Respublikanskaja asacyjacyja invalidaŭ-vazočnikaŭ raspačała prajekt, nakiravany na stvareńnie ŭ Biełarusi dastupnaha žylla dla ludziej, jakija pierasoŭvajucca na vazkach. U ramkach prajekta płanujecca naładzić vytvorčaść padjomnych pryład dla invalidaŭ u vazkach na ŭzrovień pieršaha paviercha. Košt vyrabu novaha vidu padjomnikaŭ u 34 razy mienš, čym anałahaŭ, jakija vykarystoŭvajucca siońnia ŭ Biełarusi. Padjomnyja pryłady płanujecca vyrablać za košt srodkaŭ, atrymanych ad achviaravańniaŭ, i ŭstaloŭvać biaspłatna dla invalidaŭ.

Siońnia ŭ Biełarusi tolki adzin ź dziesiaci invalidaŭ-vazočnikaŭ moža samastojna vychodzić z domu, u vyniku «pažyćciovy termin źniavoleńnia» u svaich kvaterach «adbyvaje» kala 19 tysiač ludziej u vazkach.
Dadzienaja prablema abumoŭlena tym, što bolšaść žyłych damoŭ majuć u padjezdzach prystupki, jakija viaduć da ŭzroŭniu pieršaha paviercha. Kab invalid-vazočnik zdoleŭ vyjści z takoha doma, nieabchodna ŭstalavać u jaho padjeździe śpiecyjalny padjomny miechanizm. U hod u Biełarusi dziaržaŭnyja vykanaŭčyja orhany abstaloŭvajuć kala 25 padjezdaŭ elektryčnymi padjomnikami. Kali b chto-niebudź pastaviŭ metu zabiaśpiečyć usim biełaruskim invalidam-vazočnikam mahčymaść samastojna vychodzić na vulicu, pry takich tempach ŭstanoŭki pryład, jamu by spatrebiłasia 760 hadoŭ. Asnoŭnaj pryčynaj pavolnaj ŭstanoŭki padjomnikaŭ źjaŭlajecca ich vysokaja cana. Pryłady, jakimi abstalujuć padjezdy dziaržaŭnyja vykanaŭčyja orhany, kaštujuć kala 170-190 młn. bieł. rubloŭ kožny.
HA «Respublikanskaja asacyjacyja invalidaŭ-vazočnikaŭ» («RAIV») zapatentavała ŭłasnuju raspracoŭku padjomnaha miechanizmu dla padjezdaŭ damoŭ. Dadzieny padjomnik maje prostuju kanstrukcyju i vielmi nizki košt vyrabu ŭ paraŭnańni z anałahami — kala 5 młn. biełaruskich rubloŭ za miechaničny asobnik i kala 8 młn. bieł. rubloŭ za padjomnik z elektramatoram.
Na siońniašni dzień u Biełarusi ŭžo ŭstanoŭleny i paśpiachova pracujuć try takija padjomnyja pryłady.
Asacyjacyja invalidaŭ-vazočnikaŭ pačynaje prajekt, nakiravany na stvareńnie ŭ Biełarusi prostaj sistemy pieraabstalavańnia niedastupnaha žylla dla invalidaŭ. Užo ciapier luby biełaruski invalid-vazočnik, jaki nie maje mahčymaści samastojna vyjści z domu, moža padać zajaŭku na ŭstanoŭku ŭ jaho padjeździe padjomnika.
Asacyjacyja pravieryć zajaŭku i pastavić jaho ŭ čarhu na pieraabstalavańnie padjezda. Padjomnyja miechanizmy płanujecca vyrablać biaspłatna dla tych, chto patrebu, za srodki, atrymanyja ad achviaravańniaŭ pryvatnych i jurydyčnych asob.
Tym, chto nie choča čakać, možna ustalavać padjomnik za jahony košt biez čarhi.
U vyniku realizacyi hetaha prajekta čakajecca pavieličeńnie kolkaści invalidaŭ-vazočnikaŭ, jakija viaduć samastojny ład žyćcia i pracujuć. Akramia taho padjomniki ŭ padjezdach značna sprościać žyćcio mamam z małymi ŭ dziciačych vazkach.
Pieršyja try «piłotnyja» padjomnyja pryłady płanujecca ŭstalavać u roznych rehijonach krainy da kanca viasny.
Zaraz HA «RAIV» damaŭlajecca z roznymi biełaruskimi pradpryjemstvami ab vyrabie detalaŭ padjomnikaŭ i vybiraje ludziej, jakija pierasoŭvajucca ŭ invalidnych vazkach i u čyich padjezdach buduć ustanoŭleny pieršyja padjomnyja pryłady.
Padać zajaŭku na ŭstanoŭku padjomnika moža luby invalid-vazočnik, zapoŭniŭšy ankietu i vysłaŭšy jaje na email [email protected].

U miežach prajekta buduć źniaty videaroliki pra źmieny ŭ žyćci troch invalidaŭ-vazočnikaŭ, u pad'zdach jakich buduć ustanoŭleny padjomnyja miechanizmy. Taksama asacyjacyja praviadzie ŭ traŭni konkurs fatahrafij «Fota z majho akna» dla ludziej z abmiežavanymi mahčymaściami, jakija nie majuć mahčymaści vyjści z doma i bačać śviet tolki praz svaje vokny.

U prajekcie prymajuć udzieł čalcy hramadzianskaj kampanii «Dastupnaść» — HA «Respublikanskaja asacyjacyja invalidaŭ-vazočnikaŭ», HA «Biełaruskaje tavarystva invalidaŭ», PU «Ofis pa pravach ludziej ź invalidnaściu», HAHA «Invalidy-śpinalniki» (h. Homiel).

Padrabiaźniej pra HA «Respublikanskaja asacyjacyja invalidaŭ-vazočnikaŭ» čytajcie na sajcie arhanizacyi.

Клас
0
Панылы сорам
0
Ха-ха
0
Ого
0
Сумна
0
Абуральна
0