Baćka zabiŭ čatyrochmiesiačnaha syna za hučny płač 9

Žachlivy vypadak zdaryŭsia ŭ Mahilovie ŭ internacie na vulicy Krupskaj u sakaviku 2012 hoda, ale prysud byŭ vyniesieny niadaŭna.

Jak raspavioŭ karespandentu «Radyjo Mahiloŭ» staršynia Mahiloŭskaha abłasnoha suda Ihar Proška, u chodzie śledstva zabojca admaŭlaŭ svaju vinu, śćviardžajučy, što małoje hulała, zvaliłasia z kanapy i samo pryčyniła sabie traŭmy, jakija pryviali da śmierci.

Ale hetuju viersiju całkam abvierhli vyniki ekśpiertyzy.

Viadoma, što mahiloviec pazbaviŭ žyćcia svajo dzicia, budučy pjanym. Chłopčyk razdražniaŭ baćku svaim płačam, i baćka vyrašyŭ ucichamiryć dzicia ŭdarami ŭ hałavu.

Syn atrymaŭ śmiarotnuju čerapna-mazhavuju traŭmu. Jaho cielca sa śladami źbićcia było znojdziena ŭ pakoi internata. Mahiloviec na toj momant mieŭ sudzimaść za pahrozu zabojstvam. U internacie jon pražyvaŭ razam z žonkaj. Pa słovach susiedziaŭ, jany časta pili.

Zabojcu vyniesieny prysud — 18 hadoŭ pazbaŭleńnia voli.

Prysud jašče nie ŭstupiŭ u zakonnuju siłu. Adnak mahiloviec pakul nie asprečyŭ rašeńnie suda, choć i admaŭlaŭ svaju vinu padčas śledstva

Radyjo Mahiloŭ

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH