15 maja 2013 u 13:20

Spadar Juryj, što drennaha asabista vam ci narodu Biełarusi zrabiła Natalla Radzina?

Juryj Zisier: Užo pisaŭpra heta padrabiazna.

Vadim napisaŭ(ła) 15 maja 2013 u 13:26

Pavažany spadar Jury, jak vy staviciesia da Vialikaha Kniastva Litoŭskaha, jaho historyi, kultury, simvałaŭ (Pahonia, nacyjanalnyja kolery) i ci padzialajecie mierkavańnie pra toje, što Biełaruś maje prava na histaryčnuju spadčynu hetaj dziaržavy i my pavinnyja hruntavać svaju ideałohiju ŭ tym liku i na hetaj histaryčnaj spadčynie? Ci, naadvarot, ličycie, što heta nam čužoje, i znachodžańnie ŭ składzie VKŁ dla nas inšarodnaja źjava? Dziakuj.

Juryj Zisier: Ja hłyboka pavažaju našuju historyju, tolki vašaje pytańnie nasamreč nie pa historyi, a pa siońniašniaj palitycy. Majo hłybokaje pierakanańnie ŭ tym, što histaryčnyja arhumienty nielha naŭprost vykarystoŭvać dla abhruntavańnia rašeńniaŭ, jakija prymajucca siońnia. Tym bolš što ideałohiju, u adroźnieńnie ad prapahandy, nielha naviazać: ideałohija farmujecca ŭ nietrach samoha hramadstva i vyciakaje z najaŭnaj apieratyŭnaj situacyi, a nie z padziej paŭtysiačahadovaj daŭniny.

Źmicier napisaŭ(ła) 15 maja 2013 u 13:55

Dobry dzień, spadar Zisier. Prezientujučy našuju krainu, čynoŭniki asablivuju ŭvahu źviartajuć na vysoki ŭzrovień vyšejšaj adukacyi ŭ Biełarusi, u tym liku i techničnaj. Adkažycie, kali łaska, jak kiraŭnik u śfiery infarmacyjnych technałohij, ci atrymlivajuć siońnia prahramisty i inšyja IT-śpiecyjalisty jakasnyja viedy pa svajoj prafiesii ŭ biełaruskich VNU i ci lohka vam abrać siarod vypusknikoŭ našych univiersitetaŭ apošnich hadoŭ jakasnych śpiecyjalistaŭ?

Juryj Zisier: U IT-haliny šmat pytańniaŭ da siońniašniaj adukacyi IT-śpiecyjalistaŭ, hałoŭny ź jakich — nie ŭzrovień padrychtoŭki, a praźmierna zaciahnutyja terminy padrychtoŭki prahramistaŭ-kadavalnikaŭ. Siońnia ŭ halinie taki mocny kadravy hoład, što mnohim kampanijam davodzicca najmać, nie asabliva źviartajučy ŭvahu na ŭzrovień. Pakul my na partale sprabujem brać nie kolkaściu, a ŭmieńniem, choć heta zvužaje vybar i zapavolvaje pošuk patrebnych śpiecyjalistaŭ.

ranen napisaŭ(ła) 15 maja 2013 u 14:12

Na vašuju dumku, na jakim etapie raźvićcia znachodzicca Biełaruś? Biełaruś jak dziaržava dehraduje abo raźvivajecca? Jakaja rola ŚMI ŭ demakratyčnaj i tatalitarnaj krainie? Jakoj vy b chacieli bačyć Biełaruś, tatalitarnaj abo demakratyčnaj?

Juryj Zisier: Biezumoŭna, našyja dziaržava i hramadstva raźvivajucca. U dziaržavie prymajucca novyja zakony i ŭdakładniajucca staryja. Raźvivajecca i raście ekanomika, niahledziačy na apakaliptyčnyja prahnozy piatnaccaci apošnich hadoŭ. Raście dola pryvatnaha biznesu. Dy i hramadstva siońnia nie toje, što było navat hod tamu. Voźmiem navat takuju drobiaź: kali ja hod tamu ŭ svaim asabistym błohu vykazaŭsia suprać atajasamleńnia paniaćciaŭ «Biełaruś» i «Łukašenka» i asabliva suprać ekanamičnych sankcyjaŭ, nakiravanych suprać pryvatnaha biznesu, mianie ŭsie družna «asudža-am». Hospadzie, chto tolki ni adznačyŭsia! Siońnia ž ź viadomych ludziej za sankcyi zastalisia tolki niekalki radykałaŭ, jakija jak praviła, žyvuć za miežami Biełarusi. Astatnija razabralisia. Choć dla hetaha spatrebiŭsia ceły hod. Tak što prahres jość navat na ŭzroŭni asobnych prablem, jakija stajać pierad hramadstvam. Dalej. ŚMI va ŭsich krainach adyhryvajuć vialikuju rolu, pryčym niavažna, demakratyčnaja kraina ci tatalitarnaja. Zrazumieła, ja za demakratyčnuju Biełaruś — što za dziŭnaje pytańnie!

Ivan Dienisovič napisaŭ(ła) 15 maja 2013 u 14:18

Na vašuju dumku, u Biełarusi dyktatura abo demakratyja? Asabista vy prychilnik demakratyi ci dyktatury?

Juryj Zisier: U Biełarusi ni dyktatury, ni demakratyi. U nas aŭtarytaryzm.

Ihar napisaŭ(ła) 15 maja 2013 u 14:37

Spadar Zisier! Jakaja kraina ŭ śviecie vam padabajecca najbolš i čamu?

Juryj Zisier: Nikoli pra heta nie dumaŭ. Nie maju adkazu na hetaje pytańnie. Bajusia, jaho i nie moža być. Kožnaja kraina ŭnikalnaja.

Prychilnikam jakich idej Vy źjaŭlajeciesia (pravych/levych/sacyjalizm/kansiervatyzm i h.d. i da t.p.)?

Juryj Zisier: U profili facebook u mianie napisana «kapitalist». Ja sapraŭdy vieru, što Biełaruś vyratuje kapitalizm.

Ci jość u vas kumiry? Kali jość, to chto heta i čamu?

Juryj Zisier: Paśla studenckaha ŭzrostu nikoli nie było. Zaŭsiody staraŭsia hladzieć na ludziej ćviaroza. Pieryjadyčna začaroŭvajusia ludźmi, ale nie mahu nazvać ich kumirami. A tak lublu mnohich — taho ž Sašu Kulinkoviča, jakoha ciapier tak zvanaja «demakratyčnaja hramadskaść» (nasamreč heta častka hramadstva, jakaja zahnała siabie ŭ hieta ŭnutranaj emihracyi) asudžaje za toje, što jon naśmieliŭsia vieści kałonku ŭ «SB».

Jakich zakonaŭ, na vašuju dumku, nie chapaje našaj krainie ŭ halinie infarmacyi, a jakija niepatrebnyja i/ci škodnyja?

Juryj Zisier: Zakonaŭ u nas chapaje. Mnohija zakony ŭtrymlivajuć normy, jakija možna ličyć absurdnymi i škodnymi. Adnak naša hałoŭnaja prablema nie ŭ zakonach, a ŭ ich vykanańni, u traktoŭcy.

Radip napisaŭ(ła) 15 maja 2013 u 14:41

Raskažycie pra vašu asabistuju sustreču z Łukašenkam. Ci heta čutki? Žyvie Biełaruś!

Juryj Zisier: Takoha nie było. Vakoł luboha publičnaha čałavieka pastajanna chodziać takija niedarečnyja čutki, što ja ŭžo pierastaŭ ździŭlacca. To ja pradaŭ biznes i pierajechaŭ u Maskvu, to ŭ ZŠA. To ja ŭ deputaty pajšoŭ, to, jak voś ciapier vyśvietliłasia, z prezidentam sustrakaŭsia. To kiruju chołdynham dziaržSMI, to ahient KDB, to ahient Masada, to asabista maderuju forumy, to sankcyjanuju źjaŭleńnie na partale niehatyvu na čynoŭnika abo kampaniju. To zakryvaju cełyja napramki biznesu i pieraśleduju supracoŭnikaŭ ź nietradycyjnaj seksualnaj aryjentacyjaj. Usio heta ja nie vydumaŭ. Pieraličanyja realnyja čutki, jakija dajšli da mianie roznymi šlachami.

