Uśmiešačku! Alaksandr Avierkaŭ.

Uśmiešačku! Alaksandr Avierkaŭ.

Voŭk Vova ŭ rukach Alaksandra Kupryjanava, jaki ahučvaŭ cacku paśla Avierkava. Fota tut.by

Voŭk Vova ŭ rukach Alaksandra Kupryjanava, jaki ahučvaŭ cacku paśla Avierkava. Fota tut.by

Dačka Avierkava ŭ efiry.

Dačka Avierkava ŭ efiry.

Asobu Alaksandra Avierkava čarhovy raz uzhadali paśla taho, jak jon zaśviaciŭsia na kastynhu Hramadskaha telebačańnia Rasii. «Naša Niva» sabrała piać faktaŭ pra adnaho z samych aficyjoznych televiadučych krainy.

Pieršy tvar ANT

Avierkaŭ naradziŭsia ŭ studzieni 1960 hoda ŭ haradku Arkadak Sarataŭskaj vobłaści.
Pa adukacyi jon akcior dramatyčnaha teatra i kino — zakončyŭ teatralnuju vučelniu imia Ščepkina.
Padčas efiraŭ «Konturaŭ» časam zdajecca, što jon pieraihryvaje — takimi nienaturalnymi vyhladajuć niekatoryja žesty i pafasnaja intanacyja.

Avierkaŭ źjaviŭsia na ANT ź pieršaha dnia pracy kanała. Pieršy vypusk «Našych navinaŭ» pačaŭsia ź jahonych słovaŭ. Jon praanansavaŭ pieršy siužet — pra toje, što ŭ adnym z damoŭ Minska adbyłasia ŭciečka rtuci.

Aŭtaram hetaha materyjału była Kaciaryna Kibalčyč — ciapierašniaja karespandentka rasijskaha Pieršaha kanała i aŭtarka filma pra Płošču-2010.

«Našy naviny» pačali vieści pa čarzie čaćviora mužčyn-dyktaraŭ. Siarhiej Savicki pratrymaŭsia ŭ efiry ANT da 2007 hoda. Ciapier jon viadzie spartyŭnyja naviny na STB. A voś Alaksandr Siarebrańnikaŭ i Jaŭhien Łaškoŭski, jak i Avierkaŭ, dahetul u efiry «Našych navinaŭ».

Ahučvaŭ Vaŭka Vovu

Alaksandr Avierkaŭ, choć i naradziŭsia ŭ Rasii, ale z tych viadučych, chto zdolny padtrymać razmovu na biełaruskaj movie. Tak zusim niadaŭna hościem jahonych «Konturaŭ» byŭ novy ministr kultury Barys Śviatłoŭ. Z hościem žurnalist razmaŭlaŭ pa-biełarusku.

Jašče da ANT Alaksandr Avierkaŭ ahučvaŭ pa-biełarusku na BT roznyja spartovyja dakumientalnyja filmy. Taksama hołasam Avierkava havaryŭ papularny hieroj «Kałychanki» — Voŭk Vova.

Zasnavalnik «Biełaj Rusi»

Alaksandr Avierkaŭ nie vielmi imknuŭsia zachoŭvać žurnaliscki niejtralitet.

U červieni 2007 jon razam z paetam Uładzimiram Karyznam, baraćbitom Alaksandram Miadźviedziem Avierkaŭ udzielničaŭ va ŭstanoŭčym schodzie minskaj arhanizacyi «Biełaj Rusi».

Avierkaŭ taksama źjaŭlajecca adnym ź lubimych viadučych Alaksandra Łukašenki. U 2006 žurnalist byŭ uznaharodžany miedalom Franciška Skaryny, a ŭ 2010 atrymaŭ zvańnie zasłužanaha dziejača kultury. U toj samy Łukašenka asabista pavinšavaŭ Avierkava z paŭviekavym jubilejem. Potym viadučy, jak sam pryznavaŭsia, «doŭha nie moh pryjści ŭ siabie».

Avierkaŭ słužyŭ vierna.

Padčas minułaj Płoščy 2010 ŭ efiry ANT jon pieradaŭ: «Śpiecsłužby atrymali infarmacyju, što ŭ dvuch aŭtobusach apazicyi znachodziacca vybuchovyja rečyvy i prystasavańni. Pry sprobie pravieryć aŭtobusy natoŭp ich atačyŭ i nakinuŭsia na supracoŭnikaŭ śpiecsłužbaŭ».

Heta, jak vy zrazumieli, pra źvierskaje źbićcio kandydata ŭ prezidenty Niaklajeva i zachop jahonaha hukaŭzmacnialnaha abstalavańnia. Vybuchovyja rečyvy nichto nie znajšoŭ, viadoma. Dumajecie, Avierkaŭ prynios u efiry prabačeńni z padman?

Varta taksama zaŭvažyć, što ŭ «čorny śpis» Jeŭrasajuza viadučy nie trapiŭ.

Łondanski student

Heta ciapier Avierkaŭ sabraŭsia ŭ Maskvu, a letaś jaho imia źviazvali z Łondanam. Brytanskaja VNU Magna Carta College Oxford uručyła hranty na navučańnie ŭ Oksfardzie pa prahramie MVA viadomym biełaruskim piersonam. Siarod ich byli dvojčy srebny pryzior łondanskaj Alimpijady Alaksandra Hierasimienia i… Alaksandr Avierkaŭ.

Zrešty,

kurs dystancyjny, tamu pierajazdžać u Łondan Avierkavu było nie treba.

Tvorčaja siamja

U tvorčaj śfiery, aproč Avierkava, pracujuć i jaho žonka, i jaho dačka.

Žonka Anžalika abaraniła kandydackuju dysiertacyju pa mastactvaznaŭstvie ŭ halinie ekrannych mastactvaŭ.
A voś dačka Volha, jakaja maje padvojnaje proźvišča Avierkava-Litvinava, — televiadučaja.
Jaje možna ŭbačyć u prahnozach nadvorja na «RTR-Biełaruś» i VTV.
U ankiecie Volhi ŭ sacyjalnych sietkach paznačana, što jana biare ŭdzieł i ŭ prajektach ANT.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?