Rasiejec praskočyŭ miažu biez kantrolu tolki dziakujučy marozu — nieviadomyja padrabiaznaści incydentu 10

Rasiejec, jaki na kradzienaj «BMV» praskočyŭ polska-biełaruskuju miažu, zmoh toje zrabić tolki tamu, što ŭ vialiki maroz nie spracavała sistema prymusovaha spynieńnia. Ciapier, kali jaho zatrymali, vyśviatlajucca cikavyja detali ŭsioj hetaj historyi.

Zatrymali «hieroja» na druhi dzień paśla jahonaha halivudskaha praryvu praz hranicu.

Vyčapili jaho ŭ hłuchoj lasnoj vioscy za kiłamietraŭ 15 ad miažy.

Ciapier jon siadzić u śledčym izalatary ŭ Breście. Jak raskazaŭ «Našaj Nivie» namieśnik načalnika Bresckaj pamiežnaj hrupy Dźmitryj Dziaviataŭ, heta małady čałaviek 1989 hoda naradžeńnia. Mahčyma, jon byŭ pjany. A pa darozie ŭ Hutu jašče trapiŭ i ŭ avaryju.

Usiu hetuju infarmacyju ciapier udakładniajuć ekśpierty.

Pa słovach Dziaviatava, praź vialiki maroz nie spracavała sistema prymusovaha spynieńnia, jakaja b nahłucha zabłakavała prajezd aŭtamabila. Pamiežniki zaryjentavalisia i vystavili zaharody, ale šłahbaŭmy nie strymali parušalnika.

Pačalisia pošuki na miascovaści.

Kali «BMV» identyfikavali ŭ adnym z dvaroŭ u zalesnaj viosačcy Huta, što ŭ tupiku kala ŭkrainskaj miažy, siłaviki najpierš pierakryli ŭsie mahčymaści dla vyjezdu aŭto.

Ci sama ŭ hetaj chacie znachodzicca kiroŭca, spačatku nie viedali. Kali paćvierdziłasia, pamiežniki vyklikali milicyju i zatrymali.

Supracivu rasiejec nie akazaŭ.

Viaskoviec, jaki prytuliŭ chłopca, nie viedaŭ, u čym sprava. Kiroŭca skazaŭ jamu, što dźvie nočy jechaŭ ź Niamieččyny, zabłukaŭ, nie spaŭ, stamiŭsia.

A ŭ dadatak jašče i trapiŭ u avaryju. Čałaviek i puściŭ padarožnaha da siabie ŭ dom. Tym nie mienš, ciapier praviarajuć, vypadkova rasiejec spyniŭsia ŭ tym padvorku ci nie.

Kiroŭca na BMW 3 Series z tranzitnym numaram praskočyŭ miažu 21 studzienia kala 8-j hadziny ranicy. U časie ŭsioj hetaj eskapady nichto nie paciarpieŭ.

Na polski punkt propusku «Słavatyčy» rasiejec ujechaŭ napiaredadni ŭ 21.30. Noč jaho praviarali.

Vyśvietliłasia, što jaho «BMV» za dzień da hetaha byŭ skradzieny ŭ Hiermanii, dzie sam kiroŭca mieŭ vid na žycharstva. Kab uratavacca ad zatrymańnia, małady čałaviek pakinuŭ dakumienty na miažy i kinuŭsia naŭcioki na aŭto. Znajšli jaho ŭ Hucie 22 studzienia kala 16.00. Kryminalnaja sprava zaviedzienaja za niezakonnaje pierasiačeńnie miažy.

Jamu pahražaje štraf, paŭhadavy aryšt albo dva hady kałonii. A nakont kradziažu aŭto buduć raźbiracca asobna.

Prosmotrieť uvieličiennuju kartu

Huta — nievialikaja vioska na samym paŭdniovym zachadzie Biełarusi. Raźmieščana za paŭtara dziasiatka kiłamietraŭ ad punkta propusku «Damačava». Da biełaruska-ŭkrainskaj miažy ad jaje jašče bližej — kala 3 km. Pražyvaje krychu bolš za paŭsotni čałaviek.

Siarhiej Makarevič

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH