Mužčyny z katehoryi mača, jak vyśviatlajecca, sapraŭdy pachnuć pa-asablivamu.

U časopisie Journal of Evolution and Human Behavior apublikavanyja vyniki daśledavańnia, u jakim śćviardžajecca, što žančyny padčas avulacyi ličać maskulinnych mužčyn bolš seksualnymi. Heta źviazana z tym, što ŭ tak zvanych mača pavyšany ŭzrovień testasteronu ŭ kryvi, a dadzieny harmon pranikaje ŭ pot i robicca častkaj pachu. Tonki žanočy niuch zdolny raspaznać pach mužčynskaha testasteronu na padśviadomym uzroŭni.

U chodzie ekśpierymientu navukoŭcy paprasili hrupu dobraachvotnikaŭ mužčynskaha połu nasić futbołki na praciahu dvuch načej. Pry hetym im zabaraniałasia karystacca myłam ci jakimi-niebudź antypierśpirantami. Usim mužčynam, čyj uzrovień testasteronu i kartyzołu byŭ staranna vymierany navukoŭcami, taksama nie dazvalałasia ŭžyvać ałkahol i palić, jość časnyk, cybulu, zialony pierčyk čyli, hatunki syru z nasyčanym smakam i inšyja vostryja stravy.

Žančyny-dobraachvotnicy, jakija znachodziacca na roznych stadyjach mienstrualnaha cykłu, paśla pryniuchvalisia da mužčynskich futbołkach i pa škale ad adnaho da dziesiaci vystaŭlali acenku seksualnaj pryvabnaści mužčyny, a taksama intensiŭnaści jaho pachaŭ. Akazałasia, što žančyny na vyšejšaj stadyi cykłu nazyvali samymi seksualnymi i pryjemnymi na pach futbołki mužčyn, jakija mieli samy vysoki ŭzrovień testasteronu.

A voś na pakazčyk kartyzołu žančyny, miarkujučy pa ŭsim, uvahi nie źviartajuć. Miž tym, hety pakazčyk śviedčyć ab tryvałaj imunnaj sistemie, što vielmi važna dla začaćcia i naradžeńnia zdarovaha dziciaci.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?