Na pasiadžeńni prezidyuma Savieta ministraŭ 21 červienia razhledžanyja vyniki praviedzienaj abłvykankamami i Minharvykankamam pracy pa pierahladzie śpisaŭ hramadzian, jakija majuć patrebu ŭ palapšeńni žyllovych umoŭ i znachodziacca na ŭliku, na prykładzie Bresckaj vobłaści.

Pres-słužba ŭrada nahadvaje, što źvierka čarhi hramadzian, što majuć patrebu ŭ palapšeńni žyllovych umoŭ, była arhanizavanaja pa daručeńni kiraŭnika dziaržavy z tym, kab vyklučyć ź jaje hramadzian, jakija znachodziacca ŭ hetaj čarzie niepravamierna.

U Bresckaj vobłaści vyjaŭlena, što źvierka śpisaŭ prajšła nie ŭ poŭnym abjomie. U mnohim pryčynaj tamu stała adsutnaść va ŭlikovych spravach abnoŭlenych danych, jakija dazvolili b pravieryć pravamiernaść znachodžańnia hramadzian u čarzie.

Premjer-ministr Michaił Miaśnikovič daručyŭ abłvykankamam, Minharvykankamu i Minžyłkamhasu ciaham dvuch miesiacaŭ poŭnaściu zaviaršyć źvierku śpisaŭ hramadzian, jakija majuć patrebu ŭ palapšeńni žyllovych umoŭ i znachodziacca na ŭliku. "Hetuju rabotu treba davieści da kanca, dajści da kožnaj asabistaj spravy, pahladzieć usie dakumienty, — padkreśliŭ jon. — Toj, chto nieabhruntavana znachodzicca ŭ čarzie, pavinien być źniaty ź jaje, dla taho kab padtrymkaj dziaržavy mahli skarystacca sapraŭdy tyja, chto ŭ joj maje patrebu".

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?