Za dzień da abviaščeńnia vynikaŭ štohadovaha konkursu «Brend hoda» prafiesijnaje žury raptoŭna pašyryła śpis naminantaŭ na
«Brend-piersonu 2012».
Da vyłučanych raniej estradnych artystaŭ (Łarysa Hrybalova, Anatol Jarmolenka, Jadviha Papłaŭskaja dy Alaksandr Cichanovič) i znakamitych spartoŭcaŭ (Maksim Mirny, Viktoryja Azaranka, Alaksandra Hierasimienia) dadalisia piśmieńnik Andrej Žvaleŭski, lidar hurta J: Mors Uładzimir Puhač, lidar «Lapisa Trubiackoha» Siarhiej Michałok dy frantmen «Krambambuli» Lavon Volski.
Infarmacyju pra heta ŭskosna paćvierdzili Jeŭraradyjo niekatoryja siabry žury konkursa.
«Brend-piersona» — hałoŭnaja naminacyja konkursa «Brend hoda». U śpisie letašnich naminantaŭ na sajcie konkursa«brend-piersony» pieraličanyja pieršymi.
Pieramožcy buduć abvieščanyja 25 studzienia padčas zaklučnaj cyrymonii konkursu «Brend hoda 2012», jakaja pačniecca ŭ 17:00 u Nacyjanalnaj biblijatecy.