JANKA napisaŭ(ła) 15 maja 2013 u 14:44

Spadar Zisier, peŭnyja mas-medyi chvarejuć na kompleks antysiemityzmu i baniać navat kamienty, dzie prysutničaje słova «žyd». A vy nie suprać najaŭnaści hetaha spradviečna biełaruskaha słova, u pryvatnaści na Tutbai, zamiest varvaryzmu «jaŭrej»?

Juryj Zisier: Ja suprać i pra heta padrabiazna vykazvaŭsia.

Maryja napisaŭ(ła) 15 maja 2013 u 14:54

Šmat rozhałasu vyklikała infarmacyja pra minułaje byłoha karespandenta Tut.baj Uładzimira Čudziancova. Vy jaho abaraniali ad šmatlikich napadak i krytyki. Ale dniami ŭ jahonym Fejsbuku ja pračytała, jak jon niehatyŭna adhukajecca pra Tut.baj, pra vašyja stažyroŭki za miažoj, pra toje, što partał praz rekłamu zamoŭčvaje pamyłku daktaroŭ «Ekamiedservisa». Paźniej u internecie źjaviłasia jaho pierapiska z palituciekačom, dzie Čudziancoŭ nazyvaje čytačoŭ Tut.baj bydłam, chamiačkami i h.d. Skažycie, kali łaska, ci škadujecie vy pra toje, što zvolnili takoha žurnalista? Ci stali b vy paśla takoha abaraniać jaho ciapier? Dziakuj vialiki.

Juryj Zisier: Z Čudziancovym było škada rasstavacca z pryčyny jaho prafiesijnych jakaściaŭ. Ale jon sam vybraŭ svoj šlach, parušyŭšy svajo abiacańnie ŭžo praź dźvie hadziny paśla taho, jak jaho daŭ, vydatna viedajučy, što jano było apošnim. A što ja zastupaŭsia za jaho da hetaha — nie škaduju: heta było ščyra. Što ž, ni adna dobraja sprava nie zastajecca biespakaranaj.

Vitalina K. napisaŭ(ła) 15 maja 2013 u 14:57

U adnym ź intervju bačyła, što vy čytajecie tolki «Biełhazietu» i «Turyzm i adpačynak». Ale vaš partał pra turyzm, naprykład, zusim mała piša. Čamu?

Juryj Zisier: Čytaju jašče treciuju hazietu — «Biełarusy i rynak». A pra turyzm my pišam pastajanna, tolki nie pra haliny (dla hetaha isnujuć śpiecyjalizavanyja vydańni), a pra sami padarožžy. Amal kožny dzień, asabliva letam, na partale źjaŭlajecca čytacki fotarepartaž z čarhovaj krainy.

Valkiryja napisaŭ(ła) 15 maja 2013 u 15:01

Ci jość u vas aŭtarytety ŭ prafiesijnaj śfiery? Što b vy źmianili na infarmacyjnym poli Biełarusi?

Juryj Zisier: Tak, jość. U pieršuju čarhu heta ciapierašni dyrektar TUT.BY Alaksandr Čakan, jaki sapraŭdny prafiesijanał va ŭsim, da čaho dakranajecca. A našaje infarmacyjnaje pole maje vialikuju patrebu ŭ rekłamnych hrašach. Hałoŭnaja prablema mnohich našych ŚMI — i pryvatnych, i dziaržaŭnych — adsutnaść hrošaj na raźvićcio: na hodnuju apłatu pracy žurnalistaŭ, ich navučańnie, stvareńnie ŭmovaŭ pracy, raspracoŭku i prasoŭvańnie hodnych sajtaŭ i h.d. Tolki nie treba ŭsio valić na ideałohiju: niaŭžo ŭ nas kvitniejuć spartovyja vydańni ci haradskija časopisy? Dy nie, usie zvodziać kancy z kancami. Hałoŭnaja prablema našych miedyjaŭ — ekanamičnaja.

Skieptyk napisaŭ(ła) 15 maja 2013 u 16:01

Vas bačyli na kanfierencyi razam z načalnikam AAC Łukašenki, jak vy razam stajali i ŭśmichalisia, niešta abmiarkoŭvali z tym, chto adsočvaje infarmacyju za «niebłahanadziejnymi apazicyjanierami».

Juryj Zisier: Tak, na hetym fota my adnačasova z Rabavołavym vyvučajem źmieściva kantejnieraŭ ź ježaj padčas uračystaha furšetu ŭ ABSIE.

Pytańnie: Ci praŭda toje, što vy dajacie infarmacyju (paroli i h.d.) AAC paštovych skryniaŭ tut.by?

Juryj Zisier: Praŭda. Zhodna z zakanadaŭstvam Respubliki Biełaruś, jakoje rehłamientuje dziejnaść pravaachoŭnych orhanaŭ i suda pa zbory i praviercy dokazaŭ, lubaja arhanizacyja, uklučajučy nas, internet-pravajdaraŭ i h.d., abaviazanaja, pry vykanańni hetymi orhanami pracedury patrabavańnia infarmacyi, padavać jaje pa kankretnych asobach (i nijak inakš). Napeŭna, vy ŭ navinach niadaŭna čytali statystyku zapytaŭ pravaachoŭnych orhanaŭ roznych krain, uklučajučy Biełaruś, što da źmieściva pierapiski Skype, Google i inš. Dyk voś nam takich zapytaŭ prychodzić prykładna stolki ž, kolki pakazana ŭ hetym artykule — i heta na dva ź lišnim miljony rehistracyj. Tak što kazać pra tatalnaje sačeńnie za hramadzianami praz TUT.BY nie davodzicca. Treba taksama razumieć, što anałahičny zakon dziejničaje va ŭsich krainach śvietu, uklučajučy ZŠA i krainy ES, my tut daloka nie napieradzie płaniety ŭsioj.

Hopnik napisaŭ(ła) 15 maja 2013 u 16:26

Apieratyŭna-analityčny adździeł pry prezidencie RB pieradaŭ vam (hoster.by — UP «Nadziejnyja prahramy») paŭnamoctvy pa administravańni damiennaj zony BY. Jak tak atrymałasia? Ci pravodziŭsia dziaržkonkurs/tendar siarod udzielnikaŭ ITD? Kali tak, to dzie było apublikavanaje zaprašeńnie i chto ŭziaŭ udzieł? Kali nie, to na jakoj padstavie?

Juryj Zisier: Administrataram damiennaj zony BY byŭ i jość AAC. My tolki techničnyja administratary, heta značyć, zajmajemsia techničnaj padtrymkaj sajta www.cctld.by i dapamožnych servisaŭ da jaho. Abaviazki techničnaha administratara apisanyja ŭ raździele 8 dakumienta. Tamsama znachodzicca instrukcyja ab paradku praviadzieńnia konkursu. Kab stać techničnymi administratarami, u 2010 hodzie my ŭdzielničali ŭ abvieščanym konkursie, jaki vyjhrali, prapanavaŭšy samuju nizkuju aptovuju canu na damien. Astatnija ŭdzielniki konkursu («Adkryty kantakt», «Ekstmiedyja», «Aktyŭnyja technałohii») prapanavali našmat vyšejšyja ceny.

P. S. Kali što nie spadabajecca, Zisier&So mohuć zabrać u NN damiennaje imia NN.BY. Paradaksalnaja situacyja: adna pryvatnaja miedyja-arhanizacyja moža błakavać pracu inšaj)))

Juryj Zisier: Nie, nie moža, zhodna z zhadanaj vyšej instrukcyjaj.

Doktar napisaŭ(ła) 15 maja 2013 u 16:52

Spadar Zisier! Jak vy dumajecie, ci jość u Biełarusi siarod 9,5 młn nasielnictva choć by adzin, chto zmoh by być novym prezidentam zamiest staroha?

Juryj Zisier: Dumaju, jość, chacia i nie viedaju, chto b heta moh być.

