A ty ŭpeŭnienaja, što toje, što adbyvajecca pamiž taboj i tvaim mužčynam — heta kachańnie? Pieryjad «matylkoŭ u žyvacie» prajšoŭ, ty ŭžo nie ŭznosišsia nad ziamloj, jaho dotyki nie apjaniajuć, jak raniej… Naadvarot, časam jaho pavodziny naohuł złujuć!

Vy ŭsio jašče kažacie słovy kachańnia, ale ci jość pamiž vami jano? Chutčej za ŭsio, nie, kali ŭ vašych adnosinach prysutničaje choć adna z nastupnych prykmiet:

1. Ty źniasilenaja

Fizična i maralna. Jon niervuje ciabie, prymušaje pakutavać. Ty stamiłasia adčuvać jaho ŭładu i razumieć, što jon taboj kamanduje. U kachańni abodva partniora pavinny adnolkava adčuvać svaju važnaść adzin dla adnaho.

2. Ty hublaješ siabie

U sprobie zrabić jaho ščaślivym ty hublaješ svoj rytm žyćcia, admaŭlaješsia ad zvykłych rečaŭ i blizkich ludziej. Kachańnie pavinna nie łamać tvajo žyćcio, a arhanična ŭplatajucca ŭ jaho.

3. Jon uvieś čas krytykuje ciabie

Ty ničoha nie možaš zrabić lepš za ŭsich, ni ŭ čym nie možaš być pieršaj. Akramia taho, u ciabie kuča niedachopaŭ i dobra, što jon naohuł źviarnuŭ na ciabie ŭvahu.

4. Jon źnievažaje ciabie ci ćvielić na ludziach

Jon uvieś čas samaśćviardžajecca za košt ciabie ŭ kalektyvie, vyśmiejvaje ciabie pry siabrach. Kali ty kažaš, što tabie niepryjemna, jon nazyvaje ciabie zanadta adčuvalnaj abo kryŭdlivaj.

5. U luboj sprečcy apošniaje słova zastajecca za im

A ŭ ciabie zastajecca adčuvańnie biaśsilla i adsutnaść žadańnia naohuł źviazvacca ź im i niešta vyśviatlać. Jon łamaje tvaju volu i choča, kab zaŭsiody było tak, jak zručna jamu.

6. U ciabie niama asabistaj prastory i mahčymaści raści i raźvivacca

Mabyć, jon vielmi ehaistyčny čałaviek i dumka ab tvaim raźvićci nie daje jamu spakoju. A prahresavać i dasiahać pośpiechu moža tolki jon.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?