toje, kab pavysić zarobki ŭsim» — pažartavała žurnalistka pad śmiech zały.
13:58
Dźvie hadziny prajšli, a nivodnaha pytańnia 'šče ad niezaležnych ŚMI.
Pytańnie ad teleradyjokampanii «Mir»: pra chobi, zachapleńni i volny čas.
Łukašenka kaža, što jahonaja ruka ŭžo nie słuchajecca instrumienta, «ruka stała łapaj», tamu bajanist ź jaho ŭžo nijaki.
Apaviadaje, što byŭ zaŭziatym futbalistam, pakul nie traŭmavaŭ nahi. I tolki ŭ prezidenckija hady pierajšoŭ da chakieja.
Što da muzyki, to słuchaje jaje redka. «Vymušany vas rasčaravać. ja ŭžo nie muzykant».
13:49. Jakubovič abaraniaŭ Marata Novikava
Pytańnie ad haziety «Respublika»: jak źmienšyć biurakratyzavanaść pracy z zamiežnymi inviestarami.
Łukašenka admaŭlaje, što sistema sapraŭdy zabiurakratyzavanaja. Kaža, što patrebnyja tolki inviestycyi dla madernizacyi vytvorčaściaŭ. A voś, naprykład, pracoŭnych miescaŭ u krainie dosyć.
Jašče raz nahadvaje, što, naprykład, «Biełaruśkalij» kaštuje 30–32 miljardy dalaraŭ i za mienšuju sumu jaho nie pradaduć.
Taksama viartajecca da situacyju z «Kamunarkaj» i «Spartakom». Siarod inšaha, adznačaje, što Marata Novikava «Pavał Izotavič» [Jakubovič, redaktar «Sovietskoj Biełoruśsii»] abaraniaŭ, ale rašeńnie ab nacyjanalizacyi było pravilnym. «Pavieł Izotavič, skažycie, jak jahonaje proźvišča sapraŭdnaje?» — «Słovuš».
13:45
Internet-dostup u zale nie zabłakavany. Ale nijakich viestak ad našaj karespandentki ŭ zale pakul nie było: musić, staić kala mikrafona. My pierakazvajem źmiest zajavaŭ pavodle radyjotranślacyi.
13:38. Mahčymyja pieramovy pa restrukturyzacyi zamiežnaha doŭhu
Pakul Łukašenka adkazvaje na kožnaje pytańnie nie daŭžej za 5 chvilin.
Pytańnie ad «Narodnaj haziety» pra sioletnija vypłaty pa zamiežnym doŭhu: čym Biełaruś budzie raspłačvacca. Davoli vostraje pytańnie.
Łukašenka pryznaje, što sioleta pryjdziecca vypłacić 3 miljardy, što hod budzie ciažkim u hetym sensie, ale zapeŭnivaje, što srodki na heta jość. U toj ža čas Łukašenka dapuściŭ, što mahčymyja i pieramovy pa restrukturyzacyi zamiežnaha doŭhu.
Što datyčyć pryvatyzacyi, to srodki ad jaje pojduć na stvareńnie zołatavalutnych reziervaŭ jak asnovy dla niezaležnaści dziaržavy.
Zaadno raskazvaje ab madernizacyi vytvorčaściaŭ na «Kamvoli», BiełAZie, inšych pradpryjemstvaŭ.
13:33
Tenhiz Dumbadze z tak zvanaj teleradyjokampanii sajuznaj dziaržavy. Karystajučysia vypadkam, vinšuje ŭsich z Novym hodam i zyčyć usim biełarusam choć raz u hodzie adpačyvać na čarnamorskim uźbiarežžy Hruzii. Pytańnie zadaje jak namieśnik kiraŭnika hruzinskaj hramady ŭ Biełarusi…
…Ja namieśnik staršyni? — žartaŭliva pierapytvaje Łukašenka.
Zała śmiajecca.
— Ja, ja namieśnik, — udakładniaje Dumbadze.
I pytajecca nakont viartańnia Hruzii ŭ SND.
Łukašenka «nie bačyć pałkaha žadańnia novaj ułady viarnucca ŭ SND», u tym liku Ivanišvili. «Heta byŭ svajho rodu test dla kiraŭnictva Hruzii. Kali vy ŭžo ŭ SND nie chočacie viarnucca, to značyć chtości vas mocna trymaje. Ale heta test». Jon pravioŭ suviaź miž zajavaj Klintan adnosna intehracyi na postsavieckaj prastory i pazicyjaj Hruzii.
