Raśsielhasnahlad vyjaviŭ najaŭnaść niedapuščalnych mikraarhanizmaŭ u charčovaj pradukcyi ź Biełarusi.
Fiederalnaja słužba pa vieterynarnym i fitasanitarnym nahladzie Rasii (Raśsielhasnahlad) vyjaviła najaŭnaść niedapuščalnych mikraarhanizmaŭ u charčovaj pradukcyi, pryviezienaj ź Biełarusi. Takaja infarmacyja raźmieščana na aficyjnym sajcie Raśsielhasnahladu.
Jak zaznačajecca, łabaratornyja daśledavańni pakazali prysutnaść załacistaha stafiłakoka ŭ hatovaj pradukcyi sa śvininy (kancern «Brestmiasamałpram»), a taksama ŭ syravendžanaj kaŭbasie «Prestyž» (Brescki miasakambinat), paviedamlaje BiełaPAN.
Miezafilnyja aerobnyja i fakultatyŭna-anaerobnyja mikraarhanizmy byli vyjaŭleny ŭ salami «Pasolskaja MiaskaVit» (Viciebski miasakambinat), varanaj kaŭbasie «Amatarskaja duchmianaja» (Vaŭkavyski miasakambinat), achałodžanych miasa-raślinnych sardelkach-špikačkach «Apietytnyja» (AFPK «Žłobinski miasakambinat»).
U varanaj kaŭbasie ź jałavičyny «Bielickaja» (Homielski miasakambinat) padčas łabaratornych daśledavańniaŭ vyjaŭlenyja bakteryi hrupy kišačnaj pałački.
Raśsielhasnahlad pryniaŭ rašeńnie prainfarmavać dziaržaŭnuju vieterynarnuju słužbu Biełarusi pra vyjaŭlenyja parušeńni da pryniaćcia nieabchodnych mier.
