Paciarpiełyja ŭ aŭtamabilnaj avaryi va Ukrainie biełaruskija dzieci siońnia ranicaj adpraŭlenyja miedycynskim transpartam z Bresta ŭ Minsk, paviedamili ŭ Bresckaj dziciačaj abłasnoj
balnicy.

Takoje rašeńnie było pryniata napiaredadni pa prośbach baćkoŭ minskich školnikaŭ i ŭzhadnieńni pamiž upraŭleńniami achovy zdaroŭja. Da taho ž stan paciarpiełych u DTZ dziaciej na piaty dzień paśla trahiedyi dazvalaje ich transpartavać bližej da doma.

Da ciapierašniaha času ŭ Bresckaj dziciačaj abłasnoj balnicy znachodzilisia troje junych pacyjentaŭ. Najbolšyja aściarohi ŭ śpiecyjalistaŭ vyklikała stan dziaŭčynki 2001 hoda naradžeńnia, jakaja atrymała ŭ vyniku avaryi čerapna-mazhavuju traŭmu.
Jaje transpartavali na reanimabili ŭ supravadžeńni mamy. Jašče adnu dziaŭčynku i chłopčyka 15 i 14 hadoŭ u supravadžeńni miedycynskich rabotnikaŭ dastaviać u karecie chutkaj miedycynskaj dapamohi. Dalejšaje lačeńnie chłopcy buduć prachodzić pad nahladam śpiecyjalistaŭ lačebnych ustanoŭ Minska.

Trahiedyja na aŭtadarozie Damanava — Koviel adbyłasia 11 lipienia kala 7.30 ranicy. Za 30 km ad Koviela sutyknulisia turystyčny aŭtobus, jaki pieravoziŭ dziciačy chareahrafičny kalektyŭ ź Minska na bałharski kurort «Čarnamorac», i rejsavy aŭtobus, jaki jechaŭ z Łucka ŭ Šack. U vyniku łabavoha sutyknieńnia zahinuli 8 čałaviek, u tym liku abodva kiroŭcy, 12-hadovy biełaruski chłopčyk i piaciora pasažyraŭ — hramadzian Ukrainy. Kala 30 čałaviek paciarpieli. Pa fakcie DTZ raspačata kryminalnaja sprava. Pravodzicca rasśledavańnie.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?