Čałaviek z sumnym tvaram. Juryst, jaki źviazaŭ svoj los z vojskam.

Byŭ u vajskovych trybunałach u Kazachstanie, Turkmienistanie. A padčas afhanskaj apieracyi navat u Kabule. Bližej da razvału SSSR viarnuŭsia na Radzimu, dzie taksama pracavaŭ u vajskovych trybunałach. Paśla stvareńnia Śledčaha kamiteta, a taksama mahčymaściu kiraŭnikam MUS i KDB vydavać ordeny na aryšt, Hienieralnaja prakuratura straciła vialikuju častku ŭpłyvu. Tym nie mienš, mienavita Kaniuk byŭ adnym z tych, chto paspryjaŭ adchileńniu staršyni KDB Vadzima Zajcava ad pasady.

U namieśnikach Kaniuka chodzić ambicyjny prakuror Alaksiej Stuk.

U pryvatnym žyćci hienprakuror pieražyŭ vialikuju trahiedyju, u 2004 u jaho zahinuŭ syn.

***

Cytata: «Jość prysud, jon vyniesieny sudom. I nieetyčna ŭ adnosinach da asudžanych tak pavodzić siabie Jeŭraparłamientu».

Pra rezalucyju nakont vyraku Kanavałavu i Kavalovu, 2012.

***

Abjektyŭka

Nar. u 1960 u Hrodnie. Skončyŭ BDU (1982). Paśla pastupiŭ u rasparadžeńnie kamandzira vajskovaj čaści ŭ Barysavie. Dva hady byŭ kamandziram uzvoda. Potym pastupiŭ u rasparadžeńnie Upraŭleńnia vajskovych trybunałaŭ u Maskvie. Ad 1993 — sudździa Biełaruskaha vajskovaha suda. Ad 1997 — sudździa i staršynia Minskaha mižharnizonnaha vajskovaha suda. Ad 2006 — sudździa i staršynia Biełaruskaha vajskovaha suda. Ad 2009 hoda — namieśnik staršyni, staršynia vajskovaj kalehii Viarchoŭnaha Suda. Ad vieraśnia 2011 — hienieralny prakuror. Hienierał-major justycyi.

Клас
Панылы сорам
Ха-ха
Ого
Сумна
Абуральна