Pavodle źviestak abśledavańnia chatnich haspadarak, bolšaść biełaruskich dziaciej vychoŭvajucca z prymianieńniem nasilnych mietadaŭ.

Pra heta paviedamiła načalnik upraŭleńnia statystyki ŭzroŭniu žyćcia nasielnictva i abśledavańnia damašnich haspadarak Nacyjanalnaha statystyčnaha kamiteta Ina Kanašonak na kanfierencyi «Abśledavańnie damašnich haspadarak pa acency stanovišča dziaciej i žančyn u Respublicy Biełaruś (MIKS 4)» 20 červienia ŭ Minsku.

Pavodle jaje słoŭ, źviestki abśledavańnia śviedčać, što 65% dziaciej va ŭzroście 2–14 hadoŭ źviedvajuć jak minimum adnu z form psichałahičnaha ci fizičnaha pakarańnia z boku darosłych členaŭ siamji.

Kanašonak adznačyła, što tolki 8% baćkoŭ ličać, što dla naležnaha vychavańnia da dziaciej treba prymianiać fizičnaje pakarańnie. Adnak na praktycy kožnaje treciaje (34%) dzicia va ŭzroście 2–14 hadoŭ atrymlivaje niejki vid takoha pakarańnia. Pracent chłopčykaŭ, da jakich prymianiajucca hvałtoŭnyja mietady dyscyplinavańnia, niekalki vyšejšy, čym dziaŭčynak, — 67 i 62% adpaviedna.

Kanašonak adznačyła, što «hetaja prablema patrabuje pilnaj uvahi ŭsiaho hramadstva, bo nasille niasie hłybokija nastupstvy dla fizičnaha, dušeŭnaha i navat repraduktyŭnaha zdaroŭja».
Dzieci, jakija vyraśli ŭ takoj atmaśfiery, u budučyni stanoviacca achviarami nasilla i ŭ dalejšym učyniajuć hvałtoŭnyja dziejańni da svaich blizkich. Tak, siarod ludziej, jakich u dziacinstvie fizična karali, 63% vychoŭvajuć dziaciej z prymianieńniem fizičnych pakarańniaŭ.

Śpiecyjalist zaŭvažyła, što siarod dziaciej 2–14 hadoŭ, jakich vychoŭvali nienasilnymi mietadami, amal kožnamu (97%) tłumačyli, čamu jaho ci jaje pavodziny niapravilnyja, prykładna 70% dziaciej zabaraniali rabić toje, što im padabajecca, amal 90% prapanavali zaniacca čymści inšym.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?