Ci jość u RB karupcyja?

Juryj Zisier: Jość. Prosta jana nie na pobytavym uzroŭni, jaje nie tak lohka ŭbačyć. U toj ža čas ličyć jaje surjoznaj prablemaj Biełarusi moža tolki čałaviek, jaki nikoli nie byvaŭ u Azii.

Adkul pačynaje hnić ryba — ad chvasta ci ad hałavy?

Juryj Zisier: Hnijeńnie — hienieralizavany praces, u jakim, na žal, usie dobryja.

hołas ź ciemry napisaŭ(ła) 15 maja 2013 u 17:34

Ci ličycie vy siabie biełarusam? I ci pravilna ličyć biełarusam kožnaha, chto žyvie na terytoryi Biełarusi i maje biełaruskaje hramadzianstva?

Juryj Zisier: Treba adroźnivać paniaćci etnasu i nacyi. Z etničnaha punktu hledžańnia biełarus — toj, chto ličyć siabie biełarusam. Heta nazyvajecca samaidentyfikacyja. Usie astatnija prykmiety (hramadzianstva, terytoryja, mova, historyja, kultura, vyhlad), jak pakazali navukovyja daśledavańni apošnich dziesiacihodździaŭ, druhasnyja. A voś kali my havorym pra nacyi, to hramadzianie Biełarusi — tolki ŭładalniki siniaskurych pašparcin.

Spadar napisaŭ(ła) 15 maja 2013 u 18:04

Nie viedaju navat, jak da vas źviartacca spadar ci prosta «tovariŝ» Ju.Zisier, bo vidavočna što vam bolš daspadoby «hospodin».

Z 1994 hoda biełarusaŭ padzialili na našych i nie (vorahaŭ, jak u časy Stalina). Adsiul pytańni:

1) Jakaja nazva vam bolš padabajecca — histaryčnaja «Miensk» ci rasijskaja «Minsk»?

2) Čamu pry našaj «supierdemakratyi» adnym ŚMI dazvolena ŭsio (navat zabojstva, jak było z Palakovaj), i im za heta «miedalki» i dziaržaŭnaja dapamoha, a inšym — pieratrusy, kanfiskacyi, aryšty i h.d. (u vypadku z N. Radzinaj, Chartyjaj 97, Arche i h.d.)? Ci jość miežy kryvadušša?

3) Z peŭnych pryčynaŭ ja admoviŭsia ad skryni na tut.by. Heta moj ułasny vybar i žadańnie, ja čałaviek volny. Tamu hladžu Biełsat, Jeŭrańjus i hetak dalej. Čamu biełarusaŭ pazbaŭlajuć prava vybaru na vybarach i ŭ infarmacyjnaj prastory, čamu za nas vyrašajuć, što nam dazvolena, a što nie? U mianie ŭłasny dom, i nijakija ŽESy mnie nie mohuć pieraškodzić mieć spadarožnikavyja talerki, a voś žycharam šmatpaviarchovikaŭ heta ciažej praz «vyhlad» doma. Dziakuj!

Juryj Zisier: Na žal, usie hetyja pytańni nie da mianie. Dy i nie pytańni heta.

Andrei napisaŭ(ła) 15 maja 2013 u 18:34

Dobry dzień, Juryj! Na vašuju dumku, jak iduć spravy z palityčnaj situacyjaj u našaj krainie? Čamu apazicyja pa-raniejšamu nijak nie moža damahčysia choć by prystojnych vynikaŭ na vybarach? Zahadzia dziakuj!

Juryj Zisier: Nielha damahčysia vynikaŭ u tym, čaho niama. Tyja, chto choča i pryvyk damahacca vynikaŭ, u Biełarusi nie iduć u palityku, a, naprykład, zajmajucca biznesam.

adva-belarus napisaŭ(ła) 15 maja 2013 u 18:38

Dobry dzień, spadar Juryj! Pa-pieršaje, dziakuj za vašu pracu — na vašym partale infarmacyja padajecca davoli abjektyŭna i bieź ideałahičnych pierakosaŭ. Pytańni:

Čamu na Tut.baj nie było nivodnaj zhadki pra film «Žyvie Biełaruś» — pieršuju mižnarodnuju mastackuju stužku na biełaruskaj movie i pra Biełaruś?

Juryj Zisier: Była infarmacyja sa spasyłkaj.

Ź niadaŭniaha času na Tutbaj źjavilisia novyja prahramy, takija jak tutejšy futboł — prahrama viadziecca na biełaruskaj movie, pryčym heta było vyrašana šlacham adkrytaha hałasavańnia. Značyć, vašym karystalnikam chočacca, kab na partale bolš vykarystoŭvałasia mova. Heta bolš nie pytańnie, a prapanova ci navat prośba — zrabicie prahramy, naprykład, jak, bajany tydnia, dzie na ekranie dvuchmoŭnyja viadoŭcy: adzin razmaŭlaje na rasijskaj, druhi — na biełaruskaj.

Juryj Zisier: U nas jość publikacyi i prahramy na biełaruskaj movie. Darečy, i ŭ redakcyi ŭ nas jość supracoŭniki, jakija havorać tolki pa-biełarusku. Ale, na žal, materyjały na biełaruskaj movie čytaje i hladzić u razy mienš karystalnikaŭ, čym na rasijskaj, i my nie možam uščamlać ruskamoŭnych karystalnikaŭ.

Valerija napisaŭ(ła) 15 maja 2013 u 18:47

Pavažany Juryj Zisier! Kali vy pahadzilisia na takoje intervju dla naviednikaŭ sajta «Našaj Nivy» — užo za heta vam vialikaja pavaha! Što da Natalli Radzinaj, to jana mužnaja žančyna i niadrennaja žurnalistka. Ale jak kiraŭnik sajta Chartyja'97 nieprafiesijnaja absalutna. Sajt, zaklikany abjadnać vakoł siabie praciŭnikaŭ režymu, nie tolki nie spraviŭsia z hetaj zadačaj, ale i dehradavaŭ całkam. Kali raniej u jaho vieryli pastajannyja kamientatary — spračalisia prapanoŭvali svaje idei,-to ciapier całkam u kamandzie sajta rasčaravalisia. Ni adna z prapanovaŭ kamientataraŭ, paŭtaru — ni adna! — nie była realizavanaja. Vielmi žorstkaja cenzura dla patryjotaŭ z razmytymi kryterami — nielha krytykavać dziejańni «Jeŭrapiejskaj Biełarusi» i raschvalvać dziejańni inšych apazicyjnych struktur. I ŭ toj ža čas zasille chamstva i propusk vidavočna pravakacyjnych i abražalnych kamientaroŭ. Kamu ciapier padparadkoŭvajecca Chartyja — i pad čyim kantrolem znachodzicca? Nieviadoma. I razam z tym poŭnaja adsutnaść zvarotnaj suviazi z maderatarami — i heta na samym nibyta «demakratyčnym» sajcie! Apošnim časam na Chartyi było dva artykuły, adzin pryśviečanaja vam i jašče adzin — pra situacyju vakoł Čudziancova. I što cikava — pry abmierkavańni prapuskalisia USIE kamientary! Niesumnienna, što tut puskajuć pył u vočy asabista vam i rabotnikam i prychilnikam partała TYT.BY. Staŭlusia da vas ź vialikaj pavahaj — tamu što čytała vaš forum i dziviłasia, nakolki tam bolš svabody ŭ paraŭnańni z Chartyjaj. U mianie asabista šmat idej, jakija možna było b ažyćciavić i na vašym partale. Idej nie tolki palityčnych, ale i tvorčych. Ci možna da vas źviarnucca z prapanovami? I jak z vami — u vypadku, kali vy zacikaŭlenyja, — źviazacca?

Juryj Zisier: Dziakuj za dobryja słovy ŭ dačynieńni da mianie i TUT.BY! Pišycie svaje prapanovy na [email protected] — hety adras paznačany ŭnizie kožnaj staronki partała. Zaŭsiody radyja i ŭdziačnyja.