Łukašenka zajaviŭ, što rychtujecca jahony vizit u Hruzii, i jon źbirajecca abmierkavać hetaje pytańnie z Saakavišvili.
13:30
U adroźnieńnie ad minułaha hoda, žurnalistaŭ niezaležnych ŚMI pakul nie dajuć mahčymaści zadać pytańnie. Idzie čarada pytańniaŭ ad karespandentaŭ miascovych haziet i teleradyjokampanij. Minuły raz paśla šerahu pytańniaŭ asnoŭnych łukašenkaŭskich TV mikrafon trapiŭ karespandentcy ahienctva BiełaPAN.
13:29
Nina Paźniak, Lidskaje teleradyjo. Pytańnie pra lhotnaje kredytavańnie budaŭnictva žylla.
13:25
Pytańnie ad ahienctva BiełTA pra adnosiny z Kitajem.
Alaksandr Łukašenka adznačyŭ dobryja asabistyja adnosiny z novym kiraŭnikom Kitaja Si Cziańpinam, jaki naviedvaŭ Biełaruś ź vizitam. Jon pryznaje, što Jeŭrasajuz niehatyŭna stavicca da rostu ŭpłyvu Kitaja ŭ hetym rehijonie. Łukašenka padtrymlivaje ideju stvareńnia technaparka pad Smalavičami. «Što vy dumajecie, mnie niechta chabar daŭ miljard dalaraŭ [kab heta zładzić]? Nu, nikoli takoha nie było i nie budzie».
Zajaviŭ, što Biełaruś prasiła Kitaj pieranieści ŭ Biełaruś vytvorčaść lehkavych aŭtamabilaŭ. I vytvorčaść pačałasia.
13:20
Pytańnie ad haziety «Zaria», Brest, pra budučy Čempijanat śvietu pa chakieju.
13.13. Dzied Maroz padaryŭ Kolu zbroju — jak budučamu śpiecnazaŭcu
Pytańnie ad haziety «Zoŕka»: jakija padarunki vy padaryli na Novy hod svaim siamiejnikam i što vam padaryli?
Raskazvaje, što zahadaŭ, kab usie «čynoŭniki i navat žuliki na Novy hod pajšli da dziaciej». Raskazvaje, što sam naviedvaje dziciačyja damy i
Što datyčyć padarunkaŭ, to kaža, što «nikoli nie zamaročvaŭsia na hetaj temie». Kaža, što škaduje žyvyja jalinki
Viarnuŭšysia niepasredna da pytańnia, Łukašenka raskazaŭ, što jahony małodšy syn Kola nakiravaŭ list Dziedu Marozu pa elektronnaj pošcie. A Dzied Maroz prynios chłopčyku ŭ padarunak pnieŭmatyčnuju zbroju — jak budučamu śpiecnazaŭcu.
13.08. Strymany adkaz na zajavu Klintan
Pytańnie ad «Źviazdy» — pieršaje
Łukašenka pieršyja skazy sprabuje pramović
Adznačaje, što Biełaruś nie pahadziłasia pierajści na adzinuju z Rasijaj valutu. Taksama adznačaje, što naša kraina pracuje nad ustupleńniem u Suśvietnuju handlovuju arhanizacyju.
Zaklikaŭ nie reahavać asabliva na zajavy, jakija hučać za akijanam.
Adkaz prahučaŭ vielmi strymana, ź minimumam antyamierykanskaj rytoryki.
13.03
Čašnickaje rajonnaje radyjo (Viciebskaja vobłaść). «U Biełarusi akazvajecca kałasalnaja padtrymka nasielnictvu, ale sfarmavaŭsia słoj utrymancaŭ». Što ź imi buduć rabić? Udakładniaje ministr sacyjalnaj abarony Ščotkina: hetyja ludzi na ŭliku. Majem 8000 čałaviek, jaki vyjšli ź miescaŭ źniavoleńnia, 4000 bamžoŭ, kaža ministarka.
Łukašenka abiacaje, što i tut buduć uzmacniacca patrabavańni.
12.57
Pytańnie ad hłuskaj haziety «Radzima» (Mahiloŭskaja vobłaść) pra ŽKH i mahčymyja źmieny ŭ im.
«My budziem kantralavać pryvatnikaŭ žorstka» ŭ hetaj śfiery, zajaŭlaje Alaksandr Łukašenka.
