Zasnavalnik prajekta «Vkontaktie» Pavieł Duraŭ vykazaŭ padtrymku asudžanaj udzielnicy pank-hurtu Pussy Riot Nadziei Tałakońnikavaj na svajoj staroncy ŭ sacyjalnaj sietcy.
Duraŭ zaklikaŭ padtrymać Tałakońnikavu, što paskardziłasia ŭ paniadziełak na ŭmovy jaje ŭtrymańnia ŭ kałonii, u pryvatnaści na «17-hadzinny pracoŭny dzień, 4-hadzinny son, štodzionnyja źbićcio, zapałochvańnie, pazbaŭleńnie bazavaj hihijeny i ježy».
Pavodle Durava, kožny pavinien pračytać list Tałakońnikavaj i raskazać ab niespraviadlivaści svaim siabram.
«Luby z nas ci našych blizkich moža apynucca na miescy hetaj dziaŭčyny», — zajaviŭ Duraŭ, dadaŭšy, što apisanyja Tałakońnikavaj złačynstvy pavinny być vykaranienyja.
Raniej stała viadoma, što SK Mardovii praviadzie pravierku ŭ suviazi sa skarhami Tałakońnikavaj, jakaja ŭ paniadziełak abviaściła haładoŭku.
Nadzieja Tałakońnikava była asudžana na dva hady źniavoleńnia (pavodle U. Pucina — «ulapili dvušačku») za pank-malebien «Pucina, Baharodzica, prahani) u Chramie Chrysta Zbaŭcy ŭ Maskvie.