Ilja napisaŭ(ła) 15 maja 2013 u 20:07

Kaho b vy chacieli bačyć prezidentam, kali (hipatetyčna) Łukašenka nie pojdzie na piaty termin?

Juryj Zisier: Nie viedaju pakul takoha čałavieka.

Michaś Babrovič napisaŭ(ła) 15 maja 2013 u 20:51

Pryvitańnie, spadar Zisier! Dziakuj vam, što vy jość. Vy dobry čałaviek, takaja maja dumka. I ja viedaju, što ŭ žyćci vam vielmi ciažka, ale vy mužny i daj vam Boh zdaroŭja! Ci hladzieli vy film «Žyvie Biełaruś»? Na maju dumku, heta pravakacyja suprać biełaruskaj demakratyčnaj hramady. Jon tolki pavialičvaje kolkaść zła ŭ śviecie i ničoha nie daje ŭzamien. Nie daje nadziei. Što vy dumajecie pra heta?

Juryj Zisier: Ja nikoli nie hladzieŭ savieckija prapahandysckija ahitki i nie źbirajusia hladzieć antysavieckija: heta, jak kazaŭ Daŭłataŭ, adno i toje ž.

Jaki film na vašuju dumku, varta było b zrabić pra sučasnuju Biełaruś?

Juryj Zisier: U mastactvie važna nie «pra što», a «jak». Biazdarnaja pradukcyja nie znojdzie svajho spažyŭca, jakoj by aktualnaj tema ni była i kolki hrošaj u jaje ni zakapaj. A kali źjavicca talenavitaja praca — jaje zaŭvažać i pahladziać (pračytajuć, prasłuchajuć) niezaležna ad temy, krynicy i pamieru inviestycyj.

Art napisaŭ(ła) 15 maja 2013 u 21:00

Pavažany Juryj Zisier! Čamu vaš partał nadaje tak mała ŭvahi navinam kultury? I nie tolki navinam, ale prajektam u hetaj śfiery. Zrazumieła, što heta patrabuje bolšych namahańniaŭ, čym ahučyć palityčnuju, ekanamičnuju abo kryminalnuju navinu. Ale ŭ vas ža vialikija resursy, a śpiecyjalistaŭ u Biełarusi chapaje. Vy ž aktyŭna zajmajeciesia, naprykład, anonsami dabračynnych akcyj. Pryvivać luboŭ da kultury — nie mienš vysakarodna. Ale niama recenzij, niama virtualnych tematyčnych vystavaŭ (časam jość fota), mała dyskusij i tolki ŭ miedyjafarmacie. Čamu tak? I ci jość niejkija płany, zadumki ŭ hetaj halinie? Dziakuj.

Juryj Zisier: Heta nie tak. Chiba vy nie bačyli pieradač z Kaciaj Pytlevaj? Abo «Kruhi na vadzie»? «Artefakt»? A prahramu «Džaz-pik», jakuju ŭžo šmat hadoŭ viadzie były hałoŭny redaktar ŭsiesajuznaha časopisa «Džaz» Jaŭhien Daŭhich? Jak čałaviek, jaki zachaplajecca džazam i navat čytaŭ lekcyi pa džazie, mahu śćviardžać, što Jaŭhien — samy bujny ekśpiert pa džazie ŭ krainie, a jaho prahramy sapraŭdy vielmi dobryja na lubym uzroŭni. Adnak ich hladzić mienš za tysiaču čałaviek. A prahramy pra biełaruskuju muzyku hladzić jašče mienš! My ž bačym statystyku i dakładna možam paličyć kolkaść adkryćciaŭ anonsu, kolkaść adkryćciaŭ videamateryjału i praciahłaść prahladu. Tak što ŭ peŭnym sensie navin kultury ŭ nas na paradak bolš, čym patrabujecca naviednikam. Na žal, kali «sacyjałku» u nas čytaje pa 100 tysiač i bolš naviednikaŭ, to kulturu — litaralna 500–1500 čałaviek. Darečy, recenzii ŭ nas jość, tolki jany nie na tytulnaj staroncy, a ŭ raździele «Afiša». Akramia virtualnaj u nas pradstaŭlenaja i realnaja kultura ŭ vyhladzie pastajanna dziejnaj Halerei TUT.BY, jakaja znachodzicca ŭ nas u ofisie i adkrytaja dla luboha z vulicy. Tam kožny miesiac źmianiajecca ekspazicyja. Raźvivać i padtrymlivać kulturu budziem i dalej.

Vołat napisaŭ(ła) 15 maja 2013 u 21:24

Ci viedajecie vy, što takoje ideałohija «zachodnierusizmu»? Ci padzialajecie jaje pohlady? Ci patrebna ŭvohule Biełarusi aficyjnaja ideałohija? Naprykład, pałkoŭnik Uładzimir Baradač ličyć, što Biełarusi patrebnaja niejkaja novaja ideałohija. Ci padzialajecie vy takuju dumku? Jak, pa-vašamu, mahła b vyhladać ideałohija «biełacentryzmu», prapanavanaja pałkoŭnikam Baradačom?

Juryj Zisier: Ja adkryŭ spasyłku i pračytaŭ, ale, pryznacca, z tekstu nie vielmi zrazumieŭ, što takoje «biełacentryzm» i «zachodnierusizm». Kali havorka pra toje, što nielha pabudavać budučyniu na archaicy i treba zychodzić ź siońniašnich realij, to całkam zhodny z hetym. Tolki mnie nie padabajecca słova «ideałohija». Jak ja ŭžo kazaŭ, ideałohiju nielha prydumać i naviazać, jana moža tolki samastojna skłaścisia, vyśpieć u socyumie.

Źmicier napisaŭ(ła) 15 maja 2013 u 21:34

Vitaju. Jakoje vašaje asabistaje staŭleńnie da movy i ci płanujecie (pry stanoŭčym adkazie) papularyzavać movu?

Juryj Zisier: Majo asabistaje staŭleńnie? Vyklučna stanoŭčaje. Adzinaje: ja ŭpeŭnieny, što movu nielha naviazvać. A papularyzacyjaj movy naš partał zajmajecca pastajanna. Prosta kali ludzi drenna čytajuć naviny na biełaruskaj movie, navošta prymušać ich čytać bolš? Chiba jany pačnuć ad hetaha bolš havaryć pa-biełarusku ci bolš lubić movu? Patrebnyja inšyja mietady. Da prykładu, sioleta na dzień rodnaj movy my raźmiaścili na partale płejer, napeŭna, z najlepšymi za apošnija 20 hadoŭ pieśniami na biełaruskaj movie. Nam ludzi potym pisali, što heta ich zaradziła na ŭvieś dzień. Ja i sam słuchaŭ amal ceły dzień.

Cikaŭny napisaŭ(ła) 15 maja 2013 u 22:45

Ci padtrymlivajecie vy raźmiaščeńnie rasijskaj avijabazy ŭ Biełarusi?

Juryj Zisier: Ja nie viedaju, čym kiravałasia našaja dziaržava, tamu nie mahu kampietentna mierkavać pra heta. Tearetyčna, adryvajučysia ad realij, heta krok ubok ad palityki niejtralitetu i bałansavańnia nievialikaj dziaržavy pamiž bolš bujnymi ŭtvareńniami. Ale davodzicca ŭličvać, što Biełaruś nikoli ŭ svajoj historyi nie była niezaležnaj u vajennym płanie dziaržavaj, tamu ŭsio zakanamierna.

niechta nieviadomy napisaŭ(ła) 15 maja 2013 u 22:52

Apošnim časam naziraju šmat artykułaŭ pra takich, jak ja, tak by mović, asobaŭ nietradycyjnaj seksualnaj aryjentacyi. Ja nie aktyvist, ale ŭbačyŭ šmat niehatyvu i nianaviści ŭ kamientarach. Naohuł nichto navat nie zdahadajecca, što ja taki. Ja ŭsio heta ŭdała chavaju. Kali łaska, pakińcie nas u spakoi. Ja baču, što mianie tut nie prymuć pry maim žyćci. Hramadstva nas nie ŭsprymaje, i my prosta robimsia niejkim kozyram dla ŭłady. Heta miarzotna. Mnie zdajecca, što hetaja tema prosta ekspłuatujecca. Niejkija asoby ad ŁHBT. Navošta? Prezident — hamafob. Vy robicie niemahčymym majo isnavańnie.

