Maładziožnaja drama «Vyšej za nieba» Andreja Kurejčyka i Dźmitryja Marynina ŭvajšła ŭ prahramu lepšych filmaŭ SND 2012–2013 hadoŭ na fiestyvali «Załaty abrykos» u Armienii. Jak paviedamlaje
Na jubilejny fiestyval pryjechali kinazorki suśvietnaha maštabu: Šarl Aznavur, Siarhiej Łaźnica, Kšyštaf Zanusi, Ulrych Zajdl, Ištvan Saba, pradstaŭniki Kanskaha, Maskoŭskaha, Safijskaha, Hamburhskaha kinafiestyvalaŭ, bolš jak 400 mižnarodnych haściej.
Adborščyki fiestyvalu i armianskija krytyki adznačyli admysłovaje miesca filma «Vyšej za nieba» ŭ raźvićci sučasnaha biełaruskaha kiniematohrafa. Pakazy stužki prajšli ŭ hałoŭnaj zale fiestyvalu ŭ Jerevanie i ŭ Hiumry. «Krytyki, jakija prezientavali film, asobna adznačyli jaho humanistyčnuju skiravanaść i psichałahičnuju praŭdzivaść, prafiłaktyčnuju misiju, asobnaha zhadvańnia ŭdastojeny saŭndtrek filma, napisany kampazitaram Dźmitryjem Fryham i biełaruskimi hurtami Akute, Vinsent, «Lapis Trubiackoj» i «NRM», — adznačajecca ŭ paviedamleńni.
«Bačna, što „Vyšej za nieba“ — heta tvar novaha biełaruskaha kiniematohrafa dla navakolnaha śvietu. Anałahaŭ prosta niama. Usich cikavić, što takoje Biełaruś siońnia, — a ŭ našym filmie ŭdałosia pakazać heta ščyra, bieskampramisna, ale nietendencyjna», — skazaŭ režysior filma Dźmitryj Marynin.
Maładziožnaja drama pra žyćcio biełaruskich muzykantaŭ stała adzinym biełaruskim filmam, adabranym dla «Załatoha abrykosa».
Na dumku Kurejčyka, «Vyšej za nieba» moh by być prezientavany na mižnarodnaj arenie značna šyrej. «Cikavaść da filma vielizarnaja, — adznačyŭ jon. — Na žal, heta nie zaŭsiody mahčyma. Film zastajecca zabaronienym, niahledziačy na jaŭnuju škodu i dla prafiłaktyki VIČ, i dla imidžu PRAAN i Biełarusi».
«Załaty abrykos» staŭ užo piatym fiestyvalem dla «Vyšej za nieba». Da hetaha karcinu pakazvali na mižnarodnaj premii «Źniata» ŭ Maskvie,
Nahadajem, «Vyšej za nieba» pavinien byŭ stać pieršym biełaruskim maładziožnym sieryjałam, ale
Poŭnamietražnaja viersija vyjšła ŭ internecie i sabrała bolš jak 300 tysiač spampoŭvańniaŭ i prahladaŭ. «Vyšej za nieba» byŭ pryznany najlepšym biełaruskim filmam 2012 hoda pavodle viersii partała «Kinopoisk».





