U padtrymku dekłaracyi prahałasavała 85 čałaviek, suprać — 41. Dva deputaty ŭstrymalisia.
Dekłaracyja źjaŭlajecca simvaličnaj, adnak, jak čakajecca, jana pryviadzie da abvastreńnia supraćstajańnia pamiž Barsiełonaj i centralnym uradam u Madrydzie, jaki abiacaŭ zabłakavać usie inicyjatyvy Katałonii, datyčnyja niezaležnaści.Kali b urad Katałonii pajšoŭ na adnabakovaje abviaščeńnie niezaležnaści, heta adbiłasia b na ekanomicy i Katałonii, i Ispanii, bo Katałonija daje amal 20% ad VUP Ispanii.
U apošnija hady Barsiełona ŭsio bolš aktyŭna zajaŭlaje ab mahčymaści adździalicca ad Ispanii z-za finansavaha kryzisu. Mnohija katałoncy ličać, što centralnyja ŭłady ekspłuatujuć pravincyju. Miascovy ŭrad zajaŭlaje, što finansavy kryzis byŭ vyklikany tym, što padatki, jakija źbirajucca ŭ Katałonii centralnymi ŭładami, našmat pieravyšajuć asihnavańni na adukacyju i achovu zdaroŭja ŭ pravincyi.
Katałonskaje hramadstva ŭ pytańni niezaležnaści padzielenaje amal paroŭnu. Ale žychary pravincyi suprać vychadu ź ES.