Juryj Zisier: Nie zrazumieŭ, jakim čynam vam pieraškadžaje hramadskaja dyskusija pra ŁHBT, jakaja razharnułasia va ŭsim śviecie (a nie tolki ŭ nas), tym bolš kali pra vašuju aryjentacyju nie viedajuć navakolnyja. Naadvarot, pra prablemu treba kazać, kab ŁHBT pierastali ličyć psichičnym zachvorvańniem i pačali stavicca jak da indyvidualnaj asablivaści asoby, jak da rostu abo koleru vačej. SAAZ užo razabrałasia i daŭno vyklučyła homaseksualnaść sa śpisu chvarob pa MSKB. Adnak zojmie jašče niekalki hadoŭ ci dziesiacihodździaŭ vyvietryvańnie z masavaj śviadomaści staŭleńnia da ŁHBT jak da zachvorvańnia. A nienavidziać ŁHBT nie tolki ŭ nas, ale i va ŭsim śviecie.

JJ napisaŭ(ła) 15 maja 2013 u 22:56

Čamu vy nie ličycie «bulbaš» abrazaju, a «žyda» — ličycie? U kaho jość prava vyznačać, što ličyć «ironijaj» a što «źniavahaju»? U taho, chto kaža, ci ŭ taho, pra kaho havorka?

Juryj Zisier: Užo adkazaŭ vyšej. Liču i «bulbaša» kryŭdnym słovam i nikoli jaho nie havaru. Akramia linhvistyčnaha heta pytańnie etyčnaje: kali vy viedajecie, što mnie niepryjemna, kali kahości nazyvajuć žydom, ale ŭparta praciahvajecie vykarystoŭvać hetaje słova pry mnie — heta śviedčyć pra vašuju etyku.

Anton napisaŭ(ła) 15 maja 2013 u 23:32

Ci mahčyma zrabić tak, kab razam z kamientarom na forumie Tut.baj adlustroŭvaŭsia IP kamientatara (naprykład, jak na pravda.com.ua)? Vielmi ŭžo časta sutykajusia z tym, što vučyć rozumu žycharoŭ Biełarusi biarucca z zamiežnaha daloka (maskirujučysia pad rezidentaŭ RB), abo adzin i toj ža trol pad roznymi imionami ŭdzielničaje ŭ dyskusii. Ci mahčymaje jakoje-niebudź inšaje rašeńnie ŭ tym sensie, kab zrabić niekatoryja dadzienyja pra kamientatara vieryfikavanymi?

Juryj Zisier: Ideja paznačać karystalnikaŭ ściahami krain biessensoŭnaja: bo mnohija zachodziać praz proksi-sierviery. Akramia taho, šmat našych vychodzić u efir to z-za miažy, to ź Biełarusi, što kančatkova zabłytaje spravu. My ruchajemsia ŭ hetym kirunku, ale nie šlacham vizualizacyi IP-adrasoŭ. Budziem stymulavać karystalnikaŭ vystupać na forumach pad realnymi imionami.

Biełarus napisaŭ(ła) 15 maja 2013 u 23:41

Vašaje staŭleńnie da budaŭnictva «bulbašchoła» kala Kurapat?

Juryj Zisier: Nie mahu adkazać, bo nie adsačyŭ kaniec historyi. Ale kali ŭ vyniku budaŭnictva restarana pachavańnie sapraŭdy, jak abiacali, pryviaduć u paradak, pabudujuć miemaryjał i spyniać akty vandalizmu, horš ad hetaha nie budzie.

Načny dazor napisaŭ(ła) 16 maja 2013 u 0:17

Spadar Zisier, jak vy ličycie, jakaja budučynia ŭ papiarovych mas-miedyjaŭ Biełarusi i ŭ pryvatnaści dziaržaŭnych ŚMI? Ci vyratuje ich ab"iadnańnie ŭ chołdynh albo im taksama treba pierachodzić na internet-viersii?

Juryj Zisier: Nie varta źviazvać prychod internetu, płanšetaŭ i elektronnych knih sa «śmierciu ŚMI». Što da dziaržaŭnych ŚMI, to im hetak ža ciažka, jak i pryvatnym, Jany sutykajucca ŭsio z toj ža adsutnaściu rekłamnych hrošaj, pra što ja kazaŭ vyšej. Abjadnańnie ŭ chołdynh i pierachod na internet nijak nie źviazanyja pamiž saboj, chołdynh — tolki mahčymaść ekanomii na maštabach.

Alaksiej F. napisaŭ(ła) 16 maja 2013 u 1:55

Jakoje vašaje staŭleńnie da bieł-čyrvona-biełaha ściaha i hierba «Pahonia»?

Juryj Zisier: Stanoŭčaje. Tolki jak čałaviek, jaki maje dačynieńnie da markietynhu i brendynhu, ja liču, što ŭ budučyni Biełaruś maje patrebu ŭ novym ściahu i ŭ novym hierbie, jakija adroźnivajucca ad hierba susiedniaj dziaržavy. Nu dzie vy bačyli dźvie dziaržavy z adnolkavymi hierbami? Ci chtości ŭsurjoz dumaje, što možna adhavaryć Litvu ad vykarystańnia «Pahoni»? A maja arhumientacyja pa ściahu taja ž, pa jakoj novy ściah uviali ŭ Hruzii. Voś vy ź dziacinstva ściah jakoj zamiežnaj dziaržavy zapomnili pieršym? Pravilna, japonski, jak i ŭsie cikaŭnyja padletki, tamu što jon ni da jakaha inšaha nie padobny. A ciapier pahladzicie na naš histaryčny ściah, a potym zirnicie na polski i łatvijski. Nu jaki zamiežnik adroźnić hetyja try ściahi i zapomnić, jaki jość jaki! Heta značyć, naš histaryčny ściah słaba vykonvaje svaju hałoŭnuju funkcyju — identyfikacyjnuju, bo nieraspaznavalna padobny da ściahoŭ susiedziaŭ. Naš dziaržaŭny ściah, darečy, zapaminajecca značna lepš dziakujučy ŭnikalnamu nacyjanalnamu ŭzoru kala tronka (a nie spałučeńniu čyrvonaha ź zialonym, jakoha ŭ śviecie hać haci pačynajučy z Partuhalii). Heta vialikaja budučaja praca, tolki nie dla historykaŭ, a dla markietołahaŭ i dyzajnieraŭ. Ja padychodžu da pytańnia nie z chvaravita-histaryčnaha punktu hledžańnia, a z funkcyjanalnaha i razumieju, što moj padychod vyklikaje krytyku. Bolš za toje, ja i z nahody nazvy našaj krainy vykazaŭsia nietradycyjna.

Jak vy staviciesia da asoby i lehiendy Kanstancina (Kastusia) Kalinoŭskaha?

Juryj Zisier: Mnie ciažka mierkavać, ja nie historyk i vielmi mała viedaju pra hetuju temu.

Za jakuju simvoliku vy hałasavali na tak zvanym «refierendumie» ŭ 1995 hodzie?

Juryj Zisier: Za histaryčnuju.

Za kaho vy hałasavali ŭ 1994 hodzie?

Juryj Zisier: U pieršym tury za Šuškieviča, u druhim nie ŭdzielničaŭ.

Tutejšy napisaŭ(ła) 16 maja 2013 u 2:02

Jak vy dumajecie, ci pavinnyja ŭsie chłopcy słužyć u vojsku? Ci pavinnaje ŭ Biełarusi być prafiesijnaje vojska? Jakoje vojska było b lepšaje dla režymu Łukašenki?

Juryj Zisier: Ja za prafiesijnaje vojska. Siońnia nikomu nie patrebnaje harmatnaje miasa. Piersanał pavinien być kvalifikavanym, vałodać sučasnaj zbrojaj i taktykaj, a dla hetaha treba mieć mazhi, nielha pryciahvać usich zapar.

