Padzieńnie koštu ŭkrainskich ablihacyj prymaje pahroźlivyja maštaby, dachodnaść 10-hadovych papier u aŭtorak apynułasia vyšejšaj za 10%. Pry takoj canie zapazyčańniaŭ, papiaredžvajuć ekśpierty, krainie nieŭzabavie moža spatrebicca dapamoha Mižnarodnaha valutnaha fondu, jaki nie śpiašajecca kredytavać Kijeŭ, jakija jašče z 2011 hoda nie vykanaŭ pastaŭlenyja ŭmovy.
Ukrainskija papiery hublajuć papularnaść na pazykovym rynku. Prybytkovaść dziaržaŭnych ablihacyj terminam na dziesiać hadoŭ padskočyła napiaredadni z 9,64 % da 10,5% (dadzienyja Tradeweb). U krasaviku ich dachodnaść składała 7,5%. Košt kredytna-defołtnych svopaŭ (instrumient, jaki vykarystoŭvajecca dla strachoŭki ad defołtu pa daŭhach) padskočyŭ da maksimumu sa studzienia 2010 hoda.
Heta śledstva panižeńnia kredytnaha rejtynhu dziaržavy ahienctvam Moody's. 20 vieraśnia, u minułuju piatnicu, Ukrainu panizili jašče na adnu prystupku - Saa1,što na siem prystupak nižej za ŭzrovień, jaki adździalaje inviestycyjny rejtynh ad tak zvanaha śmiećcievaha, i aznačaje vielmi vysokuju ryzyku defołtu. Siarod pryčyn panižeńnia Moody's nazvała paharšeńnie adnosin z Rasijaj.
Padpisańnie Ukrainaj i Jeŭrasajuzam pahadnieńnia ab asacyjacyi ŭ siarednieterminovaj pierśpiektyvie budzie pazityŭna adbivacca na ekanomicy i palitycy Ukrainy, adznačyła ahienctva, ale ŭ karotkaterminovaj pierśpiektyvie mahčymyja ekanamičnyja sankcyi Rasii, na jakuju prypadaje 25 % ukrainskaha ekspartu, pieraviešvajuć pieravahi, pradastaŭlenyja intehracyjaj ź ES.
Ekanomika Ukrainy vymušana zmahacca adrazu ź niekalkimi prablemami - vialikim deficytam biudžetu (kala 5% VUP),handlovym deficytam,nievialikimi valutnymi reziervami,iakija praciahvajuć źmianšacca ($19,7 młrd na kaniec žniŭnia, skaracilisia za hod na 30%), i nadychodziačymi vypłatami pa daŭhach, na jakija spatrebiacca ZVR. Da kanca 2014 Kijeŭ pavinien vypłacić $10,8 młrd. Asabliva chvalujuć zachodnich analitykaŭ pastaŭki rasijskaha hazu, impart jakoha pavinien vyraści z nadychodam aciaplalnaha siezona.
«Usich reziervaŭ Ukrainy chopić,tolki kab apłacić impart za paru miesiacaŭ»,- padličyli ŭ vydańni TheWallStreetJournal.
«Z krain, jakija raźvivajucca, Ukraina apynułasia ŭ samym horšym stanie»,- kamientuje fondavy kiraŭnik Aberdeen Asset Management Viktar Saba. Pavodle jaho słoŭ,ruch katyrovak bondaŭ tolki pačaŭ sa spaźnieńniem adyhryvać paharšeńnie makraekanamičnych pakazčykaŭ. «Ukrainie budzie vielmi ciažka atrymać dostup da zamiežnych daŭhavych rynkaŭ»,- ličyć Saba.
Ekanamist,iaki śpiecyjalizujecca na rynkach,iakija raźvivajucca,u UniCredit, Denieł Viernaza, jaho słovy pryvodzić ahienctva Bloomberg, miarkuje, što pa dapamohu Ukraina źvierniecca samaje poźniaje ŭ siaredzinie 2014 hoda. Jon ličyć najbolš vierahodnym scenar, pa jakim Ukraina padpisvaje pahadnieńnie ź ES, a zatym prosić dapamohi ŭ MVF. Ustupleńnie ŭ mytny sajuz z Rasiejaj, pavodle jaho słoŭ, taksama nie vyklučana, i Ukraina chacieła b dałučycca da abiedźviuch arhanizacyj,ale,«jak akazałasia, heta ŭzajemavyklučalnyja rečy».
Papiaredniaja prahrama kredytavańnia MVF dla Ukrainy na $ 15 młrd była zamarožanaja viasnoj 2011 hoda z-za taho,što kraina admoviłasia vykanać umovy fondu.
MVF patrabavaŭ ad Ukrainy padniać ceny na haz dla nasielnictva,zbałansavać dziaržaŭny biudžet i adpuścić kurs hryŭny. Ukraina raźličvała atrymać adabreńnie jašče na adnu kredytnuju liniju ŭ $15 młrd vosieńniu 2013 hoda.
Premjer-ministr Ukrainy Mikałaj Azaraŭ zajaviŭ u paniadziełak, što spadziajecca na źmianieńnie pazicyi fondu.
«My nie možam pierakładać ciažar nieapraŭdana vysokich koštaŭ na haz na nasielnictva,- skazaŭ jon u intervju telekanału «Rasija 24». - Kali nie atrymajecca damovicca z MVF, pasiadzim biez kredytaŭ. Śviet u nas niemaleńki, značyć, zojmiem u inšych miescach. Śviet klinam tut nie syšoŭsia».
Jašče da panižeńnia rejtynhu na minułym tydni Ukraina damoviłasia z rasijskim SberbankCIB ab atrymańni kredytu, praŭda, na značna mienšuju sumu - $ 750 młn, - jaki dla mnohich analitykaŭ staŭ siurpryzam.
«Hety kredyt dla taho,kab Ukraina nie pavaliłasia ŭ ekanamičnuju katastrofu,- patłumačyŭ paźniej daradca Uładzimira Pucina pa pytańniach rehijanalnaj ekanamičnaj intehracyi Siarhiej Hłaźjeŭ. - My ratujem ad defołtu».
«Panižeńnie rejtynhu stała sihnałam dla ŭsich,- kanstatuje strateh Citigroup Łuis Kosta. - U cełym my razhladajem scenar, pa jakim zaležnaść Ukrainy ad rasijskich finansavych patokaŭ tolki ŭzrastaje,a taksama idzie nievialikaje kredytavańnie sa źniešnich rynkaŭ».
