Brytanski ŭrad rassakreciŭ sotni materyjałaŭ pra NŁA. Minabarony, jakoje zajmałasia vyvučeńniem nieapaznanych latajučych abjektaŭ, vyrašyła pakazać publicy materyjały dla taho, kab jana pierakanałasia: pryšelcaŭ nie isnuje i jany nie mohuć pradstaŭlać nijakaj pahrozy. Dakumienty dastupnyja na sajcie Minabarony krainy.

Rasśledavać paviedamleńni pra NŁA brytanski ŭrad pačaŭ u 1952 hodzie. Za hety čas bolš za ŭsio zajavaŭ pra ŭvarvańnie pryšelcaŭ pastupiła ŭ 1978 hodzie (750 paviedamleńniaŭ), kali ŭ kinateatrach pakazali film Styviena Śpiłbierha «Blizkija kantakty treciaj stupieni» ab paranarmalnych źjavach.

Druhi pik pryjšoŭsia na 2009 hod, kali ŭ Brytaniju pryjšła moda na kitajskija lichtaryki. Tady viedamstva apracavała bolš za 640 telefanavańniaŭ i listoŭ.

«Mnohija zapisy ab niabiesnych abjektach dziŭnaj formy i aranžavaha koleru apisvajuć kitajskija lichtaryki, choć sam śviedka ich nie apaznaje», — skazaŭ Devid Kłark, aŭtar knihi «Dakumienty ab NŁA», zasnavanaj na raniejšych daśledavańniach Minabarony.

Pa zajavie Minabarony, bolšaść paviedamleńniaŭ ab NŁA majuć łahičnaje tłumačeńnie, i tolki častka ź ich da hetaha času nierazhadanaja. Siarod ich, naprykład, zajavy ad palicejskich i lotčykaŭ, pieradaje Sky News.

U 2010 hodzie Minabarony Brytanii rasfarmavała śpiecpadraździaleńnie, jakoje zajmałasia vyvučeńniem NŁA. U viedamstvie vyrašyli, što za paŭstahodździa nazirańniaŭ nie było vyjaŭlena ničoha, što śviedčyła b pra isnavańnie inšapłanietnikaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?