Franak napisaŭ(ła) 16 maja 2013 u 2:05

Ci achviaravali Vy kali-niebudź hrošy dla Tavarystva biełaruskaj movy?

Juryj Zisier: Nie.

Nina napisaŭ(ła) 16 maja 2013 u 6:49

Dva pytańni:

Vašaje staŭleńnie da taho, što ŭ Biełarusi jość palitviaźni.

Juryj Zisier: Admoŭnaje.

Ci majecie vy pazašlubnych dziaciej?

Juryj Zisier: Nie maju nie tolki pazašlubnych dziaciej, ale navat pazašlubnych suviaziaŭ.

Michaś, Miensk. napisaŭ(ła) 16 maja 2013 u 9:09

Spadar Zisier, kolki kaštuje sumleńnie ŭ vašym vypadku?

Juryj Zisier: Nie viedaju, zboku lepš vidać. Kali ja zrablu niešta niesumlennaje i prybytak ad hetaha možna budzie acanić u hrašovych znakach, tady i paličym.

Pupz napisaŭ(ła) 16 maja 2013 u 9:43

Juryj Anatoljevič, vy jak šmathrannaja talenavitaja asoba majecie mahčymaść žyć i vieści biznes u luboj krainie śvietu. Ale vy zastajaciesia na Biełarusi (što vielmi pryjemna). Čamu?

Juryj Zisier: Tut hałoŭnaja sprava majho žyćcia — partał TUT.BY, z dapamohaj jakoha ja mahu zrabić śviet krychu lepšym.

Jakija krainy (miescy) vam padabajucca dla adpačynku? Dzie jašče nie byli, ale chacieli b pabyvać?

Juryj Zisier: Byŭ u 48 krainach. Karta maich padarožžaŭ jość u TripAdvisor i dastupnaja praz facebook. Usiudy dobra, i ŭ luboj krainie jość dzie adpačyć. Dla adpačynku bolš za ŭsio padabajucca Turcyja i Tajłand, tamu što dla mianie adpačynak — heta pierš za ŭsio mora. Chacieŭ by adpačyć u Vjetnamie.

Juraś Biełarus napisaŭ(ła) 16 maja 2013 u 10:07

Spadar Zisier, što aznačaje vašaje proźvišča? Ad jakoha słova (słoŭ) jano pajšło?

Juryj Zisier: «Zisier» — ad niamieckaha słova Suss («zius») — «sałodki». Ja — sałodki, jak dziciačy saviecki piśmieńnik. Ci, kali pa Fiejchtvanhieru — habrej Zius. U kancy XVII — pačatku XVIII st. u Aŭstra-Vienhryi, Hiermanii i Polščy prajšła dziaržaŭnaja kampanija pa prysvajeńni habrejam proźviščaŭ (da hetaha proźviščaŭ nie było). Isnujuć źviestki (abo lehiendy — kamu jak padabajecca), što aŭtaram proźviščaŭ, prysvojenych u Polščy, byŭ piśmieńnik-ramantyk Ernst Hofman (aŭtar «Don Žuana», «Ščaŭkunka» i inšych viadomych tvoraŭ), a ŭ Hiermanii — paet Hienrych Hajne, jaki słužyŭ tady ministram i ŭłasnaručna prydumlaŭ habrejam proźviščy. Majo proźvišča niamieckaje i chutčej za ŭsio prysvojenaje mienavita ŭ Hiermanii (tamu što ŭ Aŭstra-Vienhryi proźviščy zbolšaha byli składovyja). Značyć, maje prodki ŭ siaredniavieččy žyli ŭ Hiermanii. Choć usie maje pradziedy i prababuli rodam z Uschodniaj Ukrainy.

Tejko napisaŭ(ła) 16 maja 2013 u 10:58

Dobry dzień, Juryj! Skažycie kali łaska, ci ličycie vy, što ŚMI ŭ luboj krainie pavinnyja być tolki apazicyjnymi, bo ŚMI isnujuć jak lusterka dla ŭłady, kab ułada zaŭsiody zmahła pahladzieć na svaje niedachopy? Bo ŭ našych realijach niejak skłałasia tak, što isnuje dva łahiery ŚMI, dziaržaŭnyja i pryvatnyja, pamiž jakimi, možna skazać, vajna, jakaja prymusiła ŭsich pierajści nie na aśviatleńnie navin, a na niejkuju prapahandu.

Juryj Zisier: Isnuje dva asnoŭnyja typy žurnalistyki: žurnalistyka faktu i žurnalistyka mierkavańnia. My starajemsia prytrymlivacca pieršaj. Mnohija surjoznyja śpiecyjalisty ŭ śfiery žurnalistyki ličać, što tolki heta i jość žurnalistyka, a ŭsio astatniaje — prapahanda. Dumaju, što TUT.BY tamu i nabyŭ papularnaść, što prytrymlivajecca žurnalistyki faktu. Navat u tych vypadkach, kali kankretnyja fakty nie padabajucca žurnalistu, hałoŭnamu redaktaru ci mnie, jany źjaŭlajucca na partale.

polina napisaŭ(ła) 16 maja 2013 u 11:58

Pavažany Juryj Zisier, jak vy ličycie, ci maje vybarčaja sistema patrebu ŭ reformie? Jak, na vašuju dumku, pavinien pravodzicca padlik hałasoŭ? Jak čałaviek, prafiesijaj jakoha źjaŭlajucca infarmacyjnyja technałohii, ci bačycie vy mahčymaści ŭkaranieńnia sistemy elektronnaha hałasavańnia ŭ Biełarusi?

Juryj Zisier: Pryznajusia, ja nie vielmi vałodaju pytańniem. Dumaju, što vybarčaje prava całkam možna ŭdaskanalić, naprykład, uvioŭšy hałasavańnie pa partyjnych śpisach, jak heta pryniata va ŭsim śviecie. Elektronnaje hałasavańnie ŭkaranić tym bolš mahčyma, i ja spadziajusia, što ŭ ramkach Dziaržaŭnaj prahramy pa ŭkaranieńni elektronnaha ŭrada heta kali-niebudź budzie zroblena, tady hałasavańnie stanie bolš prazrystym.

Anton napisaŭ(ła) 16 maja 2013 u 12:41

Kali b biznesmen z Anhlii albo Francyi, jaki zajmajecca biznesam u IT-śfiery, paprasiŭ u vas parady, ci varta jamu pieranosić svoj biznes u Biełaruś, što b vy jamu paraili?

Juryj Zisier: Tak, tak i jašče raz tak. U nas vydatnyja ŭmovy dla raspracoŭki PA, pracuje Park vysokich technałohij, jość kvalifikavanyja kadry i źjavilisia mieniedžary, zdolnyja ŭznačalić apieracyjnuju pracu.

Siemion napisaŭ(ła) 16 maja 2013 u 13:25

Siońnia partał TUT.BY apublikavaŭ navinu ab tym, što ŭ Pružanach na miescy plity «Nieviadomy sałdat» pachavali žonku «zasłužanaha haradžanina», da hetaha pad hetymi ž Pružanami byli źniesienyja kazarmy z cehły Bresckaj krepaści. Dziakuj vašamu partału, što padymajecie temy, žurbotnyja dla vieteranaŭ. Jak vy ličycie, druhaja suśvietnaja budzie taksama zabytaja paśla śmierci apošniaha vieterana, jak byli zabytyja pieršaja suśvietnaja, rasijska-francuzskaja vajna 1812 i inšyja?

Juryj Zisier: Siamion, bajusia, što tak. Čałaviek nie moža žyć tolki vajnoj. Ludzi chočuć pracavać, kachać, zabaŭlacca i h.d. Urešcie, siońnia my sutykajemsia z adčužeńniem i navat z takoj pačvarnaj źjavaj, jak publičnaje asudžeńnie tych, chto pavinšavaŭ adno adnaho z Dniom pieramohi! Lepš by pramaŭčali. Ad taho, što niechta vykarystoŭvaje Dzień pieramohi nad nacyzmam dla prapahandy, hety dzień nie moža stracić svajoj značnaści dla čałaviectva. Karotkaja pamiać — heta drenna, tamu što jak tolki vyrastaje pakaleńnie, jakoje nie viedała vajny, jano sparadžaje kiraŭnikoŭ, jakija vyrašajuć, što vajna — prosty sposab vyrašeńnia palityčnych i ekanamičnych prablem, i pačynajecca novaja vajna.

