Pomnik Alaksandru II u Minsku ŭ 1901-1917 hh.

Pomnik Alaksandru II u Minsku ŭ 1901-1917 hh.

«Alaksandr II pakinuŭ jarki śled u našaj historyi. Jon nie tolki admianiŭ pryhonnaje prava, ale i ažyćciaviŭ cełuju chvalu reformaŭ 60–70 hadoŭ XIX st. Tamu ničoha drennaha ŭ tym, što pradstaŭniki biełaruskaj hramadskaści vystupili ź inicyjatyvaj adnavić pomnik caru-refarmataru, asabista ja nie baču»,
— zajaviŭ u intervju Regnumdoktar histaryčnych navuk, prafiesar Uładzimir Košaleŭ.

«Užo adno toje, što ŭ biełaruskich hubierniach admiena pryhonnaha prava adbyvałasia najbolš paśladoŭna i na bolš vyhadnych dla sialan umovach, čym u centralnych rehijonach Rasijskaj impieryi,

kaža pra toje, što pomnik Alaksandru II u Minsku varta adnavić. Kali niemahčyma adnavić hety pomnik,
to varta jaho ŭstalavać — novy, što budzie całkam apraŭdana», — skazaŭ prafiesar.
Na dumku Košaleva, adnaŭleńnie pomnika Alaksandru II, viadomaha taksama jak «Vyzvaliciel» (za vyzvaleńnie sialan ad pryhonnaj zaležnaści) zusim nie supiarečyć dziaržaŭnaj ideałohii Biełarusi.
«Adnaŭleńnie abo ŭstalavańnie pomnika Alaksandru II u Minsku całkam adkazvaje duchu źniešniepalityčnaha kursu Biełarusi na stratehičny sajuz z Rasijskaj Fiederacyjaj, na pabudovu sumiesnymi namahańniami Jeŭrazijskaha sajuza», — skazaŭ jon.
Košaleŭ adznačyŭ: «Naŭrad ci chto-niebudź z navukoŭcaŭ zmoža admaŭlać značeńnie tych reformaŭ, jakija ažyćciaviŭ impieratar Alaksandr II.
Adnaŭleńnie jamu pomnika było b vielmi simvaličnym mienavita na raniejšym miescy — na minskaj płoščy, jakaja ciapier nazyvajecca «Płošča Svabody».

Alaksandr II staŭ carom u 1855 h. Siarod inšaha, u pieryjad jaho kiravańnia było zadušana Paŭstańnie 1863 h. i praciahnułasia rusifikkcyja kraja.

Pomnik Alaksandru II byŭ pastaŭleny ŭ Minsku ŭ 1901 h.

Znachodziŭsia na Sabornaj płoščy (ciapier płošča Svabody), kala Ratušy. Pastamient ujaŭlaŭ saboj čatyrochkantovuju pryzmu z čornaha hranitu. Sam biust impieratara byŭ vykanany z bronzy. Nadpis na pomniku: «Impierataru Alaksandru II. Udziačnyja hramadzianie horada Minska. 1900». U ciomny čas sutak jon aśviatlaŭsia dvuma elektryčnymi lichtarami, jakija stajali pa bakach.

Pomnik Alaksandru II byŭ pieršym mienavita skulpturnym pomnikam, ustalavanym u Minsku. Uračystaje adkryćcio pomnika, jak novaj słavutaści horada, sabrała vielizarnuju kolkaść minčan i haściej horada. U 1917 h. pomnik byŭ demantavany.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?