Fota Scanpix.
Kali žančyny kuplajuć darahija rečy kłasa luks, jany takim čynam sprabujuć, pa słovach navukoŭcaŭ Univiersiteta Miniesoty, advadzić kankurentak i zachavać adnosiny z mužčynam.
Śpiecyjalisty praviali sieryju ekśpierymientaŭ, u jakich paprasili žančyn ŭjavić, jak ich partniory flirtujuć ź inšaj žančynaj na viečarynie. Paśla hetaha aceńvałasia ciaha žančyn da darahich rečaŭ, jakija prajaŭlajucca mienavita z punktu hledžańnia žadańnia zachavać adnosiny, piša US News.
U vyniku žančyny z asnoŭnaj hrupy malavali łahatypy luksovych marak na torbach, abutku, futbołkach i aŭtamabilach u dva razy bolšaha pamieru, čym žančyny z kantrolnaj hrupy.
Taksama ŭdzielnicy pryznalisia: jany nie stali b flirtavać z mužčynam, čyja partniorka apranutaja doraha. Na ich dumku, źniešni vyhlad žančyny kaža ab addanaści jaje mužčyny.
Sens u tym, što, u adroźnieńnie ad mužčyn, žančyny, u pieršuju čarhu apranajuć darahija rečy dla pradstaŭnic svajho połu.
Dyzajnierskija sumki źjaŭlajucca svojeasablivym sihnałam dla inšych žančyn.Jany robiać pradstaŭnic słaboj pałovy čałaviectva bolš ščaślivymi, kažuć ab ich statusie i adhaniajuć supiernic, zajaŭlajuć psichołahi.