Historyk napisaŭ(ła) 16 maja 2013 u 13:43

Spadar Zisier, ci čuli vy što-niebudź pra žmudzinaŭ i aŭkštotaŭ, inačaj letuvisaŭ, jakija padšylisia pad litvinaŭ u 19 stahodździ? I bolš za toje, paśpiachova ŭcialili svaju nacyjanalistyčnuju łuchtu ŭ suśvietnuju histaryjahrafiju. Što rabić biełarusam u takoj situacyi? Pahadzicca z tym, što litviny — heta ŭžo nie my? Ci zmahacca, kab suśvietnaja supolnaść pryznała, što my, biełarusy, adnačasova źjaŭlajemsia spadkabiercami historyi VKŁ, inačaj histaryčnymi litvinami? Jak by vy sfarmulavali paniaćcie «histaryčny litvin», naprykład, kali b pisali knihu pa historyi Biełarusi, pa jakoj buduć vučycca vašyja ŭnuki?

Juryj Zisier: Paškadujcie, ja ŭsio internetčyk, a nie historyk.

Maksim Dizajnier napisaŭ(ła) 16 maja 2013 u 14:33

Juryj jak časta vy zazirajecie ŭ minskija kłuby, jakoje ŭ vas staŭleńnie da zabaŭlalnaj industryi Biełarusi i jakija nacyjanalnyja asablivaści dla jaje raźvićcia i dehradacyi vy možacie padkreślić?

Juryj Zisier: Maksim, ja ŭ kłubach naohuł nie byvaju: nie majo heta. Televizar taksama nie hladžu. Mianie zaŭsiody bolš cikaviła viečnaje. Tamu nie mahu kampietentna adkazać na hetaje pytańnie.

ždu atvieta, kak sałaviej leta napisaŭ(ła) 16 maja 2013 u 14:48

O, mudrejšy iz mudrejšych Jura! Ja viažu darahomu druhu šarfik, to kak vy dumajecie, kak budiet ciaplej, krasiviej i ekanamičniej — anhlijskaj ryzinkaj ili abyknaviennaj 2×2?

Juryj Zisier: O najaddaniejšaja z addanych! Što ni źviažacie, darahomu siabru ŭsio spadabajecca i budzie hreć, kali jon darahi i vy jamu darahaja.

Ivan Andriejevič napisaŭ(ła) 16 maja 2013 u 14:59

Jura, Vy viedajecie što abjadnoŭvaje Hugo Boss, Volkswagen, Bayer, Siemens, Coca-Cola, Ford? Usie hetyja kampanii supracoŭničali z nacystami. Ci ŭchvalajecie vy takija sajuzy biznesu z fašystami, dyktatarami, nacystami?

Juryj Zisier: Śpis lohka pašyryć. Naprykład, u Francyi za supracoŭnictva z nacystami Renault adabrali va ŭładalnikaŭ, i kampanija stała dziaržaŭnaj. Mnie ciažka mierkavać, tamu što ja nie viedaju, što ŭ kožnym vypadku razumiełasia pad «sajuzam z nacystami». Adna sprava, kali kampaniju prymušali pastaŭlać pradukcyju (abo dziejničali «dobraachvotna-prymusova»), inšaja — kali haspadary sami nabivalisia, aktyŭna prapahandavali i naŭprost finansavali nacyzm. Pytańnie i ŭ tym, što pastaŭlali kałabaracyjanisty — zbroju ci duchi i haziroŭku. Ale ja baču ŭ vyniku, što nacystaŭ hetaje supracoŭnictva nie vyratavała, a pradukcyja zhadanych kampanij dahetul karystajecca papularnaściu. Pracavać u akupavanaj krainie zaŭsiody ciažka, mnohija kroki vymušanyja, a va ŭmovach nacyzmu heta było navat nie pytańnie biznesu, a pytańnie fizičnaha vyžyvańnia ŭładalnikaŭ i menedžaraŭ hetych kampanij. Aktualnaje i pytańnie «A sudździ chto?» Tamu što ŭ mnohich vypadkach abvinavačańni ŭ kałabaracyjaniźmie išli ad kankurentaŭ, a na rašeńni ŭładaŭ u lubym vypadku ŭpłyvaŭ momant pomsty. Ciapier razdajucca ŭsio hučniejšyja hałasy ab tym, što navat Niurnbierhski praces byŭ chutčej aktam adpłaty, čym realnym sudovym razhladam, i mnohija niemcy tam atrymali śmiarotny prysud niezaležna ad ich realnaha ŭkładu ŭ nacyzm i vajnu. Les siakuć — treski laciać.

Ivan napisaŭ(ła) 16 maja 2013 u 15:04

Jak Vam film «Žyvie Biełaruś»?

Juryj Zisier: Užo adkazvaŭ: nikoli nie hladzieŭ savieckija prapahandysckija ahitki i nie źbirajusia hladzieć antysavieckija: jak kazaŭ Daŭłataŭ, heta adno i toje ž.

Ivan napisaŭ(ła) 16 maja 2013 u 15:05

U 2010 hodzie Makiej pieradaŭ vam prapanovu ad Łukašenki pryznačyć vas čalcom Savieta Respubliki. Čamu vy admovilisia?

Juryj Zisier: O, pra mianie znoŭ raskazvajuć aniekdoty! Mnie nichto nikoli nie prapanoŭvaŭ zaniać jakuju-niebudź dziaržaŭnuju pasadu.

Ivan napisaŭ(ła) 16 maja 2013 u 15:06

Jak vy staviciesia da rašeńnia Volhi Abramavaj bałatavacca na pasadu prezidenta ŭ 2015 hodzie? Ci hatovyja stać jaje davieranaj asobaj?

Juryj Zisier: Ivan, ja ŭdzielničaju tolki ŭ spravach, u jakich vynik dasiahalny i stanoŭčy.

Siaržuk napisaŭ(ła) 16 maja 2013 u 15:14

Čamu paśla vašaha intervju na Radyjo Svaboda biełaruskamoŭnyja naviny na Tut.baj amal źnikli? Vy što, pakryŭdzilisia na biełarusaŭ, jakija zadavali vam niazručnyja pytańni?

Juryj Zisier: Siaržuk, vy b choć TUT.BY adkryli, pierš čym pisać z čužych słovaŭ. Niaŭžo ja vyhladaju pomślivym durniem? A majo intervju na «Svabodzie» sapraŭdy atrymałasia niecikavym, tamu što, u adroźnieńnie ad «Našaj Nivy», pytańni mnie zadavała nie zvyčajnaja publika, a troli, i pytańni byli niecikavymi.

Čamu b nie zrabić na Tut.baj biełaruski kutočak tolki ź cikavymi biełaruskamoŭnymi navinami, naprykład, pryśviečanymi historyi Biełarusi?

Juryj Zisier: Navošta, kali «Naša Niva» vydatna spraŭlajecca z hetaj zadačaj? Kožny pavinien zajmacca svajoj spravaj dla svajoj aŭdytoryi.

U intervju Radyjo Svaboda vy abiacali, što Tut.baj budzie rabić niejkija cikavyja mierapryjemstvy, pryśviečanyja Dniu Voli i abviaščeńniu BNR. Ale ničoha takoha nie było. Ci ja pamylajusia?

Juryj Zisier: Voś sakavickija materyjały, pryśviečanyja Dniu Voli.

Ivan napisaŭ(ła) 16 maja 2013 u 15:16

Čamu ŭ Biełarusi epochi Łukašenki nie mohuć źjavicca bujnyja kampanii ŭ IT, a zaŭsiody buduć damarosłyja mlavyja i sumnyja kantorki?

