Karejskaja kampanija Samsung anansavała vielmi cikavy pradukt: fotakamieru Galaxy NX sa źmiennaj optykaj. Heta pryłada ŭnikalnaja ŭ paraŭnańni z astatnimi pradstaŭnikami liniejki Samsung NX dziakujučy tamu, što pracuje pad kiravańniem płatformy Google Android pa anałohii ličbavych kampaktaŭ kampanii Galaxy Camera i Galaxy S4 Zoom, piša sajt 3dnews.ru.

Vonkava fotakamiera Galaxy NX vyhladaje padobnaj na papiarednija madeli liniejki Samsung NX. Pryłada ŭjaŭlaje saboj niezvyčajny hibryd smartfona i fotakamiery NX20: jana asnaščanaja vialikim 4,8-calevym sensarnym HD-ekranam, 1,6-Hhc 4-jadziernym pracesaram (a taksama admysłovym pracesaram dla fotazdymki), 20,3-Mp fotasensaram farmatu APS-C i pracuje pad kiravańniem Android 4.2.2. Jak i naležyć kamiery liniejki NX, navinka padtrymliva ŭstanoŭka parku optyki Samsung, uklučna z novym 3D-abjektyvam.

Kali kazać pra techničnyja charaktarystyki, varta taksama zhadać 16 Hbajtaŭ ubudavanaha fłeš-nazapašvalnika, padtrymku kartaŭ microSD, 2 Hbajty apieratyŭnaj pamiaci i ličbavy vidašukalnik z pašyreńniem SVGA. Galaxy NX taksama asnaščajucca padtrymkaj biazdrotavych złučeńniaŭ Wi-Fi i navat LTE, što dazvalaje zapampoŭvać fatahrafii ŭ sacyjalnyja sietki abo lubyja inšyja anłajn-słužby praktyčna adusiul.

Galaxy NX moža zdymać videa 1080p z častatoj 24 abo 50 kadraŭ/s, chutkaść zdymki poŭnapamiernych zdymkaŭ moža dasiahać 8,6 kadraŭ/s, pakazčyki vytrymki pačynajucca z 1/6000 siekundy, a adčuvalnaść ISO moža być ustanoŭlena na značeńnie až da 25600. Kamiera asnaščanaja batarejaj jomistaściu 4360 mA*h, ale Samsung nie paviedamlaje dakładna, jak šmat fatahrafij zmoža zrabić aparat na adnym zaradzie pa standartnaj mietrycy (dumajecca, zaŭvažna mienš anałahičnych sistemnych kamier, jakim nie treba «karmić» mahutny pracesar i paŭnavartasnuju mabilnuju AS).

Z prahramnaha punktu hledžańnia Galaxy NX atrymała bolš za 30 «razumnych» režymaŭ dla spraščeńnia pracesu zdymki maładymi fatohrafami, admysłovy režym dla prafiesijanałaŭ, a interfiejs vielmi nahadvaje Galaxy S4. Zrazumieła, dziakujučy Android, uładalnik pryłady moža vykarystoŭvać usie pieravahi dastupnych na płatformie Google dadatkaŭ, uklučajučy Instagram, Facebook, Twitter i inšyja sacyjalnyja sietki.

Samsung pakul nie paviedamlaje, kali vyjdzie navinka, i kolki jana budzie kaštavać. Ale, kali mierkavać pa canie inšych aparataŭ liniejki, cana Galaxy NX na momant vychadu pavinna być na ŭzroŭni kala $ 1000 u kamplekcie sa standartnym abjektyvam.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?