Hienerał Bałujeŭski

Kiraŭnik Hieneralnaha štabu Ŭzbrojenych sił Rasiei hienerał armii Jury Bałujeŭski vystupiŭ siońnia ŭ zali carkoŭnych saboraŭ maskoŭskaha Chrama Chrysta Zbaŭcy. Jon zajaviŭ, što «Rasieja maje i budzie mieć samuju nadziejnuju i mocnuju zbroju ŭ śviecie», pry hetym «svajoj zbrojaj Rasieja nikomu nie pahražaje», ale «nadziejna zachoŭvaje hetuju zbroju ŭ hatoŭnaści da vykarystańnia».

Siońnia ŭ Chramie Chrysta Zbaŭcy śviatkujuć 60‑hadovy jubilej 12‑ha Hałoŭnaha ŭpraŭleńnia Ministerstva abarony — ustanovy, jakaja adkazvaje za zachavańnie i prymianieńnie jadziernaj zbroi.

Ŭ chramie sabrałasia dziŭnaja kampanija: aficery Hałoŭnaha ŭpraŭleńnia, vajskovyja kiraŭniki, vieterany padraździaleńniaŭ asobaj ryzyki dy jararchi Rasiejskaj Pravasłaŭnaj Carkvy.

Paśla śviatočnaha malebna, jaki adsłužyŭ japiskap Brońnicki Amvrosij (Jermakoŭ), vikaryj patryjarcha Maskoŭskaha i ŭsioj Rusi Aleksija II, u zali carkoŭnych saboraŭ pradstaŭnikam pieradavych złučeńniaŭ jadziernaha zabieśpiačeńnia ŭručyli vympieły‑charuhvy z vobrazam Sierafima Saroŭskaha, jaki źjaŭlajecca apiekunom jadziernaj zbroi Rasiei.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?