Juryj Zisier: Heta nie tak. U Biełarusi jość bujnyja kampanii — EPAM Systems, IBA, ITransition i mnohija inšyja. Darečy, EPAM — adzinaja biełaruskaja kampanija, akcyi jakoj u minułym hodzie pačali pradavacca na Ńju-jorkskaj fondavaj biržy. Nie MAZ, nie MTZ, nie BiełAZ, a EPAM. Heta simvalična.

Čamu akcyi navat vašaj kantorki tut.by nielha kupić na biržy?

Juryj Zisier: Tamu što my nie AT, a TAA. My niedastatkova vialikija dla vychadu na biržu, nam treba dla hetaha vyraści ŭ dziasiatki razoŭ, kab kaštavać pad miljard dalaraŭ. A biełaruski partał ciapier kaštuje miljonaŭ piatnaccać. Što ž, birža — heta zvyšzadača i, ščyra kažučy, maja daŭniaja mara, da jakoj našaj kamandzie treba budzie iści jašče šmat hadoŭ.

Čamu kali vas prasili padpisać list za vyzvaleńnie Kazulina, vy admovilisia?

Juryj Zisier: Nie pamiataju takoha. Dy i naiŭna dumać, što paličylisia b z majoj dumkaj.

Urał! napisaŭ(ła) 16 maja 2013 u 16:06

Spadar Zisier, mnie zdajecca, što ŭ hłybini dušy, niedzie vielmi hłyboka, vy dobry čałaviek. I sprabujecie ŭsiedzieć na dvuch kresłach, ale jość nadzieja, što na vašym partale vy sprabujecie prasoŭvać apazicyjnyja temy časam, chavajučy ich navat pad hryfam «drenna». Nu, a ciapier majo pytańnie: čamu na mašynu dobruju hrošaj škada?

Juryj Zisier: Dziakuj za «dobraha čałavieka». Tolki ja asabista ničoha nie «sprabuju», bo nie ŭmiešvajusia ŭ pracu redakcyi i zusim nie ŭdzielničaju ŭ redakcyjnych pracesach. A mašyna ŭ mianie dobraja, vonkava nie padobnaja da inšych. Jezdžu z radaściu amal čatyry hady i vielmi zadavoleny. Kali dla Vas «dobraja» — sinonim darahoj, to mnie zaŭsiody było hłyboka naplavać na prestyž u čym by tam ni było. Dla mianie mašyna — nie dasiahnieńnie i nie pradmiet honaru, a kavałak žaleza, jaki ekanomić čas (choć i nie palapšaje zdaroŭje) plus mahčymaść atrymać zadavalnieńnie za rulom — asabistaha šafiora u mianie niama i nikoli nie było.

Roman napisaŭ(ła) 16 maja 2013 u 16:57

Dobry dzień, Juryj Anatoljevič. Nie mahli b vy raskazać, jakija pryjarytety pierad saboj stavić TUT.BY, jakija napramki dziejnaści dla kampanii vy ličycie najbolš pierśpiektyŭnymi ŭ biełaruskim siehmiencie internetu, jakija TUT.BY płanuje/realizuje prajekty?

Juryj Zisier: Dziakuj za pytańnie! Pakolki, jak ja ŭžo zhadvaŭ, rekłamny rynak u Biełarusi vielmi abmiežavany, i niama pieradumovaŭ da kardynalnych źmien, u apošnija hady my zrabili staŭku na raźvićcio elektronnaj kamiercyi, jakaja, pavodle našych prahnozaŭ, budzie raści chutčej, čym rekłamny rynak u stahnacyi. U hetym rečyščy treba i razumieć našy prajekty SECOND.BY, KUPI.TUT.BY, PLATI.TUT.BY, vobłačny chostynh i niekatoryja inšyja. Budučyja prajekty pieraličyć nie mahu: my nie anansujem prajekty da zapusku.

Satan napisaŭ(ła) 16 maja 2013 u 17:58

Pračytaŭ pytańni-kamienty i zrabiŭ šyroki facepalm, na miescy Juryja ja b jaho zrabiŭ jak minimum 50 razoŭ. Ale pytańni…

Biełaruskija veb-majstry ŭ volny čas tut dumu dumali… čamu ŭ bajnecie tak słaba raźvity rekłamny rynak? Manietyzacyja by-trafiku adbyvajecca ŭ asnoŭnym praz adsens abo dyrekt, a heta niekašerna. Naprykład, tavarnyja cizierki navat dla najaŭnaha stanovišča rynku całkam mahli b syści za rašeńnie. Pytańnie: ci nie źbirajeciesia vy papracavać nad dadzienaj nišaj?

Juryj Zisier: Rekłamny rynak słaba raźvity ad taho, što ŭ krainie niama kankurencyi. Chlebazavodu numar piać rekłama nie patrebnaja. U krainie 70–75% dziaržaŭnaj ekanomiki. 70% pradukcyi idzie na ekspart. Našy eksparciory rekłamujucca ŭ Rasii, ale nie ŭ Biełarusi. Navat mnohija pryvatniki ŭstupajuć pamiž saboj u cenavyja zmovy, kab paźbiehnuć kankurencyi — dastatkova ŭspomnić kaśmičnyja ceny na kvietki, jakija ŭ nas daražejšyja, čym u Paryžy ci Ńju-Jorku. Tamu rekłamny rynak u nas isnuje ŭ dema-viersii. Uzrovień internet-rekłamy na dušu nasielnictva ŭ Biełarusi ŭ 18,6 razu nižejšy, čym u Rasii. Miž tym TUT.BY zarablaje hrošy za košt miedyjnaj rekłamy i partniorskich prahram, i my raźličvajem, što rana ci pozna struktura ekanomiki źmienicca, i rekłamny rynak padymiecca. Darečy, Google. Adsense u nas naohuł niama, a Jandeks. Dyrekt — tolki ŭ vyniku pošuku, realizavanaha na ruchavičku Jandeksa.

Jakija ŭražańni ad udziełu na MajeSens?

Juryj Zisier: Dobryja ŭražańni i dobry prajekt. Budu ŭdzielničać jašče, kali zaprosiać.

Nu, i tak… kab facepalm nie hublać. Vy źbirajeciesia vyłučać svaju kandydaturu na nastupnych prezidenckich vybarach?

Juryj Zisier: Ni ŭ jakim vypadku. Ni na nastupnych, ni paśla, ni kali-niebudź jašče. Jak ja ŭžo kazaŭ u televiersii, palityka — nie majo ŭ pryncypie. Ja — biznesmen, internetčyk, ITšnik, u niejkaj miery analityk pa niekatorych prablemach hramadstva ŭ miežach svajoj kampietencyi, ale nie palityk. Sprabuju ŭpłyvać na pracesy, jakija adbyvajucca ŭ mieru svajoj kampietencyi i stupieni ŭpłyvu.

Vadim napisaŭ(ła) 18 maja 2013 u 1:00

Jak lubicie bavić volny čas i što robicie, kab paźbiehnuć niehatyvu ad ludziej?

Juryj Zisier: Vadzimie, kali ja nie pracuju — chadžu ŭ basiejn, hulaju ŭzdoŭž Śvisłačy, idu pa pradukty i h.d. Časam jezdžu na rovary. Uletku budu na dačy. A voś paźbiehnuć niehatyvu nie atrymlivajecca. Viadoma, skura za hady niespraviadlivych abrazaŭ i abvinavačańniaŭ ładna pataŭścieła, ale ŭsio roŭna časam chvalujusia macniej, čym treba. Adharadzicca ad hetaha niemahčyma. Ad hetaha chvareješ. Kožny publičny čałaviek žyvie pad niehatyvam. Ale ŭciačy ad hetaha nielha: navat kali pierastać źjaŭlacca na publicy i davać intervju, chtości ciabie ŭsio roŭna budzie łajać, i heta budzie da ciabie dachodzić. I čym vyšejšyja tvaje dasiahnieńni, tym macniej buduć łajać. Zrešty, i chvalić taksama, tak što niehatyŭ i pazityŭ nierazłučnyja.

Клас
0
Панылы сорам
0
Ха-ха
0
Ого
0
Сумна
0
Абуральна
0