12.52. Rezkija słovy na adras pasła Surykava
Pytańnie ad telekanała
«Jon davoli ekzatyčna hladzicca ŭ hetych intervju. Iznoŭ jon pačynaje razvažać pra hetuju maźniu. Nu vielmi ekzatyčny čałaviek».
Sa słovaŭ Łukašenki, usie pytańni pa nafcie byli vyrašanyja z Pucinym. «A pasłu zachaciełasia vykazacca… Inšy raz MZSy i pasły mała viedajuć pra toje, što adbyvajecca miž dziaržavami, asabliva na samym vysokim uzroŭni».
Što datyčyć JEEP i Sajuznaj dziaržavy, Łukašenka kaža: «Być sajuznaj dziaržavie» — ale pryznaje, što praryvaŭ u im niama, bo hramadstvy Biełarusi i Rasii nie daśpieli da praryvaŭ.
12.48. Nie čakaje pieramien u adnosinach ź Litvoj
Pytańnie ad Teleradyjokampanii Hrodna pra adnosiny ź Litvoj i palitykaj novaha ŭrada Litvy.
«Ja nie piešču asablivych nadziej u hetym płanie», adkazaŭ Łukašenka. Jon sumniajecca, što Litva zdolnaja pravodzić samastojnuju palityku ŭ dačynieńni da Biełarusi. Adznačaje, što ad 2015 hoda abjom subsidyj ES Litvie źmienšycca. Kaža, što Biełaruś budzie i dalej ekspartavać hruzy praź Litvu, adnak budzie razhladać i alternatyŭnyja varyjanty. Vykazaŭ hatoŭnaść da naładžvańnia kanstruktyŭnych adnosin ź Litvoj i Łatvijaj.
Što datyčyć prymiežnaha ruchu, dyk «kali jany nam buduć zasyłać samalocki na našu terytoryju, my tolki ŭžastačać budziem pamiežny režym ź Litvoj».
12.41
Pytańnie ad «Sovietskoj Biełoruśsii» pra zamiežnuju palityku.
Alaksandr Łukašenka pačynaje adkaz z Łacinskaj Amieryki. Chvalicca, što tavarazvarot z Łacinskaj Amierykaj dasiahnuŭ 3,5 młrd.
«Što datyčyć Azii, to my daŭno prymiaralisia da hetaj krainy», — ahavaryŭsia Alaksandr Łukašenka, nazvaŭšy častku śvietu krainaj.
Ad krainaŭ Centralnaj Azii pierajšoŭ da Kitaja. Paśla — Indyja, Vjetnam. Havoryć pra ekanamičnyja aśpiekty mižnarodnych adnosinaŭ.
«Trochi ciažejšyja ŭ nas spravy ŭ Afrycy». Novamu ministru zamiežnych spraŭ pastaŭlena zadača naładzić ciaśniejšyja adnosiny z
12.35
Druhoje pytańnie ad ANT. Žurnalist kaža, što prahnoz padzieńnia rubla nie zbyŭsia. Čakali, maŭlaŭ, padzieńnia rubla ŭdvaja, a prahnoz nie zbyŭsia.
Alaksandr Łukašenka pahadžajecca z reparcioram. I raskazvaje, što tendencyi na finansavym rynku pazityŭnyja.
Paśla hetaha raskazvaje, što paprasiŭ źviestki pra toje, chto kuplaje valutu ŭ abmieńnikach. Kaža, što ŭ manitorynhu «byli zadziejničanyja sotni ludziej». Jany stajali ŭ čerhach i adsočvali, chto kuplaje. Vyśvietlili, što kuplajuć hrošy zbolšaha piensijaniery, pryčym małymi sumami.
«Apakalipsisa nie zdarycca», — paŭtaraje jon dvojčy.
12.29
Pačynajucca pytańni z zały. Pieršaje pytańnie — ad Biełaruskaha radyjo. Jakija prahnozy piesimistaŭ nie zbuducca? Jakija momanty minułaha hoda byli najvažniejšymi?
Łukašenka adkazvaje, što Biełaruś nie abryniecca, była i budzie niezaležnaj dziaržavaj. Taksama zhadvaje temu rastvaralnikaŭ. Kaža, što Biełaruś ničoha nie parušała. Abvinavačvaje ŭ niepatryjatyźmie tyja haziety, što aśviatlali hetuju situacyju krytyčna.
