Košt 1 kv.m na pieršasnym rynku žyłoj nieruchomaj majomaści Minska z pačatku 2013 hoda pavialičyŭsia na 16,5%.
Ab hetym paviedamiła kiraŭnik upraŭleńnia «Navabudcentr» hrupy kampanij «Tvaja stalica» Natalla Pičucha.
Siaredniaja cana 1 kv.m u staličnych novabudoŭlach u pačatku vieraśnia 2013 hoda skłała $1640. U novabudoŭlach ekanomkłasa košt udziełu ŭ dolevym budaŭnictvie vyras na 20,7%, biźnies-kłasa — na 14,7%, elit — na 11,2%.
«Siaredni rost cen za studzień-žnivień 2013 hoda skłaŭ amal 2,5%, abo $36, pry hetym na praciahu ŭsiaho hoda temp rostu zapavolvaŭsia: ad maksimalnaha pavyšeńnia cen u studzieni na 4,3% da 1,5% u žniŭni», — rastłumačyła ekśpiert.
Taksama Natalla Pičucha raskazała, što za žnivień bolš za ŭsio padaraželi staličnyja kvatery elit-kłasa — siaredni košt 1 kv.m u takim žylli pa stanie na pačatak vieraśnia skłaŭ $2528, abo 103% adnosna cany lipienia 2013-ha.
Kvatery biźnies- i ekanomkłasa za hety pieryjad prybavili ŭ canie zusim niaznačna — košt kvadratnaha mietra skłaŭ $1622 i $1432 adpaviedna. Najbolšy rost koštu adznačany na dvuchpakajovyja kvatery — prykładna na 2,3% ŭ paraŭnańni ź lipieniem biahučaha hoda, minimalna źmianiłasia cana na trochpakajovyja kvatery — rost na 0,3%.
Praktyčna niaźmiennymi zastalisia ceny na kvatery va ŭžo hatovych damach, što realizujucca zabudoŭščykami. Košt 1 kv.m u takich damach na pačatak vieraśnia skłaŭ $1735.
