Pa prahnozach sinoptykaŭ, u krainie ŭstaloŭvajecca vielmi haračaje nadvorje.

«U hetych umovach kiroŭcy chutčej stamlajucca, ich uvaha raśsiejvajecca, a reakcyja značna paharšajecca. U mnohich ludziej źjaŭlajecca hałavakružeńnie, mlavaść, drymotnaść.
Usio heta pavyšaje vierahodnaść ździajśnieńnia DTZ», — havorycca ŭ paviedamleńni ŭpraŭleńnia DAI MUS Biełarusi.

Dziaržaŭtainśpiekcyja nastojliva rekamienduje kiroŭcam u śpiakotnaje nadvorje pa mahčymaści nie ździajśniać dalokich, stomnych pajezdak. Pry nieabchodnaści sieści za rul płanavać pajezdki ŭ ranišnija i viačernija hadziny. Brać z saboj achaładžalnyja napoi i ŭ abaviazkovym paradku — aptečku.

«Kali adčujecie pierahreŭ — spyniciesia ŭ cieni i adpačnicie.
Adkrytaje akno nie dapamoža. Vyjdzicie z-za rula, prajdziciesia, adkryjcie ŭ aŭtamabili ŭsie vokny i, tolki pierakanaŭšysia, što adčuvajecie siabie zdavalniajuča, praciahvajcie ruch.
Sačycie za svaim samaadčuvańniem padčas ruchu «, — zaklikaje DAI.
Piešachodam, jakija majuć prablemy sa zdaroŭjem, padčas dzionnaha śpioki Dziaržaŭtainśpiekcyja rekamienduje nie vychodzić na vulicu, asabliva ŭ haradach, dzie jašče nahravajecca i asfaltabietonnaje pakryćcio.
Pieramiaščacca lepš u cieni dreŭ, abaviazkova mieć hałaŭnyja ŭbory.
DAI zaklikaje baćkoŭ nie pakidać dziaciej u sałonie aŭtamabila navat na niepraciahły čas.

Va ŭmovach śpiakoty heta moža pryvieści da nieprytomnaha stanu dziciaci.

Клас
0
Панылы сорам
0
Ха-ха
0
Ого
0
Сумна
0
Абуральна
0