Kala 22.00 4 lutaha ŭ vioscy Čkałava Śvietłahorskaha rajona adbyŭsia vybuch u pryvatnym žyłym domie.
Pra heta dyśpietčaru RANS paviedamiŭ vidavočca — staršy instruktar-kiroŭca pažarnaha avaryjna-ratavalnaha atrada № 3 na abjektach pradpryjemstva «Biełarusnafta» Rečyckaha rajadździeła pa NS Uładzimir Zakružny, jaki žyvie ŭ vioscy Čkałava.

Jak paviedamiŭ BiełaPAN pres-sakratar Homielskaha abłasnoha ŭpraŭleńnia MNS Rusłan Habryloŭ, da miesca pažaru byli adpraŭleny čatyry adździaleńni rabotnikaŭ MNS, chutkaja miedycynskaja dapamoha, rabotniki avaryjnaj hazavaj słužby.

«Paśla prybyćcia da miesca vykliku było ŭstanoŭlena, što ŭnutry doma adbyŭsia vybuch hazapavietranaj sumiesi biez nastupnaha hareńnia z-za ŭciečki hazu z bałona.
U domie žyvie 39-hadovaja niepracujučaja žančyna, jakaja charaktaryzujecca admoŭna, złoŭžyvaje śpirtnymi napojami, znachodzicca na ŭlikach u sielskim saviecie i RAUS. U vyniku vybuchu abrynulisia stolevyja pierakryćci pa ŭsioj płoščy doma, razburana cahlanaja vieranda, daščataja haspadarčaja pabudova, paškodžana majomaść u domie, paciarpieła i sama haspadynia domaŭładańnia», — paviedamiŭ Habryloŭ.
U svabody ad słužby čas supracoŭnik MNS Zakružny razam sa svaim susiedam da prybyćcia padraździaleńniaŭ MNS z-pad abrynutych kanstrukcyj žyłoha doma dastali haspadyniu doma.
Z papiarednim dyjahnazam «apioki II–III stupieniaŭ tvaru, ruk, noh, 35% cieła» jana špitalizavanaja.

Papiaredniaja pryčyna vybuchu — parušeńnie praviłaŭ ekspłuatacyi hazavych prystasavańniaŭ i ahrehataŭ. Haspadynia samavolna padklučyła hazavy bałon da plity.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?