23 vieraśnia AAT «ASB» Biełarusbank «pavialičvaje staŭki pa kredytach na budaŭnictva i nabyćcio žylla na 10%, paviedamlaje BiełaPAN.
Śpiecyjalist ASB «Biełarusbank» paćvierdziła partału www.realt.by, što adbylisia źmieny stavak pa kredytach. I na siońniašni dzień kredyt na budaŭnictva i na nabyćcio žylla možna atrymać pad 38,5% (staŭka refinansavańnia plus 15%, raniej — plus 5%). Termin karystańnia kredytam składaje 15 hadoŭ.
Pry hetym pamier vydadzienaj sumy moža składać da 75% koštu budaŭnictva (rekanstrukcyi), nabyćcia žyłoha pamiaškańnia ŭ miežach płaciežazdolnaści klijenta. Akramia taho, nie tak daŭno byli źmienieny i ŭmovy ab parucy.
Zaraz pry raźliku sumy kredytu mahčyma ŭklučeńnie ŭ sukupny dachod kredytaatrymalnika dachodaŭ paručalnikaŭ — blizkich svajakoŭ kredytaatrymalnika: muža ci žonki, baćkoŭ, rodnych bratoŭ (siaścior) muža i žonki, dziaciej, unukaŭ.
Partał nahadvaje, što ŭ sakaviku hetaha hoda najbujniejšyja dziaržaŭnyja banki (AAT «ASB «Biełarusbank», AAT «Biełahraprambank», AAT «Bielinviestbank») adnavili kredytavańnie žylla dla hramadzian, jakija majuć patrebu ŭ palapšeńni žyllovych umoŭ, pad 16%.
Adnak užo ŭ žniŭni padobnaje kredytavańnie było prypyniena. Niekatoryja ekśpierty rynku vykazali zdahadku, što banki paprostu vyčarpali zapas srodkaŭ dla kredytu i prypynieńnie časovaje.
