Pra heta ŭ intervju «SB» paviedamiŭ staršynia Śledčaha kamiteta Biełarusi Valancin Šajeŭ.

Valancin Šajeŭ.

Valancin Šajeŭ.

«Jakaja moža być palityčnaja padaploka, kali havorka idzie pra banalnyja finansavyja złačynstvy? Uchileńnie ad vypłaty padatkaŭ, niezakonnaja pradprymalnickaja dziejnaść, padrobka dakumientaŭ. Nastolki vidavočnyja składy, što pra jakuju-niebudź palityku niama čaho i razvažać», — zajaviŭ staršynia SK. Jon taksama raskazaŭ, što, pavodle dadzienych śledstva, ad svaich niezakonnych dziejańniaŭ u pieryjad 2006—2011 hh. abvinavačanyja atrymali prybytak, jaki vyličvajecca miljardami rubloŭ. «Ciapier papiaredniaje śledstva skončanaje, abvinavačanyja i ich pradstaŭniki znajomiacca z materyjałami kryminalnaj spravy», — adznačyŭ Šajeŭ.

Jak paviedamlałasia, usiaho pa spravie byłoha staršyni naziralnaj rady AAT «Technabank» Uładzisłava Kacarenki prachodziać 8 abvinavačanych. Što da samoha Kacarenki, to jon abvinavačany va ŭchileńni ad vypłaty padatkaŭ, a taksama ŭ tym, što padavaŭ pryvatnym kampanijam padroblenyja dakumienty i rekvizity padkantrolnych jamu iłžepradprymalnickich struktur — rezidentaŭ Rasii i Vialikabrytanii. Uładzisłaŭ Kacarenka byŭ zatrymany 2 sakavika 2012. U dačynieńni da jaho była abranaja miera strymańnia ŭ vyhladzie zaklučeńnia pad vartu, a na majomaść nakładzieny aryšt.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?