Deputat Jeŭraparłamienta Marak Mihalski, inicyjatar kampanii salidarnaści z dvuma palitźniavolenymi — lidaram mižnarodnaj arhanizacyi «Małady front» (Čechija) Źmitrom Daškievičam iPra heta paviedamiła pamočnik jeŭradeputata Hanna Bialas.eks-kandydatam u prezidenty Mikałajem Statkievičam, źviarnuŭsia da ministra zamiežnych spraŭ Biełarusi Uładzimira Makieja z prośbaj pra mahčymaść sustrecca z hetymi palitykami ŭ miescach źniavoleńnia.
«Źjaŭlajučysia namieśnikam člena delehacyi Jeŭraparłamienta pa adnosinach ź Biełaruśsiu, ja vielmi ŭvažliva saču za situacyjaj vakoł biełaruskich palityčnych źniavolenych, — havorycca ŭ liście Mihalskaha na imia kiraŭnika źniešniepalityčnaha viedamstva Biełarusi. — Asabliva mianie niepakoić los kandydata ŭ prezidenty na vybarach 2010 hoda Mikałaja Statkieviča i lidara arhanizacyi „Małady front“ Źmitra Daškieviča, jakija ciapier adbyvajuć pakarańnie ŭ biełaruskich turmach zakrytaha typu».
Jak adznačaje jeŭradeputat, «u biełaruskich i jeŭrapiejskich srodkach masavaj infarmacyi nieadnarazova źjaŭlałasia infarmacyja ab tym, što hetyja viaźni praśledujucca pa palityčnych matyvach z boku turemnaj administracyi».«Taksama, pavodle materyjałaŭ ŚMI i paviedamleńniaŭ biełaruskich pravaabaroncaŭ, na ich robicca surjozny nacisk, u tym liku praź izalacyju ad navakolnaha śvietu i ŭtrymańnie ŭ ciažkich umovach», — havorycca ŭ liście.
Mihalski adznačyŭ, što «prośba ab spatkańni z hetymi źniavolenymi pradyktavanaja žadańniem asabista pravieryć paviedamleńni biełaruskich pravaabaroncaŭ i źjaŭleńniem u ŚMI infarmacyi ab prablemach, źviazanych ź ich fizičnym i psichičnym stanam, a taksama pravieryć umovy, u jakich jany ŭtrymlivajucca».
«U žniŭni 2011 hoda mnie było admoŭlena ŭ naviedvańni Respubliki Biełaruś. Pry hetym ab pryčynach zabarony ŭjezdu ŭ vašu krainu ja nie byŭ prainfarmavany, — nahadvaje jeŭradeputat. — Ja spadziajusia, što na hety raz vy dazvolicie mnie naviedać Respubliku Biełaruś i sustrecca z vyšejnazvanymi palityčnymi źniavolenymi ŭ miescach adbyvańnia imi pakarańnia».
Marak Mihalski ŭ kastryčniku minułaha hoda inicyjavaŭ akcyju salidarnaści sa Statkievičam i Daškievičam, kampaniju «Svaboda ch 2». U miežach kampanii byŭ stvorany śpiecyjalny sajt 2free.eu, na jakim raźmieščana infarmacyja pra situacyju z hetymi dvuma palitykami, a taksama pra dziejańni jeŭradeputata i akcyi, arhanizavanyja ofisam Mihalskaha. Na sajcie raźmieščana taksama pietycyja da kiraŭnikoŭ dziaržaŭ — členaŭ ES, kab jany niastomna nahadvali pra tych biełaruskich viaźniaŭ sumleńnia, jakich praśledujuć, pryhniatajuć i ź jakimi žorstka abychodziacca ŭ kałonijach.
Nahadajem, ciapier Daškievič adbyvaje pakarańnie ŭ turmie № 1 u Hrodnie, Statkievič — u turmie № 4 u Mahilovie.
