Admianić zabaronu prezident zahadaŭ u listapadzie minułaha hoda, imknučysia pryśpiešyć inviestycyi ŭ bahatuju resursami najbujniejšuju krainu Centralnaj Azii.
«Ja daŭ daručeńnie źniać maratoryj na radoviščy, heta treba dla pryciahnieńnia inviestycyj u raźviedvańnie novych radoviščaŭ. Ja ž daŭ dazvoł… U čym reč?» — nahadaŭ jon na pasiedžańni ŭrada ŭ sieradu.
«Kolki razoŭ ja daručaŭ, i ŭsie spuskajecca na tarmazach», — skazaŭ jon.
Hornapramysłovy hihant Rio Tinto i karparacyja ENRC, jakaja naležyć kazachskim
«Kampanija Rio Tinto suśvietnaha ŭzroŭniu, hatovaja inviestavać dziasiatki miljonaŭ dalaraŭ u raźviedvańnie z nula, dva hady chadziła pa našych instancyjach», — paviedamiŭ Nazarbajeŭ.
Jon ubačyŭ za pakutami inviestaraŭ mierkantylnyja intaresy biurakratyčnaha płasta.
«Usie radoviščy pazachoplivali — u asnoŭnym čynoŭniki, ich svajaki niejkija. Trymali jak sabaka na sienie», — skazaŭ Nazarbajeŭ i daŭ uradu jašče miesiac na «kankretnyja prapanovy pa kardynalnym vypraŭleńni situacyi».
Z nabyćciom niezaležnaści Kazachstan u
Kazachstan pryciahnuŭ za hady niezaležnaści bolš za $160 miljardaŭ inviestycyj, u asnoŭnym u naftahazavy siektar, i vałodaje zapasami ŭranu, jakija sastupajuć tolki Aŭstralii. Jon taksama najbujniejšy ŭ śviecie ŭładalnik zapasaŭ chromu i istotnych pakładaŭ miedzi, žaleznaj rudy i cynku.
Adnak z raźviedanych ŭ Kazachstanie zapasaŭ mietałaŭ tolki mienš za 15 pracentaŭ prypadaje na pramysłovuju zdabyču,śviedčać aficyjnyja dadzienyja: z 282 adkrytych pakładaŭ zołata ŭ raspracoŭcy znachodzicca 75, z 55 žalezarudnych — 19. Kazachstan pryciahnuŭ mienš za 1% suśvietnych inviestycyj u raspracoŭku radoviščaŭ mietałaŭ.
Nazarbajeŭ skazaŭ, što ŭ Kazachstanie tracicca na hieołaharaźviedku ŭ siarednim $20 na kvadratny kiłamietr u paraŭnańni z $45 u susiednim Kitai, $167 u Aŭstralii i $203 u Kanadzie. «Voś: dzie my i dzie jany», — skazaŭ prezident.
