Uvodziacca časovyja abmiežavańni ŭ pracy punktaŭ sproščanaha propusku na ŭčastku Homielskaj pahraničnaj hrupy ŭ suviazi z sanitarna-karancinnymi mierapryjemstvami, jakija pravodziacca ŭkrainskim bokam.
Jak paviedamiŭ pres-sakratar Homielskaj pahraničnaj hrupy Dźmitryj Uklejka, z 20.00 25 vieraśnia ŭ sproščanych punktach propusku cieraź miažu Ukrainy i Respubliki Biełaruś časova zabaronieny ruch transpartu.
Propusk hramadzian u punktach propusku «Paddabranka», «Hłybockaje», «Andrejeŭka», «Łojeŭ» budzie ažyćciaŭlacca ŭkrainskim bokam tolki ŭ piešym paradku, usie transpartnyja srodki (uklučajučy matacykły i rovary) buduć pieranakiroŭvacca na najbližejšyja miždziaržaŭnyja i mižnarodnyja punkty propusku dla praviadzieńnia nieabchodnych vidaŭ kantrolu.
Akramia taho, z 25 vieraśnia časova zabaroniena pieramiaščeńnie na terytoryju Ukrainy praduktaŭ žyviolnaha pachodžańnia. Takaja zabarona z ukrainskaha boku budzie dziejničać da asablivaha rasparadžeńnia kampietentnych orhanaŭ Ukrainy.
Dziaržpahrankamitet Biełarusi źviartaje ŭvahu na toje, što ŭ punktach sproščanaha propusku ažyćciaŭlajecca tolki pahraničny kantrol, pierasiačeńnie miažy ŭ ich źjaŭlajecca biestavarnym.
