Moładzievy centr sv. Jana Boska pry minskaj parafii ŭ r-nie Sierabranka zaprašaje na karnavał u styli «Biełaruski viestern». Karnavałam abo zapustami ŭ katolikaŭ nazyvajucca apošnija dni ci tydzień pierad Vialikim postam.

Karnavał projdzie ŭ subotu 9 lutaha i raspačniecca śviatoj Imšoj, a 19-j hadzinie. Dres-kod: adzieńnie na starabiełaruski ład (moža być dastatkova niejkaha elemientu nakštałt stužki ŭ vałasy albo sałamianaha kapieluša); mova: «mužyckaja».

Arhanizatary prosiać taksama prynosić pačastunki na sałodki stoł. Padrabiaznaści praviadzieńnia karnavału možna znajści ŭ supołcy «Ukantakcie».

Adras parafii: h. Minsk, vuł. Plachanava, 28/1 (try prypynki ad stancyi mietro «Partyzanskaja» da prypynku «Haraŭca» na lubym transparcie ŭ nakirunku mikrarajona «Sierabranka»).

***

    U tradycyjnym kalendary katolikaŭ byłoj Rečy Paspalitaj Zapusty (abo Zapuski) — tradycyjnaja nazva apošnich dzion (jak praviła, apošniaha tydnia) pierad postam. U Zachodniaj Jeŭropie Zapusty pierad Vialikim postam nazyvajuć karnavałam (ad italjanskaha carne — «miasa» i valere — «panavać», «zahadvać», bo heta apošnija dni, kali miasa jašče «panuje» na stałach).
    Samym viasiołym byŭ apošni tydzień karnavału (u vuzkim sensie mienavita jaho i nazyvali karnavałam), kali narod imknuŭsia byccam zapaścisia viasiellem i zabavami na ŭvieś 40-dzionny Vialiki post. U pravasłaŭnaj tradycyi anałahičny pieryjad nazyvajuć Maślenicaj, a ŭ byłoj Rečy Paspalitaj časam taksama Zapustami (abo Zapuskami).
    Pačynaŭsia hety tydzień, zapoŭnieny šumnymi i viasiołymi zabavami, Tłustym čaćviarhom.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?