Na hetym tydni ŭ Biełarusi čakajecca chaładnavataje i daždžlivaje nadvorje, paviedamiła hałoŭny synoptyk Respublikanskaha hidrameteacentru Volha Fiadotava.

Temperatura pavietra apuściłasia da 15—20 hradusaŭ.

5 i 6 vieraśnia na paŭdniovym zachadzie projduć daždžy. Načnyja tempieratury składuć 7—13 hradusaŭ ciapła, udzień čakajecca 14—20 hradusaŭ vyšej za nul, tolki na Homielščynie budzie ciaplej: nočču 11—16 hradusaŭ vyšej za nul, a ŭdzień — plus 21—25 hradusaŭ.

U kancy tydnia vilhotnaje pavietra z-nad Bałtyki znoŭ pryniasie karotkačasovyja daždžy.

Žnivień hetaha hodu byŭ samym ciopłym z usich letnich miesiacaŭ, adznačyła Volha Fiadotava. Siaredniamiesiačnaja temperatura skłała 18—21 hradus, što na 2—3 hradusy vyšej za normu. Taki ciopły žnivień adznačaŭsia tolki druhi raz za apošnija 60 hadoŭ (jašče ciaplejšy jon byŭ u 1992 hodzie).

Apošni miesiac leta byŭ biedny na apadki: u siarednim vypała tolki 32 mm, abo 42 pracenty da normy. Takaja suchmień u žniŭni adznačajecca adzin raz na 10 hadoŭ. Što da vieraśnia, to, jak čakajecca, pa temperatury i apadkach jon budzie blizki da siarednich šmathadovych značeńniaŭ. Siaredniaja temperatura składzie 11—13 hradusaŭ ciapła.

Heta budzie klasyčny vierasień z umierana ciopłym nadvorjem, daždžami i nievialikim pierapynkam na "babina leta".

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?