12.27
Nastupnaje pytańnie z ahladu, padrychtavanaha pamočnikami, — pra čornyja śpisy biełaruskich vykanaŭcaŭ. Kaža, što ničoha nie viedaje pra ich, što nijakich taikch daručeńniaŭ nikomu nie davaŭ. Prosić kiraŭnika Administracyi prezidenta patłumačyć hetaje pytańnie. Vykazvaje mierkavańnie, što hetyja vykanaŭcy «aplavali krainu».
12.24
Kaža, što maje šmat pytańniaŭ da sportu. «I da BATE mahu pastavić pytańni pa apošnich ich hulniach». Raskazvaje pra niekatoryja niaŭdałyja matčy BATE.
Robić zaŭvahu Hienadziu Davydźku, što jon
Kaža, što zarobki spartoŭcaŭ adrehuluje.
12.20. Niejki ekanamist Čały
Adznačaje, što «niejki ekanamist Čały» havoryć pra mahčymuju adstaŭku ŭrada. Abviarhaje hetaje śćviardžeńnie. «Dumaju, što Čały nie zdolny pakul zamianić nie tolki prem'
12.12. Hatovy pakajacca
Pačynaje adkazy z pytańniaŭ, jakija prahučali ŭ niezaležnych ŚMI napiaredadni. «Mianie pra ich painfarmavali». Pieršym adkazvaje na pytańnie z «tak nazyvajemaj „Salidarnaści“. Tam, ź jahonych słovaŭ, Łukašenku zaklikali „pakajacca“ za toje, što robicca ŭ krainie. Alaksandr Łukašenka kaža, što hatovy pakajacca za stan ekanomiki, bo sapraŭdy niasie adkaznaść za ŭsio, što robicca ŭ krainie.
Paśla adkazvaje na pytańnie Žanny Hryniuk z Tut.baja nakont
„Usim viadomy moj siabar Stanisłaŭ Bahdankievič ratuje za niezaležnaść Nacyjanalnaha banka“. Adkazvaje: „Nacbank sapraŭdy isnuje niezaležna. Ale prezident moža ŭ luby momant zapatrabavać sparvazdaču ŭ Nacbanka i zapatrabavać udzielničać u niejakich dziaržaŭnych prahramach. I tak pakul budzie“. Spasyłajecca na dziejańni Jeŭrasajuza i ZŠA ŭ časie kryzisu. Kaža, što „nam“ padkidvajuć ideju samastojnaści Nacbanka, kab źnizić kiravanaść krainy. Jak tolki robicca niezaležna, tam pačynajecca bojka». Kaža, što «ŭ nas u parłamiencie taksama byli kryki, bojki», i ŭ vyniku źjavilisia pustyja palicy ŭ kramach [pustyja palicy napraŭdzie źjavilisia ŭ SSSR, dzie nijakaha palityčnaha pluralizmu nie było, a zapoŭnilisia jany paśla pierachodu da rynkavaj ekanomiki].
12.10
Jak tolki źjaviacca foty z
12.06
Łukašenka adznačaje jakasnyja zruchi ŭ stanie ekanomiki, chvalicca, što było dasiahnuta vialikaje plusavaje salda zamiežnahandlovaha bałansu.
Raić žurnalistam trymacca dalej ad
Raić nie błytać svabodu słova ź biezadkaznaściu.
Skazaŭ, što hatovy adkazvać «česna i adkravienna».
Adznačyŭ, što ŭ zale prysutničajuć paŭtara dziasiatka najvyšejšych čynoŭnikaŭ.
12.03
Pačynajecca
Łukašenka zajaviŭ, što ŭ
* * *
Na
Budzie prysutničać napres-kanfierencyi i karespandentka «Našaj Nivy» Aksana Rudovič.
Sajt NN.BY budzie vieści žyvuju tranślacyju z padziei ad 12.00.
«Adna sprava — pracavać tut za tysiaču dalaraŭ, a druhaja — u Maskvie za 2000 dalaraŭ»… «Vy što, sapraŭdy ličycie, što ja falsifikavaŭ hetyja vybary?»… Usio heta Alaksandr Łukašenka kazaŭ letaś. I raspavioŭ aniekdot pra siabie.
Najvastrejšym momantam toj
Štohadovaja zimovaja
Minułaj zimoj ŚMI sabrali pierad Kaladami, 23 śniežnia. Sioleta sustreča adbyvajecca našmat paźniej.
