Mnohija paciarpiełyja pa kryminalnaj spravie Alaksandra Varłamava nie ličać siabie takimi, nie majuć pretenzij da abvinavačanaha. Jany taksama niezadavolenyja tym, što zakon abaviazvaje ich prysutničać u sudovym pracesie, u pryvatnaści, słuchać dziaržaŭnych abvinavaŭcaŭ, jakija začytvajuć abvinavačańnie ŭžo druhi dzień.

Ludzi aburanyja i tym, što ŭ sud jany pavinny prychodzić, prapuskajučy pracu, ź niepaŭnaletnimi dziećmi, jakija zajmalisia ŭ Varłamava, jakim treba naviedvać školnyja zaniatki.

Usie hetyja pretenzii paciarpiełyja emacyjanalna vykazvali sakrataru suda 5 lutaha padčas pierapynku ŭ pracesie.
Pazapłanavy 20-chvilinny pierapynak byŭ abjaŭleny ŭ suviazi z tym, što Varłamavu stała drenna i jon paprasiŭ dać jamu mahčymaść zrabić ukoł.
Paciarpiełym zrabiŭ zaŭvahu adzin z uzbrojenych śpiecnazaŭcaŭ u maskach z prarezami dla vačej — jon znachodziŭsia kala dźviarej zały pasiadžeńniaŭ, u jakoj išoŭ inšy praces.
«Pavažanyja, vy tut nie adny», — skazaŭ śpiecnazaviec. Heta vyklikała niezadavolenaść adnaho z baćkoŭ, jaki pryjšoŭ na sud Varłamava z dačkoj. Mužčyna adkazaŭ śpiecnazaŭcu ŭ rezkaj formie, ale paśla karotkaj pierapałki kanflikt byŭ patušany.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?