Statuetku i ček na 20 tysiač złotych (6 380 dalaraŭ) polski mastak biełaruskaha pachodžańnia atrymaŭ padčas uračystaści ŭ Karaleŭskim zamku ŭ Varšavie.
Lavon Tarasevič staŭ łaŭreatam Premii imia Cypryjana Norvida ŭ naminacyi «Vyjaŭlenčaje mastactva». Uznaharodu mastak zdabyŭ za vystavu ŭ halerei «Spokojna», a taksama adkrytaj halerei ŭ Domie Palonii ŭ Varšavie.
Polski mastak biełaruskaha pachodžańnia (naradziŭsia ŭ 1957 h. u v. Valiły na Padlaššy) Lavon Tarasevič vučyŭsia ŭ varšaŭskaj Akademii mastactvaŭ. Udzielničaŭ u šerahu vystavaŭ u Polščy i za miažoj. Pradstaŭlaŭ Polšču na 49-ym Bijenale mastactva ŭ Vieniecyi.
Uručeńnie Premii imia Cypryjana Norvida adbyłosia ŭ 192-ju hadavinu z dnia naradžeńnia kłasyka polskaj litaratury. Uznaharody prysudžajucca ŭ naminacyjach: litaratura, muzyka, teatr, vyjaŭlenčaje mastactva.
