Kiraŭniku futbolnaha kłuba BATE i adnajmiennaha pradpryjemstva zrabili najskładaniejšuju apieracyju. Umiašańnie chirurhaŭ spatrebiłasia paśla pieraniesienaj letam ciažkaj pnieŭmanii.

Tady na pachavańnie žurnalista Siarhieja Alachnoviča Anatol Kapski pryjechaŭ prama ź lakarni. Niekalki miesiacaŭ kiraŭnik BATE pracavaŭ u vielmi napružanym režymie, adnak nastupstvy chvaroby nahadali pra siabie.

Jak paviedamlaje «Priessboł», 9 studzienia Anatolu Kapskamu zrabili ŭ vilenskaj klinicy apieracyju serca i sasudaŭ. Chirurhi pačali dniom, a upravilisia za apoŭnač. Adnaŭleńnie pacyjenta prachodziła štatna.

Adnak ranicaj 14 studzienia chvory ekstranna vyklikaŭ u pałatu lekara: «Doktar, mnie vielmi drenna…»

Kapskamu zdavałasia, što prytomnaść viarnułasia zusim chutka. Jon raspluščyŭ vočy i spytaŭ u miedsiastry: «Usio jašče ranica?».

Jana adkazała: «Tak. Tolki nie paniadziełka, a čaćviarha. Ź viartańniem! «

Heta byŭ vychad z 3-sutačnaj komy — zdarylisia ŭskładnieńni na nyrki i piečań.

Ciapier Kapskamu ŭžo dazvalajuć prahułki. Kiraŭnik BATE navat žartuje: «Na šlachu pad nazvaj «žyćcio» mnie sustreŭsia cikavy prypynak. Pryjšłosia tam zatrymacca».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?